Discovery Dubbing Media -ديسكفرى للدوبلاج والاعلام

07/06/2026

سألت المذيعة السيدة فيروز :
- شو احلى غنية عملها عاصي ؟
اجابت ودون اي تردد :
- طريق النحل ...
لاشك ان كل ماغنت فيروز جميل .. ولكن لتلك الاغنية عبق خاص شعرا ولحنا ...
لنبدأ :
الاغنية على مقام الكورد الواسع .. والذي يحتمل التصوير .. وقد ابهرنا عاصي الرحباني بالجملة الموسيقية للبداية ( المكثفة والرشيقة من دون ايقاع ) .. ليدخل صوت فيروز :
انت وانا ياما نبقى
نوقف على حدود السهل
وعلى خط السما الزرقا
مرسومة طريق النحل
ثم الكوبليه الاول :
انا ومتكـــية ع بابي
مرقت نحــلة بكّير
غلّت بزهور الغابة
وصارت تعمل مشاوير

وتعن العنين
حزين ومش حزين
وبسكوت الضهرية
تكسّر الحنين

اذا رح تهجرني حبيبي
ورح تنساني يا حبيبي
ضل تذكرني وتذكر
طريق النحل
ثم اللازمة الموسيقية الرائعة وكأن عاصي اراد ان يسمعنا اصوات النحل وهي في طريقها الى الزهور لجمع الرحيق على ايقاع الفوكس .. ودون استخدام آلات ايقاعية وقد استعاض عنها بنقرات على الة الكونترباص وعدة كمنجات ..
ليعود الكوبلية الثاني .. اللحن يذكرني بالمقطوعات الغربية الكلاسيكية للمؤلفين الروس ك ريميسكي كورساكوف و تشايكوفسكي .. وطبعا بابداع رحباني .. اما الشعر للأغنية فاعتقد انه من خلاصة الشعر العالمي .. ولا يضاهيه اي شعر آخر .. من ناحية التصوير والتركيب والتجديد ..
بسكوت الضهرية .. اتكسر الحنين ...وليد لوقا ( منقول )

05/06/2026

- قرار نقلك من مدينة نصر لأكتوبر غريب أوي

= أنا عشت عمري كله في مدينة نصر، فطبيعي لما أنقل أروح التجمع مثلًا

- أيوه، وأنا استغربت، لأن عادةً سكان مصر الجديدة ومدينة نصر لما بينقلوا بنلاقيهم بيروحوا التجمع مثلًا. طب إيه اللي خلاك تنقل لأكتوبر؟

= في مثل لطيف بيقول “سألوا جحا بلدك إيه؟ قالهم بلدي اللي فيها مراتي” فأنا مراتي وأهلها من سكان الزمالك، وإخواتها كلهم لما اتجوزوا راحوا أكتوبر، ومامتها نقلت هي كمان على أكتوبر

فأنا بقيت أقول هو أنا هاخد مراتي وأعزلها عن العالم كله؟! وأنا أصلًا بتحرك كتير وبسافر كتير، وأوقات كتير ببقى مش موجود، فحسيت إن ده هيبقى ظــ لم ليها.

الأريح ليها إني أنقل لأكتوبر، وحركتي أنا كمان هتبقى أسهل، ولو عايز أشوف أي حد هشوفه بسهولة. وهي لما تبقى مرتاحة أنا هبقى مرتاح ♥️

04/06/2026

- حصلت حمـ ـلات كتير بتشـ ـكك في حبك لمصر!

= طيب يا منى، أنا أحب نتوقف عند النقطة دي شوية، لأن الموضوع ده مهم بالنسبة لي جدًا. أنا كهند، مستحيل في يوم من الأيام أمسّ بأي شكل من الأشكال السيادة المصرية، ولا الشعب المصري اللي أنا بعشقه، ولا القيادة المصرية. سلامة الأراضي المصرية تهمني جدًا، لأني أنتمي لمصر قولًا وفعلًا.

مصر هي مقر إقامتي، وجوزي مصري، وبناتي مصريات تونسيات، وأنا معايا الجنسية المصرية وده شرف وفخر كبير ليا. اشتغلت في مصر 26 سنة، واخترت أعيش وأشتغل فيها، وقدمت أعمال أعتز جدًا إني كنت جزء منها زي "هجمة مرتدة" و"الممر"، واللي اتشرفت بسببه إني أقف قدام الرئيس عبد الفتاح السيسي.

- بس ناس استحضروا تدوينات ليكي؟

= مفيش تدوينات يا منى، وأنا هقولك بالظبط إيه اللي حصل، لأني أصلًا مش بحب أتكلم كتير. وقت الحرب، وكل الناس كانت بتساند إخـ ـواتنا في غـ ـزة، كان فيه دعوات في أوروبا لمسيرة دولـ ـية، وأنا وقتها نزلت "ستوري" من غير ما أكون مدركة أبعاد الموضوع أو اللي ممكن يحصل لو الناس اتحركت ناحية مصر. ولما فهمت الصورة كاملة، مسحت الـ"ستوري" فورًا.

- اتقال إنك بتؤيدي انتـ ـهاك السـ ـيادة المصرية وإن ناس تختـ ـرق الحدود وتدخل مصر بغض النظر عن النتائج؟

= لا يمكن أبدًا يحصل. أنا منتمية لمصر زي ما أنا منتمية لتونس، وحبي لمصر وللمصريين وعشقي للبلد دي مستحيل يخلوني أقول كلمة تمس سيادتها أو شعبها. مصر دي بلدي، وسيادتها من سيادة بلدي، بلد جوزي وبناتي وحياتي كلها. وبعدين اللي بيقولوا "دي تونسية"...

أيوه أنا تونسية فعلًا، أعمل إيه؟ لكن في نفس الوقت بحب مصر جدًا، ويمكن عشت فيها أكتر ما عشت في تونس نفسها ♥

02/06/2026

ديسكفري الدوبلاج والاعلام تقدم الحلقه اللتانية من مسلسل الاذاعي
عنوان الحلقه ؛ الهدوم ياما بداري " بطولة :
هشام صالح
الشيماء محمد
منه خالد
مروه خضر
يوسف حموده
شيماء فوزي
اسلام طه
امنيه عبد الحكيم
تاليف امل محسن
هندسه صوتيه و جرافيك امل محسن
اخراج نسرين عبد الرحمن
#رمضان٢٠٢٦

03/05/2026

22/04/2026

اسمي ضياء
طفل عبقري من صغره كل اللي حواليه كانوا بيحسدوا الأب والأم علي ذكاء ونباهة إبنهم

كان دايما معروف إنه سابق سنه وبيفكر كتير
شقي شقاوة غير طبيعية
مدرسين المدرسة كانوا بيستغربوا إزاي ضياء اللي علي طول شايفينه بيلعب وبيتشاقي ويعمل مشاكل مع ده وده
في أخر السنة كان بيطلع الأول بدون أي مجهود

لما جاب 99.5 ٪ في الثانوية العامة دخل طب عين شمس
نفس اللي حصل في المدرسة كان في الجامعة
ضياء كان هايبر أكتيف
مبيقعدش .. علي طول بيعمل حاجة جديدة
كان دايما يشاكس الأساتذة بالأفيشات والمقالب
والكل كان بيتقبله ويحبه لأنهم عارفين إنه في الأخر هينجح بتفوق كالعادة
وده اللي حصل
ضياء اتخرج بإمتياز مع مرتبة الشرف الأولي

حتي لما تخصص ضياء
تخصص في العناية المركزة وده تخصص صعب جدا الدكاترة بيهربوا منه
حتي علي المستوي النفسي
إنت دايما قاعد وسط ناس أقرب للموت منها للحياة .. وكتير هيموتوا بين إيديك بعد شوية
وبتعمل اللي عليك لكن قضاء الله نافذ

لكن ضياء أبرز براعة هائلة في انقاذ الكتير من الأرواح اللي كانت أمانة بين ايديه

فجأة ضياء تحول لشخص تاني مناقض تماما لكل حاجة

الطفل اللي بقى أستاذ ورئيس قسم، قرر يسيب كل ده ويدخل في صراع مع "السيستم" الطبي كله

تخيلوا إنسان قضى عمره يدرس الطب، وييجي في لحظة يقول للناس "أنا لقيت طريق تانية"، وسماها "نظام الطيبات"
الصراع ده مكنش مجرد اختلاف علمي، ده كان بالنسبة له رسالة إنسانية شايفة إن المرضى تعبوا من الكيماوي والأدوية، ونفسه يشوفهم عايشين بـ "صفر دواء".

العوضي عاش أيامه الأخيرة وهو حاسس إنه بيتحارب، وكان دايماً يشبه نفسه بالعالم "جاليليو" اللي الناس رفضت فكره في الأول

قلبه كان مليان إيمان بفكره لدرجة إنه ضحى بكل حاجة
ضحى بلقبه كطبيب لما النقابة شطبت اسمه في مارس 2026، وضحى بعيادته اللي اتشمّعت، وفضل متمسك بكلامه لحد آخر نفس

الجانب الأكثر وجعاً في الحكاية هو النهاية الغامضة؛ سافر دبي يدور على فرصة جديدة أو هدوء يكمل فيه طريقه، لكن القدر كان أسرع، وانقطع اتصاله بالعالم كله، وبعد يومين بس يرجع لنا الخبر الصدمة بوفاته وحيداً في غرفته.

رحل ضياء العوضي وساب وراه قلوب منقسمة؛ ناس بتبكيه وشايفاه كان "طاقة أمل" وصوت الغلابة اللي تعبوا من المرض، وناس تانية شايفة إنه كان بيطارد "وهم" خطر. لكن الأكيد إننا قدام قصة إنسان عاش لغز ومات صدمة، وفضل اسمه شاغل الناس حتى وهو بين إيدين ربنا.







#مصر

13/04/2026

متعة الحياة الحقيقية إنك تبقى وسط ناس شبهك، ناس تفهمك من غير ما تشرح وتحس بيك من غير ما تتكلم وتقبلك زي ما أنت من غير ما تحاول تبقى حد تاني، ناس وجودك معاهم مريح مفيهوش مجهود ولا تمثيل، تضحك معاهم بجد وتسكت معاهم براحتك ولو الدنيا ضاقت عليك تلاقيهم حواليك من غير ما تنادي، ومع الوقت تكتشف إن وجودهم مش بس بيريحك ده بيكملك و بيسندك في اللحظات اللي بتضعف فيها ويفكرك بنفسك لما تتوه ويخلي الصورة أوضح وأهدى، ساعتها هتحس إنك مش لوحدك وإن وجودك مهم، ده جزء أساسي في الحكاية.
الإحساس ده هو اللي بيهون الدنيا، وبيدي للحياة طعم مختلف، طعم بسيط بس صادق وبيعيش.

28/02/2026