16/12/2019
الحلو بقى تشيز كيك طبقتين 🍰 طعمها حلو اووى 😍
(المقادير)
٨ مكعبات جبنه كيرى
١/٢ كوب لبن مكثف محلى
١ معلقه صغيرة فانيليا
بسكوت اوريو
٦معلقه كبيرة زبدة سايحه
شكولاته طبخ مبشورة🍫 او اى نوع شكولاته تانى
٢ كيس كريم شانتيه دريم (البودرة)
(الطريقه)
اشيل الحشوة بتاعت البسكوت علشان نحطها فى خليط الشكولاته
اضرب البسكوت كويس فى الخلاط وبعد كدة احط الزبدة عليه واضرب لحد ما البسكوت يتشرب كل الزبدة
احط البسكوت فى صنيه التشيز كيك و اضغط عليه كويسه و ادخله الفريزر علشان يمسك
فى وعاء احط الجبنه و اضربها كويس لحد ما تبقى كريمى بعد كدة احط الفانيليا واللبن المكثف المحلى ونخلطهم كويس
فى وعاء اخر احط الكريمه البودرة و اعملها زى ما مكتوب على الكيس
بعد كدة احط الكريمه بعد ما ضربتها على خليط الجبنه واخلطهم كويس
اقسم الخليط بالتساوي على طبقين
طبقه بيضه و طبقه هنحط عليها شكولاته
هخرج البسكوت من الفريزر واحط الطبقه الأولى (البيضه) وادخلها الفريزر ❄️ علشان تجمد
علشان نعمل الشكولاته اجيب طاسه احط فيه الشكولاته المبشورة والحشوة باعت البسكوت الاوريو مع ٣ معلقه كبيرة كريمه لبانى (حلويات ) واسيحهم على نار هاديه و بعد كدة احطهم على خليط الجبنه اخلطهم كويس لحد ما يتكون عندى خليط الشكولاته
اخرج الصنيه من الفريزر و احط الطبقه الثانية (الشكولاته )
ادخلها الفريزر ❄️ لمدة ٣ساعات
و تقدم بالهنا والشفا 🍫👌
