03/08/2026
كلها ساعات وداخل على عملية جر.احية كبيرة
بس قبل ما استودعكم الله لازم اقول اللى فى نفسى ويارب يوصل لكل الناس
👈بقول من اعماق قلبى حسبنا الله فى كل بلوجر او فودبلزجر بيروح يطفح سحت ويغش الناس فى المطاعم او السلع
👈حسبنا الله فى كل صانع محتوى بيفتى فى غير تخصصة وبيضلل وبيضيع شقى الناس وبيضلل الاخرين علشان يلم مشاهدات
👈حسبنا الله فى كل غشاش فى الاعلانات مدلس لمنتج وبيحلف كدب على السلع
👈والاب اللى بيسمح ان بنته او مراته تعرض جسمها ولبسها وبيتها
👈والاشكال الضالة اللى بيتنمروا على خلق الله بمحتوى ساخر
لكل من يتابع هؤلاء انت مشارك معاهم ف فى كل حاجه دلوقتى تحت شعار الزهق افتح التيلفون اتفرج على واحد كل هدفه فى المحتوى الهيافة والتنمر والسخرية على الاخرين او الفرجة على واحد بيطفح بسيف الحياء وبيغش الناس وعلى واحد معرى بيته مقابل المشاهدات
👈ملعو.. ن ابوها فرجه انتوا هتفوقوا امتى ياجماعة الولاد والجيل دا بيضيع ما بين اب وام مطحونين والولاد فى غرفه تانية متخيل سايب ابنك المراهق بيتفرج على ايه على اخ بيصور اخته تيك توك وبيتاجر بجسمها على اب ديو.ث بيتاجر ببنته او زوج بزوجته البيوت اصبحت على المشاع
👈 زمان كل البيوت كان لها بابين باب للضيوف يدخلوا منه لغرفة الجلوس او الضيافة وباب لاهل البيت عشان اهل البيت متكشفش ويتستروا عن الضيوف دلوقت البيوت اصبحت مسرح والحياء راح واسرار يدخلها المتطفلو.ن ويطلعوا على عورات ناسها
👈الناس اتجننت الفلوس جننتهم والمشاهدات خلتهم باعو ضميرهم
👈ولو الناس مش فاقت هينتشر الموضوع دا فى مفاصل اعراضهم
👈بكره محدش هيبص لحد... محدش هينصح حد كله نفسى نفسى الناس الا من رحم ربى الفلوس والشهرة لحست دماغهم وجعلت اعراضهم مستباحة فى سوق وللاسف انت الضحية ابنك الضحية
👈عندى احصائيات مرعبة للعنوسة وزنا المحارم والامور بتطور ولعياذ بالله فى كثرة السحاق بين البنات دى مش توقعات دى حقائق ...
👈بنتك اوعى تسيبيها تبات برة او تخرج فى رحلات تحت شعار بنات مع بعض ارجوكى بتجيلى رسائل كار.ثية لبنات مع بعض اخطر على بعض من الولاد على الاقل الواد بنتك بتاخد حذرها منه لو متربية صح لكن دلوقتى الا من رحم ربى بيقعدوا مع بعض وبياخدو راحتهم وبيتصوروا فى منهم اللى بتبز صاحبتها اللى شربت معاها سجاير وفى اللى متصورة على راحتها وتبعتها لوحد علشان يبتزها تحت شعار معلش الموبايل وقع منى من فتره واسفه معلش وفى اللى بتشجع على حاجات تانية كتير
👈فندم ماتحطوش البنزين جنب النار وتقولوا ولادنا متربين الف مره لا ورب الكعبة فى زمن الفيديوهات بنتك شايفاكى بتتفرجى على بلوجر قدوة للاسفا.ف
👈بنتك شايفاكى بتضحكى على مهرج وارجوز بيقول وسط فيديوا بالكامل لفظ واحد فيه ايحاءات انتى ضحكتى وعدى الفيديو لكن مع المراهق دى نقطة تركيز وبتقيم عليها حاجات كتير تؤدى الى افكار تانية تحت شعار العادى
👈 احضنوا ولادكم الف مره فى اليوم احضنوهم بالكلام بالاهتمام صاحبوهم اتكلموا معاهم وضرورى تلغوا متابعة متسولي الفيديوهات والله العمر بيتسحب لو ابنك ما اتعلمش صنعه او اتعلم ينزل يجيب الجنيه خلاص كدا هيبقى ارخص سلعة فى المستقبل
👈بنتك لو ما حفظتش على نفسها وما اتعلمتش التدبير وانها تحافظ على مالها وعلى بيتها واهملتى انها تقف معاكى فى المطبخ وتنزل معاكى تشترى السوق وتهتم بصحتها .. انسى ان يكون ليها مستقبل لا فى بيت ولا غيط والارصفه خارج محاكم الاسرة شاهده على كلامى
👈 قبل اخير الاقتصاد مش ذهب ولا نفط ولا فلوس جزء كبير منه منتمى للاوضاع الاجتماعية لان الفقر والعنوسة والبطالة ... الخ كلها اقتصاد واهم من الذهب
👈 احذفوا التيك تيك من تيلفونات اولادكم ... الغوا متابعة كل متنمر سارق لوقتكم وصحتكم فوقوا لمستقبل اولادكم .. تحروا الحلال وعلموا اولادكم البر وصلة الارحام والصدقات
👈 الانتاج ياجماعة علموهم صنعة حرفة تجارة الذكاء الاصطناعى مش كل حاجه المستقبل للى معاه اللقمة وبينتج وبيمتلك شيىء ملموس لبكره
👈انا اقسم بالله الكلام دا طالع من اعماق قلب راجل اقتصاد مستشرق على الاوضاع فى المستقبل حرفيا المستقبل غمامة كبيرة محتاجة نظارة وعى كبيرة تساعدونى اننا ننشرها فى كل بيت وكل زمان معلش طولت عليكم وبجهز نفسى لعملية جراحية كبيرة اليوم حبيت اختم كلامى بالشيىء اللى يرضى ربنا لو حصل شيىء يكون فى ميزان حسناتنا ولو ربنا كتب لينا البقاء سنستمر باذن الله فى الوعى حتى اخر نفس
والى اللقاء اينما سيكون اللقاء ونستودعكم الله اسالكم الدعاء
اخوكم وابنكم د. احمد حنفى - Ahmed Hanfy
الخبير والمحلل الاقتصادى
