اونلاين من المصنع مباشر

22/05/2025

... قبل ما تناسب حاسب حتى تستفيد اقرأ المنشور للآخر
نصيحه_للشاب_قبل_الزواج
لو رايح تتجوز خُد نصيحة مُخلصة مش هاتلاقي حد يقولهالك في هذا العالم المزيف ؛ خلاصة وخبرة السنين بقا
-العنيدة ماتنفعش
- ورباية الجوع ماتنفع
– والمادية ماتنفعش
- وبنت أمها ماتنفعش
– واللي بتحب تصاحب الرجاله ماتنفعش
– واللي تفاصيل حياتها ع الفيس بوك ماتنفعش
- والسترونج اندبندت وومن ماتنفعش وتحط ديلك في سنانك وتنفد بجلدك م الخطوبة
– واللي تلاقيها مقتنعة بأفكار بعض الستات زي مفيدة شيحة ووليد خيري ورضوى الشربيني ماتنفعش
– والتافهة ماتنفعش
– والجريئة المتبجحة ماتنفعش
- واللي مصاحبة مطلقات نواشز دخلوا محاكم الأسرة ضد اجوازهم ماتنفعش الا من رحمه ربه
– والأنانية اللي عايشه لنفسها ماتنفعش
– واللي بتتقمص وتتلوي على حاجات صغيرة دايما ماتنفعش
– والمغرورة ماتنفعش
– والهشة نفسيًا اللي سهل يتضحك عليها بكلمتين حلوين من أي عابر سبيل ماتنفعش
– واللي شغلها ممكن يقويها عليك في يوم م الأيام ماتنفعش
- واللي حاسة بنفسها وجسمها وحلاوتها زيادة عن اللزوم ماتنفعش
– وبتاعة المظاهر ماتنفعش
- واللي مش بتحترم أبوها أو أبوها مالوش دور في حياتها أو مالوش كلمة في البيت ماتنفعش
- والبيت اللي في ست بتمشيه مع وجود الرجل ماتنفعش ماتنفعش.
زوجتك هي سندك و"ضهرك " ومسئولة عن نسبة كبيرة جداً من سعادتك أو تعاستك.. اختار صح وأوعى تخلي "ضهرك" مكشوف لكلاب السكك والعرر.
و خد بالك -لو انت متزوج - من بداية ظهور الأعراض الخبيثة على الزوجة؛
الزوجه اللي بتعمي عينيها بأيديها وتخرب بيتها بأيديها واللي شياطين الأنس والجن بيلعبوا في دماغها ويركبها الغرور و تأخذها العزة بالإثم
-----------------------------
نصيحه لست البنات
‏متتجوزيش لو مبتعرفيش تقولي حاضر ونعم وحقك عليّ وزعلك عندي بالدنيا
لما أوجب الله طاعة الزوج زرع في قلبه حب تلك الطاعة وتفضيلها على غيرها وتقديرها فإذا أطاعته زوجته ملكت زمام قلبه وتلك قوتها التي هي ضعف في ظاهرها خلافا للحقيقة
الطاعة قبل الجمال والدين كمان
استفدت انا إي لما اتجوز واحدة جميلة وظاهر عليها علامات التدين لابسة نقاب او خمار ومش بتقوم من ع السجادة وماسكة السبحة طول النهار وغير مطيعة وتناطح جوزها كلمة بعشرة
ف الحالة دي لو جارية ومطيعة خيرا منها
سبحان الله أكتر طريقة مضمونة ومجربة في التاريخ من المرأة للتمكن من الراجل هي عن طريق طاعته والخضوع له
وأول ما تظهر الندية والنشوز فهي بداية النهاية غالباً
أقرب طريق لقلب الراجل الطاعة غير كدا شكليات
دا ربنا سبحانة وتعالي وصف أول وصف في الزوجة الصالحة فقال
فالصالحات قانتات > مطيعات > حافظات للغيب بما حفظ الله تحفظ فرجها وتحفظ بصرها
الطاعة ثم الطاعة ثم الطاعة تسعدي ف الدنيا والآخرة
إذا صلت المرأة خمسها وصامت شهرها وأطاعت زوجها قيل لها أدخلي الجنة
متتجوزيش لو مش فاهمة أن أوقات كتير ممكن تقولي أنا آسفة حتى لو أنتِ مش غلطانة ومعملتيش حاجة لمجرد أنك تطيبي خاطر زوجك وتحسسيه أنه زعله متقدر مش كده ولا ايه؟؟

22/05/2025

بلاش نكدب على بعض... الزواج مش ليلة ولا فستان ولا صور... الزواج مودة ورحمة وسكن!

قبل ما تعمل زي البلوجرز... شوف هما فعلًا سعداء ولا كلها تمثيلية؟

يوم الفرح "هي حبيبتي" و"هو روحي"،
وبعد شهر "انت مستفز" و"انتي مش مظبوطة".

ناس كتير خدت قروض عشان شوية صور،
وبعدين اتطلقت وهي لسه بتقسط!

الفرح الحقيقي مش في الفستان اللي بيتغير 3 مرات، ولا في فريق المصورين والميكاب أرتيست، ولا في الكوشة اللي معمولالها جلسة تصوير أكتر من العروسة نفسها!

ما هو في الآخر كل اللي بيتكلفوا فوق طاقتهم بيعيشوا تحت ضغط خانق.. ومش بيقدروا يستحملوه غالبًا

وقتها تلاقي الزوجة بتبص لصور الفرح وتقول: "إيه الهبل ده؟ ده أنا؟" والزوج بيبص للفيديو ويقول: "يخرب بيت الوهم... أنا كنت فاكرها بتحبني!"

طب ما كان من الأول
قبل الفرح كنت تقول للعروسة: "فستانك كويس جدًا"... ترد: "لأ، لازم أبهر الناس"!
لو بجد عايزة جواز ناجح، دوري على راجل يحترمك، مش على فستان يبهر صحابك.

كل اللي بيمثلوا قدام الناس بيتعبوا لما الكاميرات تتقفل؛
الزواج الحقيقي مش لقطة انستجرام... الزواج حياة كاملة مليانة تفاصيل ما بتتصورش.

المشكلة إننا بقينا نقارن حياتنا بحياة ناس بيمثلوا علينا

انت مش مضطر تعمل زي غيرك..
انت مش مضطر تغرق نفسك!

صدقني الفرح الحقيقي انك تبدأ حياة فيها بركة، وسُترة، وحب صادق، ومسؤولية حقيقية.

22/05/2025

▪الزواج مش "عيشني يا نجم" واللا "طلقني يا بيه"... الزواج مشروع حياة.. مشوار طويل محتاج صبر.. وذكاء.. وتفاهم.. وتضحيات من الطرفين..

▪الزواج الناجح مش بييجي بالحظ.. ولا بيتبني على الرومانسية والهدايا بس.. لكن بيتبني على نُضج.. ومواقف.. وشغل حقيقي على النفس وعلى العلاقة..

▪"حارب عشان بيتك ينجح"

▪مش معناها تهين نفسك أو تكمّل في علاقة سامة.. لأ خالص، لكن معناها قبل ما تقول "أنا تعبت" أو "عايز أمشي"، اسأل نفسك: أنا عملت اللي عليّ؟ أنا حاولت أفهم؟ حاولت أغيّر من نفسي؟

▪كتير بيكون الغلط مش من طرف واحد، لكن إحنا بنحب نشاور ونقول "هو السبب"، "هو اتغير"، "هو مش حنين"..

▪والشخص بينسي يسأل نفسه: أنا اتغيرت؟ أنا لسه بدي زي الأول؟ أنا بريح اللي معاي ؟ أنا بديله اللي محتاجه ؟؟

▪الست اللي بتحلم براجل حنين، متفاهم، مساعد في البيت، بيشيل معاها، لازم تسأل نفسها: طب أنا بعمل إيه يخليه يبقى كده؟

▪الرجل اللي عاوز مراته طول الوقت مروّقة ومهتمة وجميلة ومبسوطة، لازم يسأل نفسه: طب أنا بعمل إيه يديها طاقة وحب وحنان تخليها تقدر تعمل ده؟

▪الزواج مش قعدة تصفيق.. الزواج ورشة شغل.. والمفاجأة؟ إن أكتر حاجة بتبني العلاقة مش الكلام الحلو، ولا الهدايا، ولا حتى الخروج…

▪أكتر حاجة بتبني العلاقة: الاحترام، والتقدير، والحنان الحقيقي، والإحساس بالأمان.. وفي الآخر، لو عملت كل ده وشريكك لسه مش مقدّر؟ اعمل اللي عليك لوجه الله، وساعتها البركة من ربنا هتيجي من حيث لا تحتسب..

▪السكينة رزق، وربنا وعد بها البيوت اللي بتُبنى على المودة والرحمة.. مش على الشكوى والعتاب بس..

▪فابدأ دايمًا بنفسك، حتى لو التاني ما استجابش بسرعة… الصبر، والنية الطيبة، بيغيروا قلوب كانت ميتة..

▪ومافيش بيت بيستقر بين يوم وليلة.. كل علاقة بتعدي على اختبارات، على فترات فتور، على ضغوط الحياة ومطباتها.. اللي بيكملوا هما اللي قرروا يفضلوا جنب بعض رغم كل ده.

▪افهم إن شريكك مش ملاك، ولا أنت كمان.. كل واحد فينا فيه عيوب، لكن الذكي هو اللي يعرف يحب بالرغم من العيوب، ويصلّح بدل ما يكسّر.

▪الود مش دايمًا في الكلام.. أوقات لمسة على الكتف، طبق أكل على السريع، كلمة "أنا جنبك" في وقت تعب.. بتقول كتير.

▪الحب مش بيخلص، بس بيحتاج يتحافظ عليه.. محتاج تجديد، ومجهود، واهتمام صغير يومي بيقول "أنا لسه باخد بالي منك".

▪وفي الآخر، الزواج مش تحدي مين اللي هيكسب.. لكن شراكة فيها اتنين بيكسبوا سوا، أو بيخسروا سوا، على حسب هما بيختاروا إيه كل يوم..

19/10/2024

18/02/2024

‎لما يعملوا سيستم جديد في الشغل ويحاولوا يدربوك عليه

01/02/2022

‏إذا جاءك الحيوان يبحث عن طعام، فلا ترده
فما أتاك إلا ليزيل عنك قليلاً من سيئاتك ♥️