قاع-bottom

31/08/2023

أنا نفسي أبقى كويس والله وباخد خطوات لده وبحط لنفسي أهداف لو حققتها هتغير حياتي للأحسن .. بس مُشكلتي إني بفقد الشغل بسهولة فمبقدرش أستمر..

قولي أعمل أيه عشان مفقدش الشغف تجاه الحاجة اللي المفروض هتفيدني لو إستمريت عليها!

بص يا صديقي..، حوار فقدان الشغف ده خدعة كبيرة ..

لعبة الشيطان ونفسنا اللي بتميل للهروب من المسؤلية ووبتميل لشهوة الراحة بيلعبوها علينا ..

ودي مشكلة لازم تكون مدركها عشان تقدر تحلها ..

لازم تكون مدرك إننا لو مش مُجبرين على المسؤلية بنميل للراحة حتى لو عندنا شغف للحاجة دي..

والعكس صحيح ، لو إحنا مجبرين على حاجة معينة بنستمر فيها حتى لو معندناش شغف..

يعني مثلاً فترة الدراسة أو الشغل في الغالب كلنا معندناش شغف نستمر فيهم ، ورغم إنت ملتزم فيهم ومستمر عليهم لسنين ..

- طيب أيه السر في ده .. ليه بنكمل في الحاجة المجبرين عليها رغم إننا معندناش شغف تجاهها !

السر يا صديقي هو الإحساس بالمسؤولية ، الكلمة دي معناها إن في حد هيسألك على الحاجة اللي انت مسؤل عنها لو معملتهاش ..

لو مروحتش الشغل فأنت المدير هيسألك ، لو مروحتش الدرس أو المدرسة فأهلك ومدرسك هيسألوك .. فده اللي بيجبرك تستمر رغم إن مفيش شغف ..

- فعشان كدا الصح يا صديقي إنك تستبدل الوقود اللي بيحركك تجاه تحقيق أهدافك من الشغف إلى المسؤلية..

الشغف بيموت أول ما تحس إنك بقيت مسؤول ومجبر على حاجة معينة .. فلو انت اعتمدت ع الشغف كوقود فانت مش هتتحرك خطوة ..

- لكن إستحضارك للمسؤلية طول الوقت في أهم حاجة وهي علاقتك بربك هي اللي هتخليك تستمر على صلاتك وقراءة قرءانك حتى لو مفيش شغف ، لأنك عارف إنها دنيا فانية هتنتهي كلمح البصر وهتقف أمام الله وهيسألك ..

فعشان تستمر في أي هدف إنت حطيته لنفسك سواء كان ديني أو دنيوي فحط على نفسك المسؤلية إنك بتعمل الهدف ده عشان توصل لنتيجة معينة إنت نفسك هتسأل نفسك عنها بعدين ..

هتسأل نفسك أنا ليه ضيعت في فترة أنا كان في إيدي أسعى فيها وأستغله في تطوير نفسي دينياً ودنيوياً ،

فأنا واجب عليا أستمر في التعب ده وأحرم نفسي من الراحة وأجبرها على المسؤلية عشان أرتاح بعدين .. سواء كانت راحة مؤقتة في الدنيا أو راحة أبدية في الآخرة ..

استحضر دايما المسؤلية دي في حياتك وخليها الوقود اللي بيحركك ، وصدقني هتستمر في اللي بتعمله حتى لو فقدت الشغف .

أنا بكتب الكلام ده لنفسي عشان أأكد عليها تستمر ومتاخدش فقدان الشغف حجه للهروب من المسؤلية واستسهال الإنسحاب عشان فيه راحة ..

26/06/2023

غواصة تيتان كان جواها ٥ أشخاص مابين مليونير وملياردير كل واحد فيهم كان يتمنى تاخد كل ثروته ويبدل مكانه بمكانك اياً كانت ظروفك!، "مليارات الدولارات مقابل نفس أُكسچين واحد بس من اللي انت بتتنفسه دلوقتي!".

القيمة الحقيقية هي وجودك في الحياه نفسها، قدِّرها وأمتن ليها واشكر ربنا، واتبسط طول ما معاك الوقت.

26/06/2023

قلوب تشتاق بشدة ❤
اللهم لا تحرمنا زيارة بيتك الحرام🤲

23/06/2023

22/06/2023

‏لا تتردد بالعودة إلى الله مهما بلغت ذنوبك .. فمن سترك تحت سقف المعصية .. لن يخذلك تحت جناح التوبة ...