كيان kayan

22/07/2024

كُل عميل هو عميل مُهم،
إن لم يقتنع بالمُنتَج أو بالخدمة..
فقط إجعله على قناعة تامة بحُسن معاملتك.
#أاحمدصبري

21/07/2024

ارجعوا استخدموا الكمبيوتر تاني !
هوس التكنولوجيا وتحديدا الموبيل ده أثر بشكل سلبي على الجيل الجديد
جيلي والجيل اللي أكبر مني احنا أول ناس استخدمة الكمبيوتر واللابتوب .
وده خله عندنا دراية بـ software بشكل كبير واللي نفعنا في شغلنا بعد كدا
يعني اتعلمنا ازاي نستخدم الـ word و excel من غير ما نحتاخ ناخد كورسات
وكنا بنتنافس على اللي يعرف يستخدم الـ Photoshop احسن من التاني
او تسطب وندوز او تتعامل على البرامج المختلفه والانترنت والبحث على المعلومات ..

ده بشكل تلقائي كان له مردود اجابي في الحياة العملية بعد كدا
اما جيل الموبيل هو معندوش لاب توب اصلا ولو خيرة بين الموبيل واللاب توب هيختار الموبيل

حياته بقت سريعه فايته حجات كتير وعلم كبير موجود على الكمبيوتر
ومتقوليش الموبيل عليه كل حاجه عشان ده مستحيل
الكمبيوتر هو الأساس

انت كمحاسب لما تروح تشتغل في شركة هتشتغل على الكمبيوتر مش الموبيل
فلازم تجهز نفسك من البداية

انا بقول الكلام ده لاني بقابل شباب مبيعرفش يكتب حتى على الكيبورد لانه عمره ما استخدمه وميعرفش ابسط الاساسيات في الكمبيوتر

فياريت كفايا موبيلات بقا ونهتم اننا نجيب لولادنا كمبيوتر من تاني ونهتم بتعلمهم البرمجه والفوتوشوب والمنتاج والتصوير والتسويق ومهارات التواصل والتفاوض لان الحجات دي لو اتعلموها من سن صغير والله هيكون عندنا اعظم جيل في التاريخ

كان زمان واحنا صفيرين مفيش معلومات ولا كورسات والتعلم والبحث كان صعب الي حد كبير اما الجيل ده ادامه فرصة ذهبيه بس للأسف الجيل ده بيغرق في التفاهات


#أحمدصبري

05/06/2024

نصيحة ⚠️
- متفتحش مشروع وأنت مش محدد ميزانية للتسويق معقولة ومستمرة
- متفتحش مشروع وتخلص كل الفلوس في التشطيب والبضاعه
#احمدصبري

22/02/2024

- تتغير وتتبدل الاسواق بشكل رهيب وبسرعة كبيره لو ان كوتلر قال كل خمس سنوات فاليوم وبسرعة التطور انا اقول 5 سنوات كتير واعتقد ان عامين فقط ممكن الممكن ان تتغير فيها الاسواق بمقارنه بسرعة التطور الان عن وقت ما قال كوتلر هذه المقوله .
ولكن السؤال الأهم لماذا تتغير الاسواق ؟
- الحقيقه لاسباب كتيره من اهمها زيادة المنافسة والمنافسين ، وكذالك التطور التكلنولوجي في الانتاج وايضا الانفتاح على العالم من تصدير واستراد فلم يعد شئ اسمه سر المهنه .
والهم هو تطور رغبات واحتياجات العملاء وسلوكهم
وايضا الازمات الاقتصاديه العالميه وبعض السياسات مثل الثورات والقوانين وغرها .
ماذا افعل ؟
التطور هو السر النجاح والاستمرار فنجد ان الشركات الكبرى تطور من منتجاتها بشكل مستمر لتواكب التطور السريع في الاسواق ، وتجد شركة اخرى تطور من شكل منتجاتها وطرق التغليق لتواكب التطور ايضا للاسواق وتغير السلوك الشرائي .
حتى في التسويق طرق التسويق تتطور بشكل سريع وكل يوم في جديد .
مثال :
كان في منطقه ما من حوالي 6 سنوات تقريبا رجل يملك مطم كبير جدا يقدم فيه جميع الماكولات السريعه كان حوالي 8 محلات جمب بعض وكان هو المطعم الوحيد في المنطقه ومشهور جدا وفي احد الحوارات مع صاحب المطعم .
- قولة له ليه معندكش دليفري ؟
= قال ليه بكل ثقه انا مش محتاج دليفري ووجع دماغ انا زبوني بيجيلي من اخر الدنيا وعرفني .
بعد حوالي 4 سنوات كنت في نفس المنطقه ووجدت شئ مختلف المطعم الكبير ذو ال 8 محلات اصبحوا محلين فقط ويوجد في نفس المنطقه مطعم اخر كبير .
-قولة لصاحب المطعم ايه اللي حصل !
= قالي المطعم ده فتح وعمل دعايه كويسه جدا وخدمة توصيل وكل مني السوق وانا خسرت كل حاجه ويديوبك قادر اعيش . ( قصة حقيقية ) .
هذا هو ما اقصده بتطور الاسواق وتطور احتياجات الاشخاص ورغباتهم
فلم يعي صاحب المطعم بحاجة شريحه كبيرة من الزبائن بخدمات التوصيل فاستغل المنافس ذالك الحاجه واصبحت هي الميزة التنافسيه له .
مثال اخر خاص بالشركات التي كانت لا تؤمن بالاونلاين ماركتنج هذه الشركات هيا ما اندثرت واختفت في ازمة كورونا اللي احنا بنمر بيها مع الحظر الصحي اما الشركات التي كانت مقتنعة بالتسويق الاونلاين هيا من مرت بسلام .
هذا واضح بشكل كبير ان العالم الان يتجه الي الاونلاين ماركتنج فالذي كان مهتم به من عامين غير الذي بدا به وقت الازمه .
هذه هي معنى تطور الاسواق وتبدلها فاذا لم تتطور مع تطور الاسواق واختلاف رغبات وسلوكيات العملاء التي تتطور سوف تندثر وتختفي في القريب العاجل .
جربوهاااا
لو عاوز تشوف اقتباسات تاني وشرح لهم ادخل على الرابط الموجود في التعليقات
#احمدصبري

08/02/2024

لكل الناس اللي بتسال على التحديثات
كورس ادارة صفحات فيسبوك 2024 باخر تحديثات خلال ايام على اليوتيوب ان شاء الله
وكمان هيكون كورس صغير لان هشرح فيه التحديثات فقط للناس اللي مش متابعة التحديثات او مش عارفة تتعامل معاها

تابعونا عشان في كورسات كتير جاية
https://www.youtube.com/

01/01/2024

فاكر الهدف اللي كان نفسك تعمله من سنين و معملتوش؟
في الغالب بيكون السبب انك مابدأتش فيه، او لانه هدف كبير وعايز وقت فقولت "اشتغل عليه براحتي كل ما اكون فاضي."

الاهداف الكبيرة فعلا عايزه وقت، لكن علشان تتحقق لازم نمشي فيها خطوة واحدة كل يوم. ✅

لازم خطوة "واحدة" ولازم "كل يوم". 🗓
ده اللي يضمنلك ان احلامك تحصل. 💪👌

معظم الحاجات المهمة في الدنيا نتيجتها تراكمية، مهاراتك، البيزنس بتاعك، اسرتك، كلها حاجات عايزه شغل طويل، زي ال Marketing برضو، نتيجته تراكمية.

📌بس ده مش هيحصل مع الوقت بس، لازم خطة تقسم فيها الحاجات الكبيرة لمحطات والمحطات تتقسم مهام يومية علشان تضمن انك توصل 🙂

نتمنى ليكم سنة جديدة كلها تخطيط وتحقيق ونتايج تراكمية 🙂
#احمدصبري

31/12/2023

كل عام وأنتم بخير
"اللهم عامًا يُغاثُ فيه الناسُ من أحزانهم وأمراضهم وعَثراتهم وأوجاع قلوبهم. ♥

29/12/2023

Thank you to our success partners in 2023.🤍
I hope to achieve even more success in the new year, Wishing you all the best. 🩶
Happy New Year! 2024💖

28/12/2023

أساسيات مهمه لازم تعرفها لو انت عندك مشروع بالفعل او بتفكر تفتح مشروع او شركة ...
- المشروع من غير #تسويق مش هيكبر .
- المشروع من غير #حسابات بيبوظ .
- المشروع من غير #إدارة جيده مش هيستمر كتير .
- المشروع من غير #إبداع وتجديد بيموت
عشان كدا لازم تتعلم اذاي تظبط كل ده عشان مشروعك أو شركتك تنجح ..
#احمدصبري

22/12/2023

- إزاي تعمل حملة تسويقية ناجحة ؟؟
- يا تري اى الفرق ما بين انك تصرف على التسويق فى الاول او تستنا لما المبيعات تجيلك وبعدين تصرف ؟؟
- وياترى المفروض تعمل اى ؟؟
- و هو المفروض ننتج ما نبيع ..ولا نبيع ما تنتج؟؟
- وياترى التسويق بيسبق الانتاج و البيع ولا العكس؟؟

⚠️ ببساطه

- التسويق نشاط من انشطه الشركه بيعيش وبيبدء وبيستمر معاها ..
- التسويق هو الدنمو هو ال بيولد الطاقه اللي تنجح الشركة ..
- التسويق لازم يسبق كل العمليات او علي الاقل يبدأ معاها ..
- التسويق هو اللي يفرش ارضيه للمنتج فى السوق و يعرف الناس بيه.
- التسويق هو اللي يقدر يغير نيه المستهلك و قراره الشرائى ..

على سبيل المثال
اى كمبوند جديد بيكون تحت الانشاء بس بيكون ليه دعايه واعلان لا حصر لها سواء اعلان على التلفزيون او سوشيال ميديا ودا التخطيط الناجح والتسويق الفعال المدروس...
باختصار .. التسويق بيسبق كل انشطه الشركه
#احمدصبري

18/12/2023

نصيحة لوجه الله للمسوقين بالأخص المبتدئين ⚠

معرفتك واحترافيتك في شغل التسويق كمسوق ليس هو فقط العامل الوحيد لنجاحك واقتناص الوظائف .

في عامل تاني ميقلش اهمية وهو مهاراتك الشخصية
زي مهارات التفاوض ومهارات البيع والاقناع ومهارات التواصل الفعال والقيادة ومهارات التحدث والألقاء ولغة الجسد واتقان لغة ووغرها.

ده غير الهوايات زي التصميم والرسم والتصوير والبرمجه والكتابة وغيرهم

الحجات دي مهمه جدا وكل ما ذادت مهاراتك الشخصية وهواياتك بجانب احترافيتك وعلمك في مجالك تاكد انك على الطريق الصحيح .
#احمدصبري

09/12/2023

كل حاجة ولها أساسيات وقواعد وقبل ما نطبقها لازم نعرفها ونفهما كويس وده اللي هقدمه لكم في هذا المقال ...

- 30 قاعدة تسوقية للبزنس هنستعرضها ونشرحها
بشكل بسيط وسهل لأن هدفي اخاطب العقول والفكر لاي حد صاحب بزنس او من زملائي المهتمين بالتسويق

ويلا بينا نبدا قواعد التسويق

كل حاجة ولها أساسيات وقواعد وقبل ما نطبقها لازم نعرفها ونفهما 30 قاعدة تسوقية في تسويق البزنس بالشرح ،هدفي اخاطب العقول والفكر بقواعد التسويق الثلاثون