31/08/2026
«كان شايل بنته وماشي جنب الطريق».. لحظة واحدة قلبـ.ـت حياة أسرة عبده من الزقازيق 💔
عبده، شاب عنده 37 سنة من الزقازيق، شغال عامل في مدينة العاشر من رمضان عشان يصرف على أسرته.. زوجته وبناته الاتنين، واحدة عندها سنة، والتانية 4 سنين.
اللي حصل إن عبده كان راجع بالليل مع أسرته من خروجة، وماشيين على جنب الطريق.. هو شايل بنته اللي عندها 4 سنين، وزوجته شايلة طفلتهم الصغيرة.
وفجأة عدت من جنبهم زفة فرح، وعربيات ماشية بسرعة وبتعمل حركات على الطريق، وفي لحظة فقدت إحدى العربيات السيطرة واتجهت ناحية الأسرة.
الخبـ.ـطة كانت شديدة جدًا..
عبده طار في الهوا ووقع عند شريط القطار، وبنته وقعت منه، وزوجته والطفلة اللي كانت شايلها اتعرضوا هم كمان للإصـ.ـابة.
وللأسف، كانت النهاية صـ.ـادمة..
عبده وبنته فارقوا الحياة. 💔
بينما نُقلت زوجته وابنته الصغيرة إلى المستشفى لتلقي العلاج.
والأصعب إن قائد العربية، بحسب المعلومات المتداولة، هرب من مكان الواقعة بدل ما يحاول يساعد الأسرة أو ينقلهم للمستشفى، لكن تمكنت الشرطة بعد ذلك من ضبطه.
أسرة خرجت تقضي وقت مع بعض وترجع بيتها.. رجعت بحـ.ـزن وفاجـ.ـعة محدش كان يتخيلها.
رحم الله عبده وابنته، وربنا يشفي زوجته وبنته الصغيرة ويقومهم بالسلامة، ويربط على قلوب أهلهم. 🤲💔
والله الواحد مش عارف هنخلص إمتى من حكاية زفات العربيات والاستعراض على الطرق..
الفرحة حلوة، والناس كلها بتفرح للعريس والعروسة، لكن الطريق فيه ناس راجعة لبيوتها وأطفال مستنية أهلها يرجعوا.
مش كل مرة العربية هتتلم.. ومش كل غلطة هتعدي.
ربنا يحفظ الناس كلها، وياريت فرحتنا ما تكونش سبب في وجـ.ـع بيت تاني. 💔
