ElAml Marketing Agency

ElAml Marketing Agency ElAml Marketing Agency
📌 إدارة سوشيال ميديا | حملات إعلانية | محتوى تسويقي | تسويق ميداني | استشارات
🚀 شريك نجاحك لنمو مشروعك

19/03/2026

غدا اول أيام
عيد الفطر المبارك
كل عام وانتم جميعا بخير

15/01/2026

جالنا استشارة من معمل
تحاليله مظبوطة
شغله ثابت
بس فجأة لاحظوا حاجة غريبة…
❌ مرضى بتيجي تعمل تحاليل وتمشي
❌ ما بترجعش تاني
❌ دكاترة بتبعت مرة وتسكت
❌ والناس بتسأل:
«هو ليه المعمل ده غالي؟»
الإدارة كانت شايفة إن المشكلة:
– السوق بقى صعب
– الناس بتدور على الأرخص
– كل المعامل عاملة عروض
في أول جلسة
ما سألناش عن الأسعار
ولا الخصومات
ولا المنافسين
طلبنا حاجة واحدة بس 👇
🧾 نسمع مكالمة حقيقية من الاستقبال
المكالمة كانت كده:
البيشنت:
«التحليل ده محتاج صيام؟ وسعره كام؟»
الرد:
«أيوه صيام… والسعر كذا»
بس الحقيقة؟
❌ التحليل مش محتاج صيام
❌ والسعر كان أعلى شوية
❌ ومفيش أي توضيح أو بديل
البيشنت قالت:
«تمام… هكلمكوا»
ومرجعتش
📌 المشكلة ما كانتش في السعر
المشكلة إن الموظف:
– ما شرحش
– ما طمّنْش
– وما عرضش أي حاجة
اللي اتعمل فعليًا:
✔️ تدريب الموظفين على شرح التحاليل ببساطة
✔️ تحويل السؤال من “سعر” لـ “قيمة”
✔️ بروموشن ذكي يقوله الموظف في آخر المكالمة:
«وبالمناسبة، التحليل ده مش محتاج صيام
ولو حضرتك جاي مع حد تاني
ليكم خصم كذا النهارده»
✔️ جملة ثابتة:
«تحبي نعمله النهارده ولا نحدد معاد؟»
📈 بعد شهر:
– المكالمات اتحولت لزيارات
– المرضى بقوا يكملوا التحاليل
– الدكاترة لاحظت فرق التعامل
– البروموشن جاب حالات… مش خسارة
📌 الخلاصة:
البروموشن
مش إعلان
ولا بوست
ولا خصم والسلام
البروموشن الحقيقي
هو موظف فاهم
عارف يقول إيه
و إمتى
المعمل اللي
بيعتمد على الأجهزة بس
بيخسر للي بيعرف يشرح ويعرض






03/01/2026

📌 استشارة زيارة الدكتور للمعمل (من أرض الواقع)
جالنا استشارة من دكتور
كان بيزور دكاترة كتير
وبيصرف وقت ومجهود
لكن…
❌ مفيش تحويلات ثابتة
❌ مفيش فرق في عدد الحالات
❌ وإحباط متكرر: «أنا بلفّ على الفاضي»
الدكتور كان شايف إن المشكلة: – الدكاترة مش متعاونة
– السوق صعب
– كل المعامل بتزور
– “مبقاش حد بيحوّل زي زمان”
في أول جلسة
ما سألناش:
❌ بتزور كام دكتور
❌ بتدي خصومات قد إيه
❌ بتسيب أسعار ولا لأ
سألنا 5 أسئلة بس 👇
📝 بتدخل تقول إيه أول دقيقتين؟
📂 هل معاك حاجة ملموسة تسيبها؟
🩺 بتتكلم عن المعمل ولا عن الدكتور ومريضه؟
📞 بعد الزيارة… في متابعة؟
⭐ ليه الدكتور يختارك إنت مش غيرك؟
الإجابات كانت صادمة: – كلام مكرر
– مفيش عرض واضح
– مفيش متابعة
– الزيارة “تعريف وبس”
📌 المشكلة ما كانتش في الزيارة
المشكلة إن الزيارة:
❌ بدون هدف
❌ بدون عرض
❌ بدون سبب يخلي الدكتور يفتكرك
اللي ما عملناش:
❌ ما زدناش عدد الزيارات
❌ ما دخلناش في خصومات
❌ ما ضغطناش على الدكتور
اللي اتعمل فعليًا:
✔️ سيناريو ثابت لأول دقيقتين
✔️ عرض واحد واضح يخدم مريض الدكتور
✔️ كارت متابعة ذكي
✔️ اتصال بعد الزيارة مش طلب تحويل…
لكن: «في أي ملاحظة على النتائج؟»
📈 بعد أسابيع: – دكاترة بدأت ترجع تتصل
– تحويلات ثابتة
– الزيارة بقت علاقة… مش مرور
الدكتور قال: «أنا كنت فاكر المشكلة في الدكاترة…
طلعت في طريقة الزيارة»
📌 الخلاصة:
زيارة الدكتور
مش عدد
مش لفّ
مش كلام
هي رسالة + قيمة + متابعة
واللي بيزور من غير خطة
بيستهلك نفسه
من غير عائد.










02/01/2026

جالنا استشارة من دكتورة
فاتحة معمل تحاليل من ٨ سنين
وكان عندها مشكلة واحدة بس…
المعمل شبه واقف.
ولا في شكاوى نتائج
ولا مشاكل أسعار
ولا أخطاء فنية.
لكن:
– 2 أو 3 حالات في اليوم
– دخل شهري barely مكفّي
– إرهاق مستمر
– وإحساس إن المجهود مش بيجيب نتيجة.
الدكتورة كانت مقتنعة إن السبب:
– المنافسة زادت
– المعامل كتير حواليها
– ومحدش بيحوّل حالات زي زمان.
في أول جلسة،
ما سألناش عن الأجهزة
ولا عن الأسعار
ولا عن التحاليل.
سألنا 4 أسئلة بس 👇
📝 آخر مرة مريض رجع يعمل تحليل تاني؟
📞 مين بيتواصل مع المرضى بعد النتيجة؟
⏱️ متوسط وقت الانتظار جوه المعمل؟
👩‍⚕️ هل في خدمة مميزة الناس فاكرينك بيها؟
الإجابات كانت كفيلة توضح الصورة.
مفيش متابعة
مفيش رجوع مرضى
مفيش سبب يخلي حد يختارك تاني
ولا إحساس إن المعمل “مهتم”.
المشكلة ما كانتش في السوق
كانت في إن المعمل مستني… مش بيجذب.
اللي ما عملناش:
❌ ما طلبناش تجديدات
❌ ما صرفناش فلوس
❌ ما دخلناش في منافسة أسعار
اللي اتعمل فعليًا:
✔️ باكدجات متابعة بسيطة
✔️ تواصل بعد النتيجة مع الحالات المهمة
✔️ تنظيم وقت الانتظار
✔️ رسالة متابعة: «تحبي نطمن على النتيجة؟»
بعد شهر واحد: عدد الحالات زاد
نسبة رجوع المرضى ارتفعت
والدكتورة قالت جملة واحدة:
“أنا كنت فاكرة المشكلة برا… طلعت جوه.”
الدرس هنا: المعمل مش بيقع فجأة
هو بيبرد واحدة واحدة
لما يبطل يحسّس الناس إنه مهتم.
الإنقاذ الحقيقي
مش دايمًا في فلوس أكتر
لكن في إدارة أذكى.




02/01/2026

‏﷽
‏ ﴿إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ‏يَا أَيُّهَا الَّذِينَ آَمَنُوا صَلُّوا عَلَيْهِ وَسَلِّمُوا تَسْلِيمًا﴾
‏- ‏مُحمد ﷺ ❤️

01/01/2026

جالنا استشارة من معمل
كان عنده مشكلة واحدة بس…
دكتور كبير وقف تحويل حالات فجأة.
ولا مشكلة أسعار
ولا مشكلة نتائج
ولا حتى مشكلة تعامل مع المرضى.
الإدارة كانت فاكرة: «أكيد حد غلط في نتيجة» أو «الدكتور عايز مصلحة من معمل تاني»
في أول جلسة طلبنا حاجة بسيطة: 📝 آخر تواصل حصل مع الدكتور
📞 مين بيتعامل معاه
⏱️ وبيستلم نتائجه بعد قد إيه
اللي ظهر كان صعب عليهم 👇
ولا غلطة نتيجة واحدة.
ولا تأخير كبير.
المشكلة كانت إحساس مش أرقام.
الدكتور كان: – بيتكلم مع أشخاص مختلفين كل مرة
– مفيش حد فاهم ملف مرضاه
– بيضطر يتابع بنفسه
– وأحيانًا يفضل مستني رد
الدكتور ما حسش إنه “شريك”
حس إنه “واحد من الزحمة”.
ما عملناش عرض
ما زودناش عمولة
ما بعثناش مندوب جديد
اللي اتعمل: – شخص واحد ثابت للتواصل مع الدكتور
– متابعة استباقية للحالات المهمة
– مكالمة بسيطة بعد أول أسبوع:
«تحب نعدل أي حاجة؟»
بعد شهر: الدكتور رجّع التحويلات
وبعت دكتورين كمان.
ثقة الدكتور ما بترجعش بكلام
بترجع لما تحسّسه
إنه مش لوحده.



Address

El-Manzala

Website

Alerts

Be the first to know and let us send you an email when ElAml Marketing Agency posts news and promotions. Your email address will not be used for any other purpose, and you can unsubscribe at any time.

Shortcuts

Share

Category