15/10/2025
💥 قبل ما تقول حرامي الساعات... اتوضّى الأول يا زملكاوي! 💥
هسأل سؤال بسيط لكل زملكاوي حافظ مش فاهم…
هو انت كل ما تشوف كلمة عن الأسطورة محمود الخطيب لازم تكرر الجملة اللي علمهالك مرتضى منصور زمان؟
(حرامي الساعات... حرامي الساعات 😭)
يا عم افهم الأول... صندوق تحيا مصر بنفسه طلع بيان رسمي وقال:
> "كل الهدايا اللي وصلت للنادي الأهلي تم التبرع بيها بالكامل لمؤسسة تحيا مصر."
يعني لا ساعة دخلت بيت الخطيب ولا حتى بطاريتها!
بس انت حافظ مش فاهم... ومرتضى نفسه اللي علمك الكلمة دي رجع وتراجع عنها!
تعالى نحسبها بالعقل كده:
هو ثمن الساعة كام يا متخلف علشان الخطيب يطمع فيها؟
دا أعضاء مجلس إدارة الأهلي ثرواتهم الشخصية تفوق ثمن ناديك بالكامل 😂
ولو شفت دولاب الهدايا في الأهلي (وده صعب طبعًا عشان المكان ده بيعمل عقدة نفسية للي زيك)،
هتلاقي هدايا من رؤساء وملوك وأمراء مودعة في النادي،
مش في بيوت الناس زي ما انت متعود.
وبعدين ييجي العبقري التاني يقولك:
🗣️ "الأهلي أهدَر مال عام لما دفع شرط جزائي للمدرب الفلاني!"
طب يا عبقري… الأهلي بيمول نفسه بنفسه،
ما بياخدش تبرعات ولا صدقات،
ولما المدرب ما يسعدش جماهيره، بيتغير عشان الجمهور أولًا وأخيرًا.
الفلوس بتروح، بس كرامة الكيان ما تتباعش.
وطبعًا لازم نسمع التحفة دي:
🗣️ "رعاية الأهلي أقل من مصروفاته!"
يا جاهل، الأهلي مؤسسة اقتصادية بتكسب من الرعاية، البث، البطولات، التسويق، الجماهير...
مش نادي عايش على النفحات والمجاملات!
وعلى فكرة…
لو انت فعلاً شايف إن في "إهدار مال عام"،
باب النائب العام معروف ومفتوح لأي مصري عنده ورق أو دليل.
بس كفاية كلام سوشيال ميديا فاضي،
كلامك لا يساوي ذرة احترام، مهما كان انتماءك.
وفي الآخر...
قبل ما تسأل عن الأهلي يا زملكاوي،
روح اسأل إدارتك:
📉 فين فلوس النادي؟
📉 فين أرض أكتوبر اللي ضاعت؟
📉 ليه وقف القيد بيتكرر كل موسم؟
📉 وليه إدارتك بتغرقك كل مرة وانت بتدافع عن الفشل؟
جاوب الأسئلة دي الأول...
وساعتها تعالى اتكلم عن نادي البطولات، مش نادي المشاكل والازمات .
#مصر #الزمالك #كوميديا
#السعودية
