Viral Media

01/01/2019

الفيس بوك بقي عليه ملايين الإعلانات ، ازاي هتقدر تشد انتباه الناس في وسط كل الدوشة دي ؟ 🤔

أسهل طريقة عشان تحقق هدفك هي انك تنزل الشارع وتلبس لبس فرخة وتقلد صوتها هتشد انتباه الناس بسهولة ، بس هتفضل اد ايه محافظ على انتباه الناس ؟ وهل الطريقة دي مفيدة للبراند بتاعك !!

دلوقتي وصلنا أن الهدف الأساسي هو :
( شد أنتباه الناس + الحفاظ عليه + يكون الطريقة مفيدة لهدفك والبراند بتاعتك) = خلطة سحرية للظهور وسط زحمة الإعلانات .

أنسب طريقة للوصول لهدفنا ده هو تكنيك open a curiosity gap ومعناها خلق حالة غامضة حول موضوع عشان يحفز فضول الناس انهم يبحثوا أيه المستخبي وراء الغموض ده ، بتعطي الناس معلومات بسيطة تحفزهم انهم يبقوا عايزين يعرفوا أكتر، أشهر وأنجح مثال :

هو فيلم (The Blair Witch Project) سنة 1999 تم الإعلان عن اختفاء 3 طلاب يدرسون سينما واخراج والسبب أنهم راحوا في غابة يصوروا اسطورة عن ساحرة اسمها "Blair" وبدأ ينتشر صور ملصقات في الجامعة عن اختفائهم وظهر website بيحكي عن أسطورة الساحرة .

وكل فترة بيتم ظهور معلومات جديدة عن الطلاب لحد ما اعلنوا أنهم وجدوا المعدات الخاصة بالطلاب والفيديو اللي تم تصويره وأنه هينزل في السينمات .

والمفاجأة أن الفيلم جاب إيرادات 250 مليون $ 💵💵 وكانت ميزانيته 60 الف $ فقط ،

بعدها خرج الطلاب من مخبأهم بعد نجاح الفيلم الكاسح وقالوا أنهم كانوا عايزين يخلوا الناس مبسوطة بالسعي وراء حل لغز غامض ، وبالتكنيك البسيط ده نجحوا في الظهور وسط زحمة الاعلانات وكسب مبلغ مالي عملاق رغم ان الفيلم جودته سيئة جدا .

31/12/2018

27/12/2018

مفكرتش قبل كده ليه الشركات الهادفة للربح بتصرف على الأعمال الخيرية ؟🤔

زي شركة كريم مثلا بدأت حملة إعلانية ضخمة هدفها تخلي الشارع والطرق والارصفة صالحة لذوي الاحتياجات الخاصة, وفعلا بدأت تنفيذ حملتها في إصلاح شوارع الاسكندرية.

الإجابة على السؤال ده : sustainable marketing
في كل كتب الماركتنج هتلاقي اخر chapter بيتكلم دائما عن مفهوم ال sustainable marketing.

ومعناها العمل على هدف اجتماعي أو بيئي مناسب لاحتياجات الجيل الحالي وفي نفس الوقت هيكون مفيد للأجيال القادمة .

فتبدأ تركز على مشكلة موجودة في المجتمع من زمن طويل ومحدش حلها وتقول أنك هتبدأ في اصلاحها وده هياخد سنين، بس بفضل استخدام الناس لخدمتك هتصرف 5% من الأرباح على حل المشكلة وإصلاح المجتمع.

كده خلقت هدف مشترك بين المستهلك والشركة، وخليت المستهلك يشارك في تحسين المجتمع ويحس بقوته.

الشركة هنا تحولت من أنها عايزة منك فلوس, الي أنها شريك معاك في أهدافك وحياتك🥰.

لو محتاج تعرف أزاي تتطبق تكنيك ال sustainable marketing أبعت لنا رسالة وأحنا هنساعدك .
marketing # Marketing

25/12/2018

تعرفوا إن التسويق هو حرب بس متخفية في صورة متحضرة؟

لو فكرتوا فيها تعالوا نقولكم إزاي.

أول حاجة أبحثوا وشوفوا أصل كلمة "strategy".

ولو مكسلين تدوروا إحنا هنقولكم أصلها؛ كلمة "strategy" أصلها يوناني "strategos" وكانت بتستخدم من جانب قادة الجيش أثناء الحرب، وكانوا بيقصدوا بها الخطة العامة أو الفن الحربي العام، وكانت بتهدف لشرح التنظيم والمناورة عشان يقدروا يكسبوا الحرب.

الشركات ورجال الأعمال دايما بيحبوا مصطلحات الجيوش لأن كل يوم جديد بالنسبالهم حرب في مجالهم، لو مقدروش يحسموها لصالحهم هيخسروا ومنافسهم هو اللي هيكسبها، عشان كده استخدموا كلمة "استراتيجي" بمعنى خطة عامة لكل مواردك هدفها التحكم وتوحيد (فلوس - موظفين - منتجات - اعلانات) عشان تكسب حرب البيزنيس وتهزم المنافسين.

وعشان تجهز نفسك للحرب لازم تجهز استراتيجية التسويق الخاصة بمشروعك، ولازم تكون عارف اجابات الاسئلة دي كبداية:

١- إيه هي القيمة المختلف اللي هتقدمه مش موجودة عند المنافسين ؟

٢- ايه مدي اختلاف القيمة ومين الفئة اللي هتنجذب لها؟

٣- مين هما الشريحة المستهدفة والمنتج هيختار اي مكانه في السوق؟

٤- لو منتجك جديد، هل خطتك جاهزة للتعامل مع الاربع مراحل الخاصة بدورة حياة المنتج؟

٥-هتعمل ايه لما تنجح والشركات الكبيرة في المجال تعلن الحرب عليك؟

التسويق هو حرب محتاجة قائد محنك وعبقري عشان يكسبها.

ولو مش عارف إزاي تكون دايما حاضر فيها ومستعد لكل الإحتمالات أبعت لنا رسالة وإحنا هنتواصل معاك.

#التسويق

18/12/2018

٣٠٠٠ شخص هو عدد المدمنين اللي تشجعوا للعلاج بعد ما شافوا إعلان محمد صلاح "أنت أقوى من المخدرات" وكل ده حصل في عشرة ايام بس 💪.

من ناحية التسويقية ايه هي الاسباب اللي خلت ده يحصل؟

:(hero archetype )1-
باختصار معناه أن "كل إنسان عنده جزء في شخصيته بيدفعه للتصرف ببطولة، بمجرد ما يشوف بطل زي صلاح الجزء ده في مخك بيتحفز ويحصله إرضاء لأن صلاح بيمثلنا كدولة مصر فبتشعر إنك انت البطل".
عالم النفس كارل يونج هو اول واحد أكتشف الجزء ده في مخ الإنسان (اللاواعي.)

2- (الإنسان هو كائن اجتماعي بيحب يتواجد في مجموعة):
الانسان دايما بيحب يكون في مجموعة ينتمي لها . فمع الوقت لما الإنسان يفضل في شلة المدمنين مدة طويلة بيتحول في دماغة أن المجموعة = شلة المدمنين، وعشان كده الاعلان وضح للمدمن إن دائما في مجموعات تانية (الرياضيين كمثال) هترحب به لو عايز ينضم لهم ويسيب مجموعة المدمنين، والجزئية دي بتفكرنا بغلطة وقعت فيها حملة الاعلانات الأمريكية لمكافحة الإدمان سنة ١٩٨٠ وأدت لنتيجة عكسية والإدمان زاد أكتر لأن الإعلان ببساطة قال للاطفال والشباب إن في مجموعة من الناس بتعمل حاجة بس بلاش تعملوها انتم، ونسيوا إن الانسان دايما بيحب يعمل نفس الأفعال اللي المجموعة بتعملها عشان يبقى واحد منهم وده تسبب في إتجاه ناس أصحاء للتعاطي عشان يبقوا جزء من مجموعة.

#التسويق #الإدمان

08/12/2018

أكتب الخصومات بالنسبة المئوية (%) ولا أكتب كمية الفلوس 🤔 ؟

في قاعدة بسيطة جدا وهي أكتب الرقم الأكبر بمعني لو الخصم ٢٠% = ١٥ جنية اكتب عندنا خصم ٢٠% ،
لو خصم ٢٠% = ١٠٠٠ جنية أكتب عندنا خصم ١٠٠٠ جنية .
مخ الانسان دايما في أول لحظة بيتعامل مع الارقام بحجمها مش هيحسب النسبة المئوية ، فمن الأفضل إن يتم جذبه بأكبر الرقم 😲.

05/12/2018

السوق نايم ومش عارف تبيع🤔 ، عايز تنشط السوق وتزود أرباحك 🤔؟

علشان نعرف الاجابة السؤال ده لازم نرجع في التاريخ البشري 100,000 سنة للوراء ونفهم مخ الانسان شغال ازاي طول تاريخة ونستخدم تحليلنا في حل مشكلة الوقت الحالي.

تعالي اتخيل معايا (الأكل ، اللبس ، المياه ،البيت وكل الحجات دي) مكنتش متوفرة بشكل دائم طول تاريخ البشرية😲، الفرصة كانت بتيجي مرة واحدة غزال يعدي من قدام الانسان فينجح في اصطياده أو يستني أيام كتير لحد ماتيجي فرصة تانية .

فمخ الانسان أصبح شغال دايما علي السعي اتجاه الفرص خاصة لما يبدأ يحس أنها هتختفي🤨، التكنيك ده علماء الأقتصاد والبزنيس أطلقوا عليه أسم "keeping doors open"

بمعني أن الانسان بيحب باب الفرصة يفضل مفتوح أول ما يحس ان الباب قرب يقفل هيسعي اتجاه الفرصة أكتر. وده بالظبط لو أطبق صح في أي مجال هينشط السوق ويزود المبيعات 💪.

04/12/2018

واحدة من أكتر التكنيكات العبقرية اللي أستخدمها ستيف جوبر وشركة أبل ، هي الأتساق في كل جوانب الشركة عشان يطلع “Marketing Position“ بمصداقية عالية.

أول حاجة يعني أيه “Marketing Position “:
معناها الناس شايفينك أزاي كشركة ، أول مايسمعوا أسم شركتك أيه اللي بيظهر في مخهم عنك.
أبل أختارت أنه تبقي منتج للمبدعين وبما أن الابداع مربوط في مخ الانسان بالمكانة الاجتماعية العالية .
أول حاجة بدأت تعمل أول smart phone في التاريخ (ابداع) ، وجابوا أفضل مصصممين في العالم عشان يعملوا شكل موبيل جميل ، مقر شركتهم أصبح لوحة معمارية، وشكل محلاتهم بقي زي المتاحف ، و سعرهم بقي الاعلي في السوق (مكانة اجتماعية ).
فبتالي لما الناس صدقوا رسالتهم الدعائية ، أبل مبيعاتها السنوية وصلت لأكتر من 200 مليار دولار .

03/12/2018

لو عندك منتج جديد وعمره ما نزل السوق المصري او العربي ، أزاي تقنع الناس بسعره ؟

السؤال ده هيخدنا لستيف جوبز أذكي رجل تسويقي في التاريخ ، شركة أبل بدأت من جراج بيتهم ومن كام شهر قيمتها السوقية وصلت 1 تريليون (1000 مليار ) دولار .
ستيف جوبز زي ما كان متعود عند نزول اي منتج جديد كان هو اللي بيقدم العرض علي المسرح ، وعند نزول الأي باد لأول مرة سنة 2010 ستيف قدم المنتج لاول مرة للناس وعمل حركة شديدة الذكاء وهو بيتكلم علي سعره قال :
الخبراء نصحوني أني أنزله بسعر 999$ بس عشان أحنا هدفنا مش التفوق التقني بس بل نهدف أن المنتج يوصل لعدد أكبر من الناس قررنا أنه يكون ب 499$ ، والمفاجأة الايباد عمل باع أول سنة 19,200,000 قطعة.
ستيف أستفاد أيه لما قال السعر المفروض 999$ بس هينزل بسعر 499 $ ؟
التكنيك ده أسمه( Truth about Relativity ) معناها أن الانسان معندهوش سيستم في مخه يحدد قيمة وسعر المنتجات المناسب ،
فلازم يبدأ يقارن بين منتجات متشابه عشان يشوف مين الأفضل ، في حالة الايباد مكنش فيه منتج مشابه فستيف خلق في عقل الناس نسخة تانية بسعر أغلي ٩٩٩$ فلما تيجي تقارنه مع السعر الجديد ٤٩٩$ هتلاقي أنه أختيار مثالي.

19/11/2018

كل سنة وانتم طيبين 😍

06/10/2018

ذكرى النصر 💪✌️

10/09/2018

كل عام وانتم بخير 😀❤️