24/11/2025
أصلي أصلي ولا ذكاء اصطناعي؟
دايمًا لما بتسأل عن كيف شايف الذكاء الاصطناعي في التصميم بحب أرد من زاوية مختلفة شوي...
توغل الذكاء الاصطناعي في التصميم والعملية الإبداعية بشكل عام أثّر بالسلب على جزأئية في غاية الأهمية وهي "أصالة الأعمال"... قبل قليل من تواجد الذكاء الاصطناعي كان من يعمل بالمجال الإبداعي يجتهد ويشتغل على حاله عشان يطوّر من مهاراته وأسلوبه وقاعدته الفنية عشان يتطوّر ويكوّن له أسلوبه الخاص اللي يتميز به، كانت إضافة لمسة جمالية جديدة لها حساب وتقدير وميزان، وإنك تكتشف وتصنع effect جديد بيقدم معنى وجمالية سواء في تشكيل ظل أو إضاءة أو تكوين creative، وهي دي الطريقة اللي أنتجت مبدعين محترفين ذو قوة مهنية وخبرة ثقيلة يتعمل لها حساب ويتدفع فيها أرقام، وهم اللي أنتجوا أعمال وأفكار أثّرت في المجتمع والناس والمبيعات.
حاليًا للأسف كثير -جداً- من المصممين أول شئ بيبدأ ويتحرك من خلاله في المشروع أنه يطلع يجري على الذكاء الاصطناعي وكأنه بيقول له ألحقني، ويأخّر خياله وأيده وال sketches لما نشوف الأول الذكاء الاصطناعي.
خلينا ناخذ مثال بسيط، الموضوع مثل الفرق بين الشغل ال hand made وبين اللي بيتصنّع بآلة، السيارة اللي بينتج منها المصنع 5 سيارات كل يوم عشان جلد الكراسي طبيعي وله خياطة يدوية، وبين السيارة اللي كل يوم بيطلع منها 1000 نسخة جاهزة من القالب، اللوحة اللي أترسمت في شهر وبين اللوحة اللي انطبعت في خمس دقايق، مين الأغلى والأعلى قيمة (ماديًا ومعنويًا) وحفاظ على القيمة...!
ناهيك عن الفكرة التي تعمل في الخلفية سواء عند العميل أو الجمهور أنه "ذكاء اصطناعي" يعني لا تعب فيه ولا اخترع حاجة من عنده.
في الأعمال الإبداعية الأصالة والقيمة لهم مقاعد أساسية وليس حضور ثانوي، ودايمًا وستظل هذه القيمة من نصيب العمل الأصلي المصنوع من فكرة أصلية متعوب عليها ومتذاكر لها واتنفذت بحرفيّة واهتمام وشغف حقيقي، مش نتاج مجموع خوارزميات وأكواد برمجية.
صحيح أنت اللي بتفكر في البرومبت وتعطي الذكاء الاصطناعي المسار اللي ينتج منه، لكن يظل العقل عقل واليد يد والآلة آلة.
النقطة المُضرة أكثر في الاعتماد على الذكاء الاصطناعي هي أن مع تكرار العملية أنت بطريقة غير مقصودة بتبرمج دماغك على كسل المجهود والتخيّل والتفكير والعصف الذهني الإبداعي، واللي بيرافقها أن مع الوقت إيدك بتقل مهارتها وقوتها سواء مع القلم والاسكتش أو مع ال tools داخل البرامج، وبكده أنت بتضيف رصيد بالسالب إلى منبعك الذهبي للإبداع.
استخدم الذكاء الاصطناعي ولكن في حدوده الصحية اللي تكمّل وتحسّن وتسّرع العمل ولكن متحولكش بعد شوية لمجرد كاتب prompt مش فنان ومصمم حقيقي.
