26/12/2025
في البوست ده هنكلم عن أيه الأنسب لرجل الأعمال و المستثمر يشتغلوا فيه : السلعة البديلة ولا المكملة ؟
في البداية خلينا ناخد مثال بسيط للسلع البديلة والمكملة :
* السكر و الشاي يعتبروا سلع مكملة ،
* الشاي و القهوة سلع بديلة ،
* حديد التسليح والأسمنت سلع مكملة ،
وفيه بوست سابق شرحنا فيه السلع المكملة والسع البديلة بالتفصيل ،
وفي البداية علشان الصورة تبقا واضحة خلينا نوضح الفرق بين رجل الأعمال والمستثمر ،
هو الشخص اللي بيأسس بزنس ويديره بنفسه ،
وبيدير بنفسه لأنه لا يملك القدرة المالية اللي تساعده أنه يفوض شخص أخر لإدارة المؤسسة ويتفرغ هو للإستثمار في مشروع أخر ،
فأي شخص أسس مثلا : شركة أو مصنع أو مطعم ، إلخ وبيدير بنفسه يسمى رجل أعمال ،
#المستثمر هو الشخص اللي بيضع أمواله في مؤسسة قائمة بالفعل ،
وبيستثمر أمواله في مؤسسات مختلفه لأنه يملك القدرة المالية اللي تساعده أنه يفوض شخص أخر لإدارة المؤسسة ويتفرغ هو للإستثمار في بزنس آخر ،
يعنى تلاقي المستثمر بيشترى أسهم في شركة تكنولوجية في البورصة ،
و تلاقيه بيشتري مثلا 30% من مصنع أسمده ،
وتلاقيه اشترى فندق في الساحل علشان يأجره للأجانب ،
يعني المستثمر بيشارك رجال الأعمل في مؤسساتهم ،
ولكن مش بيشارك في الإدارة اليومية للمؤسسة وغالبا بيخلي مؤسس الشركة أو المصنع اللي هو رجل الأعمال هو اللي بيدير ،
بعد ما وضحنا الفرق بين رجل الأعمال والمستثمر خلينا نرجع للسؤال الأول ،
أيه هو الأنسب لرجل الأعمال و المستثمر يشتغلوا فيه السلع البديلة ولا المكملة ؟
بالنسبة ل يفضل العمل في السلع المكملة،
لأن زي ما قلنا أن رجل الأعمل بيدير بنفسه وبالتالي يستحيل على أي شخص أنه يدير بنفسه مجموعة من الشركات أو المصانع بدون تفويض مدير لكل شركة أو مصنع،
لأنه فعليا عدد ساعات اليوم محدود والطاقة الجسدية محدودة،
وبالتالي فرجل الأعمال لن يملك الوقت والجهد الكافي لإدارة مؤسسات ذات أنشطة مختلفة،
ولكن لو مثلا رجل الأعمال عنده مصنع حديد تسليح وحب يتوسع فعمل مصنع أسمنت ،
في الحالة دي هيلاقي فيه علاقات مشتركة كتير ما بين صناعة الأسمنت وحديد التسليح ،
يعني مثلا العملاء اللي بيشتروا حديد التسليح في الغالب برضو بيشتروا أسمنت ،،
وبالتالي هو مش هيبذل جهد ومال كبير للوصول للعملاء وقس على كده كتير،
وبالتالي التكامل بين المنتجين هيساعد رجل الأعمال علي إدارة المصنعين بشكل أسهل ،
أما بالنسبة لل #مستثمر فيفضل أنه يشتغل في السلع البديلة،
لأن ده مستثمر ومش بيدير بنفسه وبيفوض أشخاص للإدارة،
وبالتالي هو عايز يزود احتمالات المكسب ويقلل احتمالات الخسارة،
فمثلا لو شارك المستثمر رجل أعمال في مصنع شاي وشارك رجل أعمال أخر في مصنع سكر،
وخلي بالك الشاي والسكر منتجات مكملة لبعض مش بديلة،
ومثلا المواد الخام للشاي غليت وبالتالي الشاي هيغلى،
وبالتالي بعض الناس مش هتشرب شاي،
وهنا بقا المستثمرخسارته هتبقا مضاعفه لأنه هيخسر مرتين ،
هيخسر مره في الشاي لأن الطلب عليه هيقل لأن سعره زاد،
وهيخسر مره في السكر لأن برضو الطلب عليه هيقل لأنه منتج مكمل للشاي،
ولكن لو المستثمر استثمر في سلع بديلة زي مثلا الشاي والبن،
فهو في الحاله دي هيخسر في الشاي لأن سعره زاد وبالتالي الطلب عليه هيقل،
ولكن هيكسب من البن لأن الطلب عليه هيزيد لأنه منتج بديل للشاي،
لأن اللي مش هيقدر يشتري الشاي هبشتري السلعه البديله له اللي هو البن
