M-Design

15/01/2025

Latest Of Our Work 🥰❤️❤️

23/08/2024

أهلاً بيك كمان مرة
مبسوط جداً انك قررت تكمل معايا الرحلة دي وإن شاء الله تكون مثمرة بإذن الله
اتعلمنا المرة اللي فاتت الطبقات بمفهومها
جيه الوقت بقى اللي نبدأ نتعامل مع أدوات البرنامج واحدة واحدة
مستني ايه ؟
يلا تعالى بسرعة على هناك ومتضيعش وقت 😂🥰

السلام عليكم...ازيكمخلصنا الحمد لله سلسلة مبادئ التصميم الجرافيكي اللي المفروض تكون ذاكرتها قبل ما تبدأ معايا السلسلة ديهنبدأ بإذن الله سلسلة جديدة هنتعلم في...

20/08/2024

لو قررت انك تكمل معايا السلسلة دي فانا حقيقي سعيد جداً وفخور بيك وبضمنلك انك مش هتطلع من السلسلة دي ندمان
قررنا اننا هنخوض سوا رحلة جوة برنامج الفوتوشوب ونستكشف كل المغامرات اللي جوة
عرفنا المرة اللي فاتت الواجهة الرئيسية للبرنامج وعرفنا معلومات بسيطة عن البرنامج
النهاردة هنكمل رحلتنا بإذن الله وهنتعلم جوة البرنامج مفهوم الطبقات
https://youtu.be/X18Lb3SQo7Y?si=k7efejSBF1t7Ovwu
مستنييكوا هناك بإذن الله 🥰🥰

السلام عليكم...ازيكمخلصنا الحمد لله سلسلة مبادئ التصميم الجرافيكي اللي المفروض تكون ذاكرتها قبل ما تبدأ معايا السلسلة ديهنبدأ بإذن الله سلسلة جديدة هنتعلم في...

29/07/2024

عارف معنى انك عندي على البيدج ايه ؟
انك قدامك فرصة انك تتعلم معايا يعني ايه جرافيكس وازاى اشتغل على برنامج الفوتوشوب من الصفر
السلسلة دي بتبدأ معاك من الصفر خالص ومش بس هتكون سلسلة بعلمك فيها الأدوات..لا دا انا هخليك تشتغل بايدك وتطلع تصميمات من الصفر من الحلقة الرابعة او الخمسة
متخيل انك هتخلص السلسلة دي بإذن الله وانت عامل شغل عملي كتير جداً بحيث انك تثبت شغل الأدوات في دماغك مش مجرد كلمتين وخلاص
مستني ايه يجدع خش اتفرج
واعملي شير ولايك كدا وروق عليا 😂❤

السلام عليكم...ازيكمخلصنا الحمد لله سلسلة مبادئ التصميم الجرافيكي اللي المفروض تكون ذاكرتها قبل ما تبدأ معايا السلسلة ديهنبدأ بإذن الله سلسلة جديدة هنتعلم في...

21/07/2024

أهلاً بيك كمان مرة..بما انك قررت تكمل معايا الرحلة دي فانت دلوقت صديق ليا
تعالى نكمل دردشة مع بعض وخليني اقولك في السريع كدا ان دي نهاية محطتنا في سلسلة المبادئ بتاعت التصميم الجرافيكي اللي انت محتاجها سواء انت جونيور او سينيور في المجال
وأتمنى انك تكون استمتعت معايا بالرحلة البسيطة دي زي ما انا مستمتع بالظبط
المرة دي هنكمل الرحلة بتاعتنا مع المحطة الخامسة والأخيرة من محطات تعلم التصميم الجرافيكي
النهاردة هنشرح مبدأ مهم جداً من أهم وأسهل مبادئ التصميم الجرافيكي وهو التكرارية
يعني إيه التكراريةباختصار ؟
قبل كدا قلنا سوا في سيشنات مختصرة ان البراند مش مجرد لوجو والسلام
وان البراند هو عبارة عن شعور واحتياج بنزرعه بداخل دماغ المشاهد بحيث مجرد ما يشوف اللوجو يفتكر تجربته والشعور اللي حسه بالتجربة دي سواء كان سعادة او غضب
فالبراند هدفه انه يحقق الشعور دا سواء كان قادر انه يحققه باللوجو بس او قادر يحققه باللوجو وطرق كمان مختلفة وبنسبة كبيرة هتحققه باللوجو وبعوامل أخرى ولكن اللوجو له أهمية كبيرة جداً
فالتكرارية بتساعدك انك ترسخ جوا دماغ المشاهد اللوجو بتاعك والمشاعر اللي بتربطها في دماغ المشاهد
التكرارية عبارة عن انك بتكرر اللوجو اكتر من مرة بحيث ان المشاهد لو شاف اللوجو في الشارع على طول ييجي في دماغه التجربة بتاعت البراند
التكرارية كمان تقدر انك من خلالها تحقق مبدأ التوازن وتساعدك في تحقيق التوازن بتاع التصميم
التكرارية كمان تقدر تستخدمها في انك تعمل الباترن الخاص بيك في الديزاين بتاعك
وهسيبلك تحت في الكومنتات أمثلة كتير بحيث انك تفهم الموضوع بشكل عملي أكتر
لو لسة مفهمتش الموضوع بشكل كبير هنزلك الفترة الجاية حلقات بنتناقش فيها في المواضيع دي بشكل عملي ومفصل
مستنيك هناك إن شاء الله
عرفنا دلوقت مبدأ التكرارية وقد إيه هو قادر انه يزرع في دماغ المشاهد مشاعر ايجابية ويفكرك بالبراند الخاص بيه
متنساش تعمل لايك وشير للبوست ومتنساش تتابعني على فيسبوك ولينكد ان ويوتيوب

16/07/2024

أهلاً بيك كمان مرة..بما انك قررت تكمل معايا الرحلة دي فانت دلوقت صديق ليا
تعالى نكمل دردشة مع بعض ونسلي نفسنا على ما نوصل للمحطة الأخيرة
وصلنا مع بعض المرة اللي فاتت للمحطة التالتة وأتمنى انك تكون مستمتع معايا زي ما انا مستمتع بالظبط
المرة دي هنكمل الرحلة بتاعتنا مع المحطة الرابعة من محطات تعلم التصميم الجرافيكي
النهاردة هنشرح مبدأ مهم جداً من أهم وأسهل مبادئ التصميم الجرافيكي وهو الانسيابية
يعني إيه الانسيابية باختصار ؟
الانسيابية هي عبارة عن ترتيب العناصر حسب انت عايز عين المشاهد تركز على ايه الأول
ولازم تحط في بالك انك عشان تحقق مبدأ الانسيابية لازم تحقق مبدأ التناقض فالاتنين بيكملوا بعض
يعني لو عايز عين المشاهد تقع على حاجة اول واحدة هكبر حجمها عن الباقي وبكدا انت حققت الsize contrast ومن خلاله حققت الانسيابية
ولو عايز انك بردو تخلي عين المشاهد تقع على حاجة معينة ممكن تغير لونه عن لون الباقي وبكدا تكون حققت الانسيابية عن طريق انك حققت الColor contrast
نفس الحكاية لو عايز اخلي الكتابة تبص على التايتل الأول وبعد كدا العناوين الفرعية وبكدا حققت الانسيابية عن طريق الtype contrast
دول باختصار فكرة الhiercahy
وقد إيه هي قادرة تخلي التصميم بتاعك مريح للعين وشكله يبقى جميل جداً
هسيبلك أمثلة عملية كتير عشان تقدر تتفرج وتفهم الكلام النظري دا
ولو لسة مفهمتش الموضوع او عندك نقطة محتار فيها..متقلقش هنزلك فيديو كامل بيشرح الكلام دا بطريقة عملية وعليه أمثلة كتير
وبعد ما نخلص السلسلة دي بإذن الله هنعمل تصميمات سوشيال ميديا كتيرة بتحقق المبادئ دي كلها
متنساش تعمل لايك وشير للبوست ومتنساش تتابعني على فيسبوك ولينكد ان ويوتيوب

17/11/2022

أهلاً بيك كمان مرة..بما انك قررت تكمل معايا الرحلة دي فانت دلوقت صديق ليا

تعالى نكمل دردشة مع بعض ونسلي نفسنا على ما نوصل للمحطة الأخيرة

وصلنا مع بعض المرة اللي فاتت للمحطة التانية وأتمنى انك تكون مستمتع معايا زي ما انا مستمتع بالظبط

المرة دي هنكمل الرحلة بتاعتنا مع المحطة التالتة من محطات تعلم التصميم الجرافيكي

النهاردة هنشرح مبدأ مهم جداً من أهم وأسهل مبادئ التصميم الجرافيكي وهو المحاذاة

يعني إيه المحاذاة باختصار ؟

المحاذاة هي انك تخلي كل العناصر في اتجاه معين بحيث انك مثلاً لو عملت خط هتلاقي ان كلهم على نفس المحاذاة من ناحية اليمين او اليسار او حتى في المنتصف

إيه هي بقى أنواع المحاذاة ؟

1- Left Aligned

وهي باختصار انك تجيب كل العناصر ناحية الشمال بحيث لو جبت خط ناحية الشمال هتلاقيهم كلهم في نفس المحاذاة

يعني مثلاً لو عندك عناصر كتير بدل ما تحطهم بشكل عشواءي غير مريح للعين تقدر تعملهم محاذاة ناحية اليسار هيبقى شكلها مريح للعين وحلو جداً

2- Right Aligned

باختصار هي عكس اللي فوقيها بالظبط

يعني تقدر تخلي العناصر كلها محاذاة على جهة اليمين بحيث لو جبت خط هتلاقيها كلها موجودة في نفس الاتجاه

3- Center Aligned

وهي ان المحاذاة تبقى ناحية المنتصف لا أكتر ولا أقل

يعني لو جبت خط هتلاقي انك قسمت العنصر اتنين فبقى معمولة محاذاة من ناحية الوسط

دول باختصار فكرة الalignment

وقد إيه هي قادرة تخلي التصميم بتاعك مريح للعين وشكله يبقى جميل جداً

هسيبلك أمثلة عملية كتير عشان تقدر تتفرج وتفهم الكلام النظري دا

ولو لسة مفهمتش الموضوع او عندك نقطة محتار فيها..متقلقش هنزلك فيديو كامل بيشرح الكلام دا بطريقة عملية وعليه أمثلة كتير

وبعد ما نخلص السلسلة دي بإذن الله هنعمل تصميمات سوشيال ميديا كتيرة بتحقق المبادئ دي كلها

متنساش تعمل لايك وشير للبوست ومتنساش تتابعني على فيسبوك ولينكد ان ويوتيوب

12/11/2022

السلام عليكم...ازيكوا
بدأنا رحلتنا مع بعض في تعلم التصميم الجرافيكس
ووصلنا مع بعض مع تاني محطة وتاني مبدأ من مبادئ التصميم الجرافيكس وهو التناقض
نزلتلكوا بوست فيه شرح الكلام دا نظري..دلوقت جه وقت التطبيق والمشاهدة عملي
لنك الحلقة كاملة على يوتيوب
https://www.youtube.com/watch?v=HBuAbj5YM-8&t=25s

05/11/2022

أهلاً بيك مرة تانية..مبسوط انك قررت تخوض معايا التجربة اللطيفة دي واللي هتطلع منها بكمية معلومات كبيرة جداً بإذن الله 😃
ركبنا المترو مع بعض ووصلنا أول محطة وهي كانت التوازن..المرة دي هنكمل طريقنا للمحطة اللي بعديها وهي التناقض
يعني إيه التناقض باختصار ؟ 😅
التناقض هو انك تعمل حاجة عكس المعتاد بحيث تخلق للمشاهد نوع من أنواع الصدمة فتلفت انتباهه على حاجة معينة في التصميم
فمثلاً ممكن تكبر كلمة معينة او انك تخليها بولد بحيث ان المشاهد أول ما يبص على التصميم يبص عليها
إيه بقى أنوع التناقض ؟ 😅
1- Size Contrast
هو عبارة عن انك بتخلي الجزء اللي عايز تركز عليه حجمه كبير..ممكن مثلاً ساندوتش برجر محطوط في نصف التصميم وحجمه كبير يلفت الانتباه
أو ممكن مثلاً تخلي حجم الكلمة كبير وتحتها كلمة تانية بحجم أصغر فلما يبص للتصميم يبص على الكلمة الأكبر الأول
2-Color Contrast
بص يا سيدي وركز معايا.دي تعتبر أهم حاجة ومهمة جداً انك تفهمها عشان هتخلي شكل تصميمك ميبانش عليه انه واحد مبتدئ
الفكرة انك بتجيب لونين مكملين لبعض بيكونوا قصاد بعض في عجلة الألوان.بس في شرط صغير
لو انت اخترت اللون الأول الكونتراست بتاعه عالي لازم تختار اللون المكمل ليه يكون الكونتراست بتاعه أقل عشان ميبقاش مزعج للعين
يعني لو مثلاً اخترت الخلفية لون غامق يبقى حط التيكست وعنصر التصميم بلون فاتح
عندك مثلاً الأبيض والأسود اللونين دول أكبر مثال.لو اخترت الخلفية أسود يبقى تحط التيكست أبيض
3- Shape Contrast
لو انت مثلاً عندك التصميم كله عبارة عن دوائر وجيت في النصف كدا شلت دائرة وحطيت مستطيل وكبرت حجمه حاجة بسيطة
طبيعي جداً ان عينك أول حاجة هتقع عليها هو المستطيل..لأنك حطيت حاجة مختلفة وغير مألوفة للعين فهي هتكون أول حاجة تقع عليها عينك
4- Type Contrast
دا بقى عبارة عن انك بتكتب قطعة مثلاً وعايز العنوان هو يكون أول حاجة عين المشاهد تقع عليها
فالبتالي هتخلي العنوان بخط مختلف وتخليه بولد بخط تخين
بالشكل دا انت عملت حاجة غير مألوفة للمشاهد فهتخلقله نوع من الصدمة وبالتالي أول حاجة هيبص عليها هي العنوان
خلاصة الكلام 😁
لو عايز تشد عين المشاهد لحاجة معينة في التصميم بتاعك وتكون أول حاجة عينه تقع عليها هتعمل التالي
خلي التصميم كله ماشي بشكل معين والعنصر اللي انت عايزه يشوفه أول حاجة يكون بشكل مختلف
فممكن مثلاً تكبر حجم الكلمة بحيث ان اول حاجة يشوفها هي الكلمة وممكن تخليها بخط تخين وبولد بردو
ممكن مثلاً تجيب عنصر معين وتكبر حجمه بحيث ان المشاهد أول حاجة يبص عليها هو العنصر دا
ممكن بردو تغمق الحواف بتاعت التصميم بحيث تركيز المشاهد كله يبقى في نقطة المنتصف بحيث ميبصش ولا يمين ولا شمال
بالشكل دا احنا وصلنا مع بعض لتاني محطة من محطات عدلي منصور..مبسوط انك كنت معايا في الرحلة اللطيفة دي 😀
لو حابب ميفوتكش حاجة وتشوف كل جديد تابعني على لينكد ان وفيسبوك عشان تتابع كل جديد باستمرار 😀

21/10/2022

السلام عليكم...ازيكوا

بدأنا رحلتنا مع بعض في تعلم التصميم الجرافيكس

ووصلنا مع بعض مع أول محطة وأول مبدأ من مبادئ التصميم الجرافيكس وهو التوازن

نزلتلكوا بوست فيه شرح الكلام دا نظري..دلوقت جه وقت التطبيق والمشاهدة عملي

لنك الحلقة كاملة على يوتيوب

https://www.youtube.com/watch?v=sytnCzM0gUc&t=5s

19/10/2022

لو انت شفت البوست اللي فات وقررت انك تخوض معايا الرحلة الممتعة دي فأنا بوعدك اننا هنتبسط سوا بإذن الله
تعالى اخدك في جولة كدا عن طريق المترو هندردش فيها مع بعض كدا على ما نوصل لاخر محطة
دخلنا محطة المترو وقطعنا تذكرة لمحطة الشهداء من اتجاه عدلي منصور عشان بحبه
ركبنا المترو وتعالى ندردش بقى في أول محطة من محطات تعلم التصميم الجرافيكي وهي مبادئ التصميم
هنبدأ مع بعض مع أول مبدأ وهو مبدأ التوازن...ازاى اعرف ان التصميم دا متوازن ؟
خليني اقولك كدا الأول ان في 3 أنواع للتوازن هنتكلم فيهم بسرعة كدا عشان ما اطولش عليك
1- التوازن التناظري
2-التوازن الغير تناظري
3- التوازن الدائري
يعني إيه توازن تناظري ؟
باختصار يعني لو قسمت التصميم نصفين هتلاقي ان النصف اليمين متشابهه في العناصر مع النصف الشمال
(127 hours) عندك مثلاً بوستر فلم
لو جيت قسمت التصميم نصفين هتلاقي ان عناصر الجزء اليمين متشابهة مع عناصر الجزء اليسار
يعني عندك على اليمين جبل وعلى الشمال جبل مشابهة ليه..هتلاقي كمان حتى ان التايبوجرافي مقسوم بحيث كتلة الجزء اليمين هي نفسها كتلة الجزء اللي على الشمال
(Sherlock holmes)عندك مثلاً كمان بوستر فلم
لو قسمت التصميم جزءين هتلاقي ان عناصر الجزء اليمين هو نفسه عناصر الجزء اللي على الشمال...فالتصميم دا متوازن
طب يعني ايه بقى توازن غير تناظري ؟
دا لو جيت قسمت التصميم مش هتلاقيه زي التوازن التناظري مش هيبقى الجزء اللي على اليمين هو اللي على الشمال
لو جيت قسمت التصميم هتلاقي ان في جزء ليه كتلة كبيرة وجزء ليه كتلة فاضية
فالجزء اللي كتلته فاضية بملاها بتيكست معين عشان يوازن الكتلة الكبيرة
زي مثلاً بوست فلم (guess who)
وعندك النوع دا مشهور أوي في التصميمات انك بتحط صورة منتج او عنصر والجزء التاني يكون مليان بالتايبوجرافي..فيكون التصميم متوازن
طب يعني ايه توازن دائري ؟
دا باختصار ان اللوجو بتاعك بيبدأ من نقطة المنتصف وبيبدأ يتفرع بشكل دائري
لو لسة البوست دا مقدرتش تستوعب الموضوع بشكل كافي فأحب اقولك متقلقش..هنزلك فيديو كامل بناقش فيه فكرة التوازن بأمثلة عملية كتير
بحيث انك لو مفهمتش من البوست تفهم من الفيديو...والبوست يبقى بمثابة مرجع ليك كتلخيص للفيديو
وبكدا نكون وصلنا أول محطة من طريقنا لمحطة الشهداء...أتمنى ما اكونش طولت عليك وياريت تقولي في الكومنتات ايه رأيك في المحتوى دا وايه اللي مفروض اركز عليه بحيث يبقى أفضل جودة متاحة ليك كمتعلم
ولو حابب ميفوتكش باقي الكورس اللي هينزل على البيدج اعملي follow وshare للبوست