28/10/2021
💥💥💥من كام ساعة أعلن مارك زوكيربيرج عن تأسيس شركة قابضة جديدة تحت أسم Meta .💥💥💥
هل بالشكل ده هيتم تغيير أس الفيسبوك لميتا ؟🙃🙃
الإجابة هي لا ، شركة meta هتكون الشركة الأم اللي بيتفرع منها أكتر من شركة زي facebook , instagrsm , whatsapp , meessenger , oculus و غيرهم .
ليه تم تغيير أسم الشركة الأم من فيسبوك لميتا ؟🧐🧐
الفيسبوك أسم كان بيعبر عن مرحلة معينة في عمر الشركة و مع التقدم و التطور والأهداف الجديدة الأسم بقي غير شامل لكل أنشطة الشركة وبالتالي مارك احتاج لتغيير أسم الشركة الأم لأسم أعم وأشمل ويتلائم مع الأهداف الجديدة للشركة الأم وطبعاً ده مش هيغير أي شيء في مسميات الشركات الفرعية التابعه له ، بالظبط زي جوجل في عام 2016 لما قام بتأسيس شركة أم تحت أسم Alphabet عشان يكون مفهومها أعم وشامل لكل تطورات خدمات جوجل اللي مبقتش مقتصرة بس على خدمات التواصل الأجتماعي ولكن شملت مجالات كتير جداً زي مثلا مجالات البحث العلمي.🤓🤓
👈🏻👈🏻 أسم Metaverse مستمد من كلمة يونانية و معناها Beyond the world و قال ان الشركة هتكون ثورة جديدة وهتكون بمثابة كود رقمي بتقوده تقنيات الـ AR & VR .
👈🏻👈🏻 شركة ميتا هتسعي لبناء عالم أفتراضي متكامل جديد تماماً ، فمثلاً هتقدر تعمل اجتماعات horizon workrooms أو في الواقع الافتراضي بمعني أن الاجتماع مش هيكون live chat من خلال فيديو مباشر ليك و لأصدقائك ولكن هيكون مع الـ Avatar الخاص بأصدقائك و تقدر تستخدم معاه تقنية نظارات الواقع الأفتراضي كأنك روحت وقعت معاهم بالظبط.
و كمان هيكون في خاصيه ال horizon home بمعني انك تقدر تعمل بيت افتراضي ليك تقدر تستضيف فيه اصدقائك . غير كمان انك من خلال تقنية الواقع الافتراضي تقدر تزور كل الأماكن اللي نفسك تزورها من خلال تقنية الهولوجرام .😳
لو عايز تعرف أكتر عن التوجه الجديد لشركة ميتا تقدر تتابع الفيديو ده أو تقرأ البوست اللي نشره مارك على حسابه الرسمي من اللينك ده 👇🏻👇🏻
https://www.facebook.com/zuck/posts/10114026953010521
شاركنا ايه رأيك في الطفرة التكنولوجية اللي هتحصل و هل هتأثر على التواصل المباشر والعلاقات مع الناس ؟ 🤔
#فيسبوك
