افضل اماكن الفسحه والخروج في مصر

04/08/2026

05/05/2026

مبروك يا مصر
من بكرة.. مونوريل شرق النيل يفتح أبوابه للركاب رسميًا

خبر حلو لكل اللي بيتحركوا بين مدينة نصر والقاهرة الجديدة والعاصمة الإدارية 👇

ابتداءً من يوم الأربعاء 6/5/2026، هيبدأ تشغيل المرحلة الأولى من مونوريل شرق النيل للجمهور، من محطة المشير طنطاوي لحد مدينة العدالة في العاصمة الجديدة.

🕕 مواعيد التشغيل:
يوميًا من الساعة 6 صباحًا لحد 6 مساءً

🚉 المحطات (16 محطة):
المشير طنطاوي – وان ناينتي – المستشفى الجوي – النرجس – المستثمرين – اللوتس – جولدن سكوير – بيت الوطن – مسجد الفتاح العليم – الحي R1 – الحي R2 – المال والأعمال – مدينة الفنون والثقافة – الحي الحكومي – مسجد مصر – مدينة العدالة

🔗 هيربطك بإيه؟
المونوريل هيسهّل الوصول لـ:

القاهرة الجديدة والعاصمة الإدارية
المولات والمستشفيات
الجامعات والمدارس
الفنادق والمساجد
الشركات والمناطق الاستثمارية
النوادي والاستادات

وكمان فيه ربط مباشر مع القطار الكهربائي الخفيف (LRT) عند محطة مدينة الفنون والثقافة.

🛠️ راحة وخدمات جوه المحطات:

كل محطة متجهزة بـ:

سلالم عادية وكهربائية
مصاعد
تجهيزات لذوي الهمم 👌
تصميم حديث يسهّل الحركة

🚄 مميزات القطر نفسه:
مكيف بالكامل ❄️
ممرات بين العربات لراحة أكتر
كاميرات مراقبة
شاشات جوه القطر لعرض معلومات الرحلة
شاشات فوق الأبواب بتوضح المحطة النهائية
أماكن مخصصة لذوي الهمم والكراسي المتحركة
خريطة تفاعلية مضيئة توضح خط السير

جاهز تجرب أول رحلة؟ 😎

03/05/2026

الحديقه ماحدش خالص يعرفها🤭🤭
وسعر دخولها ١٠ج وعلي النيل 😍😍
حديقه نيل المعادي
بيكو مصر - Bikoo misr
افضل اماكن الفسحه والخروج في مصر

30/04/2026

رحلة في قلب القاهرة بـ10 جنيه بس! سمعت عن "الكيلو صفر"؟ طب جربت تكتشفه بنفسك؟ 😍 لو رحت العتبة، ماتضيعش الفرصة وزور متحف البريد المصري 📬✨ متحف نادر بيحكي حكاية المراسلات من أيام ورق البردي لحد الإيميلات! 💌 هتلاقي هناك: 🕊️ قسم البريد الجوي والحمام الزاجل والطائرات القديمة 📬 أندر الطوابع من كل العالم 🎒 أدوات وموازين وشنط بريد من زمان 👔 زي البوسطجي وتطوره عبر السنين! التذكرة بـ10 جنيه بس، وللطلبة بـ5 جنيه 🤩 🏛️ العنوان: ميدان العتبة 🕘 المواعيد: من 9 الصبح لحد 2 الظهر (كل الأيام ما عدا الجمعة والسبت). والمفاجأة؟ 😍 عملتلكم جولة كاملة بالفيديو عشان تعيشوا التجربة من بيتكم! 📹 تلاقوها على بروفايلي الشخصي، وكمان شرحتلكم إزاي تروحوا بالمترو بكل سهولة! 🚇 افضل اماكن الفسحه والخروج في مصر بيكو مصر - Bikoo misr 🌟🌠🎉👏💥🔥💖🎊👍

28/04/2026

دا ياسيدى كورنيش الزمالك الجديد ، افتحوا الصور اتفرجوا على جماله بالكامل مابين الليل و النهار بعدستى و تصويرى 📸✌️🇪🇬 افضل اماكن الفسحه والخروج في مصر بيكو مصر - Bikoo misr 🤩🌅🌃👏💕

27/04/2026

كيف لم يكن هناك من يتحدث عن أن تذكرة السينما أصبحت 45 جنيهًا؟ تذكرة السينما بنصف السعر هذا هو الحال في جميع الحفلات والأفلام. الحفلات الصباحية ب 45 بدلاً من 90 والحفلات المسائية ب 65 بدلاً من 130. ولكن من أجل أن تكون المعلومات كاملة، ليس كل السينمات تقوم بذلك، هذه سينما جلاكسي المنيل Galaxy Cinema و Premiere Cinemas. وأسعار اليوم هي يوم الثلاثاء من كل أسبوع فقط. لم أستطع تصديق السعر حتى دخلنا الفيلم. الصورة واضحة والصوت ممتاز والكراسي مريحة والصالات كلها مكيفة ونظيفة واستمتعنا كثيرًا بالخروجة. لا تنسى أن تأخذ فيشارك وأنت تدخل وسلاشك وتستمتع بالقعدة لأن هذه من أساسيات الخروجة. رقم السينما هو 0225325745.

26/04/2026

خروجه الربيع

فى 🌹🌹معرض الزهور🌹🌹

المعرض موجود بالمتحف الزراعى بالدقى

سعر التيكت ٢٠ ج للفرد

هتلاقى جميع الزهور والنباتات وتجهيزات المشاتل

وكمان معرض ديارنا للمشغولات اليداويه

وفى كمان كذا متحف جوه المتحف

بس اخرهم الساعه ٣ بالنسبه للمتاحف

المعرض شغال من ٩ ص ل ٩ م

ولو معاك عربيه فى باركينج ب ٢٠ ج

واقرب مترو للمعرض مترو الدقى

العنوان: شارع وزاره الزراعه الدقى الجيزه
افضل اماكن الفسحه والخروج في مصر
بيكو مصر - Bikoo misr 📸

05/04/2026

حديقة الزهرية بالزمالك
التذكرة 10 جنيه
هادية ورايقة
هاتوا اكلكم وشوربكم لان مفهاش كفتريا ودي اهم ميزة
كل براحتك ونضف مكانك ❤

21/02/2026

رمضان يجمعنا كل سنه وانتم طيبين
أجمل شارع في مصر اتزيّن خلاص استقبالًا للشهر الكريم 🌙✨
محدش يختلف إن التوقيت ده من السنة بيبقى شارع المعز في القاهرة القديمة حالة خاصة لوحده. راحة نفسية، بساطة، وجمال تتوه جواه😍

التمشية وسط الفوانيس متعة حقيقية، كل شارع وكل حارة ليهم طعم وروح مختلفة، وتحس إن قاهرة المعز كلها في حالة انتظار لرمضان 😍😍

أنت حرفيًا ماشي جوه متحف مفتوح، تاريخ ونور وأجواء مالهاش مثيل. ونصيحة مهمة: لو ناوي تروح حاول تبعد عن الخميس والجمعة علشان الزحمة وتستمتع أكتر

07/02/2026

اسوان بلد السحر والجمال ❤️
اللي بيحب اسوان يدوس ❤️