مفاتيح النجاح - Keys Of Success

17/05/2022

انت ك ماركتير صغنن ممكن يكون فايتك ادوات تقدر توفر وقتك ومجهودك وتساعدك في الشغل بتاعك وكلها مجانيه جمعتهالك كلها في البوست ده

1- Google Analytics - لتتبع نشاط حركة المرور على الموقع

2- Google Keyword Planner - للبحث عن الكلمات المفتاحية

3- Google Search Console - للتحقق من حالة الفهرسة وظهورك في محرك البحث

4- Google Trends - لتحليل شعبية مصطلح البحث

5- UberSuggest - البحث عن الكلمات المفتاحية وأفكار المحتوى

6- Screaming Frog SEO spider - للتدقيق على الموقع

7- SEOreviewtools - لاستخراج الروابط الخلفية

8- Website Auditor - لتدقيق الموقع

9- Monitor Backlinks - لمراقبة الروابط الخارجية والكلمات الرئيسية

10- Answer The Public - للبحث عن الكلمات المفتاحية المرئية

11- Grammarly- لكتابة الجمل الصحيحة نحويًا

12- Trello - لتنظيم مشروعك ومراقبة المهام المكلفة لفريق العمل

13- Canva - لتصميمات الجرافيك البسيطة

14- Hootsuite - لتخطيط وتتبع نشاطك على وسائل التواصل الاجتماعي

15- Smartlook - لتحليل سلوك المستخدم على موقع الويب الخاص بك

16- Mailchimp - للتسويق عبر البريد الإلكتروني

17- Right Relevance - للعثور على المؤثر المناسب

18 - Ahrefs - البحث عن الكلمات الرئيسية

19 - SEMRush - بحث الكلمات المفتاحية

20 - Snaptik - لإزالة العلامة المائية في التيك توك

21 - Bitly - URL لاختصار الروابط

22- Inflact - لتوليد الهاشتاج

23 - PageSpeed ​​Insights - لفحص سرعة الموقع

24- Facebook Ad Library - للتجسس على إعلانات المنافسين

25 - Creator Studio - لجدولة منشورات الفيسبوك و انستجرام

26- TubeBuddy and VidiQ - لتحليلات فيديو اليوتيوب

27 - RapdTags - لوسومات فيديو اليوتيوب

28 - YouTube Audio Library - للموسيقى بدون حقوق ملكية على اليوتيوب

29 - Pexels - للحصول على صور ومقاطع فيديو مجانية

30 - QuillBot - أداة إعادة صياغة تولد مرادفات مختلفة

13/05/2022

من اهم مفاتيح النجاح في الديجيتال هو التخطيط .. والتخطيط في الديجيتال في ظل وجود موقع إلكتروني ان يكون معاك Site Map
دا هيساعدك في أنك تعرف تشريح الموقع ماشي ازاي وبناءا عليه تقدر تظبط عليه:
- الـ SEO لكل صفحة وكل Squeeze Page
- الإعلانات الخاصة ب Google علشان تعرف تظبط عليها ال Keywords وتعلي ال Quality Score
- إعلانات الفيسبوك لو هتعمل Re-marketing

لو هتبدأ في مشروع جديد إسال على ال Site Map علشان متشتغلش عشوائي

27/03/2022

خطة الفوز في رمضان

كتير من الناس للأسف بتكسل تشتغل في رمضان بحجة الصوم ولكن في الأصل ان الصوم صحة للبدن والذهن .. ولكن من ادرك ذلك وسار على نهج وخطة فسوف يكون إن شاء الله من الفائزين في الدنيا والأخرة ونسال الله أن يجعلنا منهم.

علشان كدا قلنا نقسم اليوم في رمضان ما بين العبادة والعمل .. ودي خطة إن شاء الله لو مشيت عليها هتفوز فوزاً باهراً إن شاء الله

شوية نقاط اساسية في رمضان السنادي

1- الوقت ما بين اذان الفجر والشروق هو ساعة ونصف وسيكون اقل من ساعه من بعد صلاة الفجر جماعة بالمسجد
2- الوقت ما بين اذان المغرب واذان العشاء هو ساعه وربع
3- الوقت من بعد صلاة التراويح حتى أذان الفجر هو 7 ساعات وربع

وبناءا على النقاط دي نبدأ الخطة إن شاء الله

1- من بعد صلاة الفجر حتى شروق الشمس تبقى في المسجد وتقرأ جزء واحد من القرآن وبكدا تبقى بنجز كل فجر نصيب كبير جدا من القرآن وتعدها تقوم تصلي ركعتين وبكدا تبقى عملت عمرة او حجة تامتين إقتداءاً بحديث رسول الله صلى الله عليه قال صلى الله عليه وآله وسلم: «من صلى الغداة -الصبح- في جماعةٍ ثم قعد يذكر الله حتى تطلع الشمس، ثم صلى ركعتين كانت له كأجر حجةٍ وعمرةٍ»، ثم قال: «تامةٍ تامةٍ تامةٍ» رواه الترمذي.
وحاول تقرأ في مقرآء مع اكثر من شخص علشان تتعلم تجويد

وبكدا تبقى كسبت ( 30 عمرة او حجة على مدار الشهر - ختمت القرأن في 30 يوم من صلاة الفجر فقط - صليت برد من البردين علشان تبقى مستعد لدخول الجنة مع إتمام صلاة العشاء في جماعة إن شاء الله )

2- من وقت الشروق نام ساعة او ساعة ونص
3- إتوضا وإنزل نشيط روح شغلك وأكثر من الذكر والصلاة على النبي صلى الله عليه وسلم
4- إبدا يومك العملي وإعط لنفسك فرصة في تهذيب نفسك في القول والعمل وإبتسم في وجه زملاءك وعملاءك ( مفيش حاجة اسمها انا صايم ومزاجي وحش والكلام الذي لا يرتقى أبدا لسلوك المسلم )
5- كن مستعد لصلاة الظهر وصلٍ في جماعة حتى لو فردين داخل المكتب ( ومتضيعش وقت الشغل بحجة الصلاة )
6- كمل شغلك واكثر من الصلاة والذكر على لسانك ( وانت بتشتغل )
7- صلي العصر في جماعة بالعمل
8- توكل على الله لمنزلك وانت تذكر الله او بتسمع القرآن وبتردد وراءة ولو عندك المقدرة في قراءة ما تيسر من القرآن فإقرا لو في المواصلات او حتى سايق العربية ( وانت بتسمع لأحد المقرئين وتردد وراءة )
9- بعد العودة للمنزل خد غفوة بسيطة لمدة نصف ساعة
10- عاون أهل بيتك في تجهيز الإفطار وأجعل إذاعة القرآن الكريم هي فقط ما تسمعه في المنزل
11- كن متوضاءاً ومستعداً لأذان المغرب وعند الأذان ردد خلف الأمام وإدع الله بالقبول والرجاء والخوف والخشوع وأجعل اول ما ينزل جوفك 3 تمرات إقتداءا بالرسول صلى الله عليه وسلم.
12- صلي المغرب جماعة مع أهل بيتك ( إجعل لبيتك نصيب من صلاتك ) وإبدأ بالإفطار ( ومتكترش ) ونوع في الأكل وأكثر من كل ما يعطيك سعرات حرارية وطاقة
13- إجهز لصلاة العشاء بنشاط وحيوية وتطيب بالطيب الحسن وتزين للقاء الله في جماعة العشاء وكن من اوائل من يكونوا في الصفوف الأولى بالمسجد ( مش لازم تبقى في الصف الاول بس على الاقل تذهب بدري )
14- إقرا ما تيسر من القرآن ما بين الأذان والإقامة
15- كن ذو همة في صلاة التراويح
16- بعد الصلاة مباشرة إلى بيتك وإجلس قليلا مع أهل بيتك قرابة النصف ساعه او الساعه ثم نام
17- وقت النوم هيكون تقريبا 5 ساعات ختى قبل السحور
18- عاون أهل بيتك في السحور
19- أجهز لصلاة الفجر وصلى بالمسجد

محذورات
1- مفيش حاجة اسمها هقرأ قرأن بالشغل وتسيب الشغل ( لا يجوز )
2- متضيعش وقتك في برامج ومسلسلات لان الدقيقة في رمضان مبترجعش
3- متكترش في الأكل في رمضان - كل فاكهة واشرب عصائر
4- بلاش شتاءم ونميمة وغيبة بحجة ( اصلي صايم وعصبي )
5- مفيش نوم في نهار رمضان - لو فاضي يبقى اقرأ قرآن

نجاحات
1- للمدخن فرصة عظيمة لترك التدخين ( عزيمة وإرادة )
2- تقدر تختم القرآن 4 مرات ( قراءة الفجر - قراءة العشاء - قراءة المواصلات للعمل - قراءة يوم الجمعة )
3- هتتعلم تجويد لو واظبت على قراءة القرآن في المقرآه من الفجر للشروق
4- بريت أهل بيتك في التعاون معاهم
5- تعلمت ذكر الله انه يبقى على لسانك دائماً
6- هذبت نفسك في تقبل الآخرين والإبتسامة في وجه زمايلك وعملاءك

والله دي خطتي لنفسي .. وقلت اشارككم إياها لنكون جميعاً من الفائزين

إدعوا لي بظاهر الغيب لعل الله يتقبل من أحدكم

23/03/2022

جوجل ضافت مفاتيح النجاح - Keys Of Success ضمن قائمة الشركاء داخل مصر Partners Directory 💪

صفحتنا على موقع جوجل https://bit.ly/3D9MEto

22/03/2022

التسويق الإلكتروني عبارة عن مراحل وخطوات
الخريطة دي هتفيدك في معرفه خطواتك لتعلم التسويق الإلكتروني

19/03/2022

قام الفيسبوك بعمل تحديث بخصوص Lookalikes حيث تم حذفها من Custom Audience واصبح إستخدامها مباشرة من داخل Ad Set أثناء عمل الحملة مع ربطها بـ Location الإستهداف

- الحملات الحالية التي تعمل لن تتأثر وسوف تستمر.
- لن تستطيع إستخدام اي LookAlikes مربوط ببلد مستقبلاً
- تم عمل نسخة من الجماهير السابقة لكي تستخدمها
مستقبلا في الحملات من داخل Ad Set

You no longer need to include locations to create lookalike or Special Ad Audiences. These audiences now use the locations from your ad sets.
- Active campaigns that include these audiences will continue to run uninterrupted and unchanged.
- Existing audiences with locations are being retired and can't be used in new campaigns.
- We created copies of existing audiences with the locations removed for your use in new campaigns.

11/03/2022

الحمدلله تدريب اول باتش من حاضنات الأعمال في قطاع النسيج على التحول الرقمي والتسويق الإلكتروني بالتعاون مع IMC - مركز تحديث الصناعة و جامعة القاهرة Cairo University

26/02/2022

كل الإدارات مشاركة في نجاح خطة التسويق

09/02/2022

أعلنت شركة جوجل عملاق التطور الرقمي في العالم عن مجموعة من الكورسات في تحدي كبير للجامعات حيث اصبحت الشهادت متخصصة يتم الحصول عليها خلال مدة 6 أشهر بدلاً من 4 سنوات, وخلال تلك الفتره سيحصل الطالب على شهادات جوجل بعد إتمامه كورسات جوجل في دورات تدريبية متخصصة في العديد من المجالات التي ستكون اهم مجالات العمل في المستقبل.

إضغط على الصورة واعرف تفاصيل كيفية الإشتراك في كورسات جوجل

أعلنت شركة جوجل عملاق التطور الرقمي في العالم عن مجموعة من الكورسات في تحدي كبير للجامعات حيث اصبحت الشهادت متخصصة يتم الحصول عليها خلال مدة 6 أشهر بدلاً من 4 سنوات, و...

06/02/2022

لسه بتفكر تبدأ ازاي؟ .. خايف تبدأ رحلة نجاحك وتسيب اثر في الارض؟ .. نفسك تبقى ناجح في شغلك بس خايف تبدأ

أربع قصص هتخليك تعرف مفاتيح النجاح وهتبدأ الأن في رسم طريق النجاح:
1- رفضت نوكيا Android.
2- رفض ياهو جوجل.
3- رفض كوداك الكاميرات الرقمية.
4- رفض بلوكباستر Netflix.

الدروس :
1. خاطر.
2. أقبل التغيير.
3. إذا رفضت التغيير بمرور الوقت ، فسوف يعفا عليك الزمن.

قصتان أخريان :
1- استحوذ Facebook على WhatsApp و Instagram
2- استحوذت شركة Grab على شركة Uber في جنوب شرق آسيا.

الدروس :
1. كن قوياً لدرجة أن منافسيك يصبحون حلفاءك.
2. الوصول إلى المركز الأول والعمل بذكاء مع المنافسة.
3. استمر في الابتكار.

قصتان أخريان :
1- أسس الكولونيل ساندرز كنتاكي فرايد تشيكن في سن 65 عام.
2- جاك ما ، الذي لم يتمكن من الحصول على وظيفة في كنتاكي فرايد تشيكن ، أسس علي بابا وتقاعد في سن 55.

الدروس :
1. العمر مجرد رقم.
2. فقط أولئك الذين يواصلون المحاولة سينجحون.

وأخيراً
- تأسست لامبورچيني نتيجة انتقام صاحب جرار تعرض للإهانة من قبل مؤسس شركة فيراري.

الدروس :
1. لا تقلل من شأن أي شخص أبدًا!
2. فقط استمر في العمل الجاد واستثمر وقتك بحكمة
ولا تخاف من الفشل ابداً ❤

31/01/2022

متبقاش زي شركة كوداك !!!
قصه إفلاس شركه كوداك من القصص المهمه اللي لازم تتعلم منها
شركه كوداك ظلت متربعه علي عرش صناعه الكاميرات لمده 133 سنه !!
متخيل 133 سنه شركه مستحوذه علي اكتر من 90% من سوق صناعه الكاميرات في أمريكا، وفي الاخر أعلنت إفلاسها في 2012 .
" Your comfort zone will KILL U " 🧐
في 1975 قدم أحد المهندسين فكره كاميرا رقميه لكوداك بس فكرته اتقابلت بالسخرية والتجاهل.
كوداك رفضت تتخلي عن الكونفرت زوون وتنتج حاجه جديده غير اللي هي متفوقه بالانتاج فيها.
وائل الفخراني كان ف ندوه واتسأل حد يسيب جوجل يا وائل .حد يسيب شركه الملايين يتمنوا يشتغلوا فيها !!
كان رده ، حسيت اني دخلت منطقه الكونفرت زون !.
صديقي كان مدير لشركه multinational في مصر احلم اعدي جمبها بس مش اشتغل فيها.
قدم استقالته من كام شهر وراح اشتغل ف كيان مغمور لسه بيبدأ في السوق بقاله كام سنه، لما سألته قالي وصلت للكومفرت زون بروح المكتب اشرب القهوه ومبتعلمش جديد.
لو في نصيحه لازم تتقال ف هي " أتحرك "
إياك تعمل زي شركه كوداك وتفرح ب نجاح لحظي وصلت له !
إياك تفرح ب انك وصلت للشركه اللي كان حلمك تشتغل فيه وتقف علي كدا.!!
"إتعلم" كل يوم حاجه جديده.
شركه كوداك بجلاله قدرها لما مطورتش من نفسها فلست.!!
أنت لو مطورتش من نفسك وزودت من سعرك في السوق كل يوم عن اليوم اللي قبله صدقني هتتهمش وهتتركن علي الرف وهتفلس زي كوداك .
و لو كنت وصلت وقريت البوست لأخره 😉
فكل واحد ويقرأه هيفهم كويس هو فين من الكلام دة 👌

23/01/2022

الفيسبوك مش هو الديجيتال
اقرأ الإحصائيات دي كويس وهتعرف ان في جزء كبير جدا من العملاء اللي عندهم الرغبة بيبحثوا على جوجل بمختلف الأسواق

⭕ داخل السوق المصري للسياحة الداخلية بتوصل معدلات البحث الشهرية إلى 1.600.000 ( مليون وستمائة الف )
⭕ داخل السوق الامريكي والكندي والإنجليزي والأسترالي لرحلات وفنادق وكروزات وعروض لمصر بتوصل معدلات البحث الشهرية إلى 835.540 ( خمسمائة وخمسة وثلاثون الف وخمسمائة وأربعون )
⭕ داخل السوق المصري للعمرة والحج بتوصل معدلات البحث الشهرية إلى 132.400 ( مائة وإثنين وثلاثون ألف وأربعمائة )
⭕ داخل السوق المصري لرحلات خارج مصر وعروض شهر العسل بتوصل معدلات بحث الشهرية إلى 18.555( ثمانية عشر الف وخمسمائة وخمسه وخمسون )

💢 انت متخيل بقى حجم الأسواق اللي انت مش شايفها والميزة اللي فيها ان العميل هو اللي بيدور عليك ولو انت عندك موقع إلكتروني قوي وتسويق إلكتروني هتقدر تكسب ارقام انت مش متخيلها

🌀 الميزة في الموضوع انك عن طريق الموقع الإلكتروني هتقدر تظهر للعميل وعن طريق التسويق الإلكتروني هتقدر تعمل عمليات إعادة إستهداف للعميل في كل منصات السوشيال ميديا لمجرد دخولة بس الموقع عندك وكل سوق بيكون له خطة تسويقية مختلفه عن السوق التاني واستراتيجيات مختلفه
واللعبه ازاي إنك تقدر تستخدم التسويق الإلكتروني للوصول للعميل عن طريق دمج ادوات التسويق الإلكتروني لحصار العميل من ( موقع إلكتروني - إعلانات جوجل - SEO - سوشيال ميديا - يوتيوب )

متخليش السوشيال ميديا تبقى هي اداتك الوحيدة فقط .. وغير إستراتيجيتك في السياحة