بوابة التسويق والتجارة الالكترونية

27/08/2025

في مجموعه اسئلة هتجاوب عليهم لو بتتعامل مع بنوك في مصر لو لا ممكن تبعت اللينك لاي حد من اصحابك, اهلك, قرايبك يقولوا رأيهم بكل صراحه

🎯 الفئة المستهدفة: عملاء البنوك المصرية (أي شخص عنده حساب أو بيتعامل مع بنك داخل مصر، وخصوصًا اللي بيستخدموا تطبيقات الموبايل البنكي أو الإنترنت البنكي).

📝 مدة الإجابة: 3 - 5 دقائق فقط

🔒 البيانات سرية وتُستخدم لأغراض علمية فقط

https://forms.gle/LN9rLpUtRrLEz6ae7

دوس علي الرابط وجواب علي الاسئلة وابعته لاي حد من قرايبك الي بيتعاملوا مع البنك

03/10/2024

تطبيقات البنوك الذكية تغير طريقة تفاعلنا مع المال، فهل أنت مستعد لتكون جزءًا من هذه الثورة التكنولوجية؟

شاركنا في هذا الاستبيان لمعرفة مدى جاهزية عملاء البنوك في مصر لهذه التطبيقات "صوتك مهم!"

لينك الاستبيان علي جوجل:
https://forms.gle/eQo6LQtqm3wfqDSr6

27/05/2019

بوابة التسويق والتجارة الالكترونية .. www.ecrabia.com

صمم بواسطة المبدع : Mahmoud Abdo

27/05/2019

بوابة التسويق والتجارة الالكترونية .. www.ecrabia.com

صمم بواسطة المبدع : Mohamed Abdo

02/05/2019

اخبار غير مؤكدة عن تغيير اسم موقع سوق دوت كوم الي امازون .. شايفين هايكون في فرق جوهري ولا لا .

31/12/2018

فيديو قديم شوية عن ادارة الانتاج والعمليات كنا عاملينه في بداية مشوارنا عدي عليه كثير جداً ويمكن ماحدش اخذ باله منا ، قولنا ننشره عشان اصدقائنا يستفادوا ، ولو في اي فيديوهات حابين اننا نتكلم عنها ياريت تقولونا وباذن الله نعملها ليكوا .

سكشن ادارة الانتاج والعمليات - تخطيط الطاقة الطاقة المصممة و الطاقة المقدرة وكيفية قياس الطاقة الانتاجية حل مسائل تطبيقية عن تخطيط الطاقة واهم القوانين التى ...

31/12/2018

كيف تربح من اليوتيوب ؟

قد يتبادر الى ذهنك هذا السؤال و بكل بساطة الاجابة ان يوتيوب يمنح اصحاب القنوات الذين يقدمون محتوى " فريد " خاصية شراكة .. بمعنى جعل الفيديوهات الخاصة بك تظهر عليها اعلانات و من ثم يدخل لك ارباح وكل ما عليك فعله ان يكون لديك حساب لدى جوجل ومن بعدها انشاء قناة على اليوتيوب و رفع الفيديوهات الخاصة بك , وقبل البداية عليك التعلم بطريقة صحيحة ولا تترك نفسك لهواة يريدون منك بعض الزيارات وماشابه لكى يكونوا مشهورين ويحققوا النجاح على يدك .. لذا دعنى استعرض معك طرق الربح من اليوتيوب

لقراءة المزيد اضغط على اللينك التالي وأكمل قراءة 5 طرق للربح من اليوتيوب
http://www.ecrabia.com/2014/07/earn-money-youtube.html

07/11/2018

ناس كتيرة لسه بتشوف الربح من الانترنت لأول مرة.
وناس كتيرة بتشوفك كواحد شغال اونلاين إنك قاعد بتلعب او بتضيع وقتك، ف حبينا نوضحلهم مجموعه تعريفات عامه من خلالها هتقدر تاخد خلفية عن المجالات المتاحة للعمل علي النت.

معاك 6 مجالات عامه تقدر تشتغل بيهم وانت قاعد ف البيت ، بس هتتعب برضو كل الفرق ان المرة دي تعبك هيعود عليك بأذن الله بالكامل علي اد سعيك و مجهودك. مش هتستني حد يوظفك ولا يقدرك ولا هتطبل للمدير عشان تنجح :D ولهذا السبب أعشق هذا المجال ^_^

1- الـ SEO: مجال تهيئه المواقع لمحركات البحث، و الهدف من العمل عليه هو الوصول بنتائج موقعك لنتائج البحث الاولي في الكلمات المستهدفه للحصول علي زوار مهتمين بمجال الموقع، يمكن ترجمتهم فيما بعد لعملاء و تحقيق مبيعات ، او الربح من خلال الاعلانات.

2- الـ Social Media & Digital Marketing : مجال التسويق الالكتروني و السوشيال ميديا، متخصصي الوصول للجمهور المستهدف من خلال مواقع التواصل الاجتماعي و الحملات الاعلانية و الابداع في طرق التسويق المبتكرة.

3- الـ Affiliate: مجال الربح من البيع بالعمولة من الاحاله لشراء الخدمات او المنتجات لمواقع اخري وما شابه.

4- الـ CPA: مشابه لمجال الافيلييت ويختلف عنه إنه لا يشترط علي عمليات البيع ولكن كل عرض يتطلب ان تقوم بمهام معينة مثل جعل الزائر يقوم بتحميل تطبيق، او يدخل رقم هاتفه بشركة معينة.

5- الـ PTC: مثل شركة ادسنس في مجال الربح من الضغط علي الاعلانات ، عند وضع بانر الاعلان علي موقعك و تكسب من مشاهده و ضغط الزائر علي الاعلانات ،و شركة ادسنس ايضاً هي مصدر للربح من اليوتيوب. ويوجد شركات كثيرة ف نفس المجال مثل بروبلر ادز و غيرها.

6- الـ Freelancer: مجال العمل الحر يمكنك ان تدخل فيه ايا ً كان تخصصك ، ف لو كنت متخصص تصميم ، برمجة ، او حتي محترف كتابة انجليزي او عربي ، تعرض خدماتك ع المواقع المختصة للأعمال المصغرة مثل خمسات و مستقل و فايفرر و اب ورك. وبهذا تصل للمهتمين لشراء خدماتك.

اتمني ان يكون الموضوع بقي واضح و بسيط لمعظم الناس وانا حاولت قدر المستطاع اوضح المجالات التانية ببساطة
(منقول)

04/11/2018

ازاي تعمل فلوس ✌️

ده سؤال بيشغل تفكير ناس كتير ، في ناس كتير متعرفش اجابة السؤال ده ، بس في ناس تانية بتعرف كويس تعمل فلوس و ببساطة شديدة و مجهود اقل ، انك تعمل فلوس دي حرفه و مهارة ملهاش علاقة بالشغل لان ناس كتير بتشتغل و برضوا مبتعملش فلوس ، في البوست ده هقولك خبرة ناس كتير من اللي بتعمل فلوس ، مبدئياً لازم تبقي عارف انها مراحل كل ما بتعدي مرحلة بتكسب اكتر في اللي بعدها .

الطريقة الاساسية للحفاظ علي المال هو التوقف عن إنفاقه
دائماً عقل الناس بيفكر اجيب منين لدرجة انه بينسي هو بيصرف في أيه ؟ و ده الأهم لان من السهل انك تكسب فلوس مهما كانت ، لكن طول ما انت معندكش سياسة في الإنفاق هتفقد الفلوس و عمرك ما هيبقي معاك فلوس لان اللي جاي هيفضل يروح لان الالتزامات و الاحتياجات مبتخلص ، يبقي اول حاجة تعملها لازم يبقي عندك سياسة في الإنفاق و تقلل احتياجاتك علي قد تقدر ، و لو مش عارف ازاي ممكن تستعين بمختص في المجال المالي و احفظ القاعدة دي
" الاثرياء يدخرون المال و ينفقون ما تبقي ، اما الفقراء ينفقون المال و يدخرون ما تبقي "

٢ - لازم يبقي عندك قايمة انت بتعرف تعمل أيه ، علشان تعرف ازاي تجيب من مهاراتك دي فلوس و تحولها لمكسب ، و اوعي تستقل بحاجة ، لان ممكن مهارتك تبقي بسيطة بس تعرف تسوقها صح فتحقق مكسب كبير ، الطرق لده كتير يكفي انك ممكن تشتغل من علي الانترنت في مواقع كتير لل freelance ممكن تبدأ و تجرب .

٣ - لازم يبقي عندك قايمة أولويات للشراء ، مش معني ان نفسك تشتري حاجة و معاك فلوسها تشتريها - غلط ، لازم ترتب أولويات الإنفاق و تشتري الضروري فقط و باقي الاحتياجات لما يبقي معاك فلوس زيادة مش عايزها ، لازم تعرف انت بتشتري ده ليه و العائد منه أيه ؟ واين بافيت قال انه كان نفسه يشتري ساعة روليكس لانه بيحبها جداً بس كان سعرها ٢٠٠٠ دولار فقرار انه هيشتريها لما يبقي معاه ٢٠٠ الف دولار

٤ - مينفعش تعتمد علي مصدر دخل واحد ، اتعلَّم تصنع مصدر دخل جديد ، اتعلَّم جرافيكس ، تصميم مواقع ، ترجمة اَي حاجة تحققك دخل إضافي ، مينفعش تشتغل عند الفلوس لازم الفلوس تشتغل عندك علشان تحققلك أهدافك ، استثمر فلوسك لان الفلوس الثابتة ميته و بلا قيمة .

٥ - ابعد عن الديون و القروض و القسط ، لو مش معاك ثمن حاجة اوعي تفكر تشتريها ، دي حاجة ممكن تخسرك كتير و تدمر الجانب المادي في حياتك ، اللي بيلجأ لده اللي معاه سعر الحاجة كاش لكن هما شغالين و بيحققوا دخل فبيسبهم و يشوف بديل غير مكلف ، الديون فكر فقير .

٦ - العلاقات ، انت هتكون شبه الناس اللي تعرفهم غصب عنك ، احنا كائنات حسيه تتاثر بالتواصل ، هتلاقي نفسك زي أصحابك بتفكر بنفس طريقتهم تلقائياً ، لو عايز تغير فكرك المالي أتعرف علي ناس بتعرف تكسب و بتعرف تتعامل مع الفلوس ، اقراء عنهم ، اسمع نصائحهم ، خليك قريب منهم ياسيدي من جاور السعيد يسعد 😄

٧ - الفلوس بتهرب من اللي بيجري ورآها ، اجبرها تجيلك لحد عندك ، لازم تفكر انت هتقدم أيه و الناس محتاجه أيه و الناس بتدفع فلوس في أيه و بعدين اعمله باحسن طريقة ، في طلبة في الجامعة بتعمل ملازم و بتبيع المحاضرات و في بنت في طب بتفصل البلطوا و تبيعوا ، في اللي بيشتري حاجات و يبعها لزمايله في اللي بيشتغل في ادخال البيانات في حاجات كتير ممكن تعملها ببساطة شديدة اوعي تفتكر انك محتاج فكرة عبقرية خالص ده ساندرز بتاع كنتاكي عمل شوية بهارات من عند العطار و باع فراخ ، عادي يعني 😉

٨ - اجهز للفرصة ، و الله العظيم الفرص بالهبل في كل مكان و كل إنسان بيجيلوا فرص كتير بس المشكلة ان مش كل الناس بتبقي جاهزة لما تيجي الفرصة ، انت بقي خليك زكي و جهز نفسك ، تخيل انك بتدور علي شغل مثلا و فجاه جه قدامك وظيفة ب ١٠ آلاف في الشهر بس شرط إجادة الانجليزية بطلاقة ... ها أيه بقي ، لو انت جاهز خلصت ، و ده كتير في البزنس علي فكرة بيبقي في فرص كتير بس محتاجه كاش و اللي جاهز بيكسب كتير ، احفظ دي المحظوظ هو الشخص اللي بتجيلوا فرصة و هو جاهز ليها .

٩- اخلص من احتياجاتك ، أو اجلها شويه ، لحد مرحلة الاستقرار المادي ، سلمان الفارسي قال لن تنال ما أردت الا بترك ما تشتهي ، و تيتا بقي هرتني حكم زمان الدنيا مبتديش محتاج ، و الفلوس بتجيب فلوس آه و الله 😄

١٠- دي الزتونة بقي ربنا بيرزق الزكي و الغبي لكن مبيديش الكسلان ، اسعي و خليك مؤمن انك هتاخد اكتر من سعيك ده كريم اوي ، بس ركز التفكير سعي و التخطيط سعي و التعلم سعي و العلاقات سعي و الاستشارة سعي و الشغل سعي ، كل حاجة في الدنيا ممكن لو عرفت ازاي 👌

( منقول )