12/06/2026
د. ياسر نجم
أد ايه احنا بعاد؟
________________
كاستشاري وأستاذ في طب الجهاز الهضمي للأطفال..أحب أشرح في البوست ده أد ايه الوعي الصحي في الحضيض عند مجتمعات المستنقعات..وأد ايه الدجل دايس في الوعي الشعبي بمسافة سنوات ضوئية عن التقدم العلمي اللي العالم وصل له..
___________________________
مستقبل التغذية في العالم حالياً في
Personalized • Predictive • Preventive • Precision Nutrition
يعني ايه؟
تغذية شخصية..تنبؤية..وقائية..دقيقة......................
الفكرة؟....................
أن استجابة البشر لنفس الطعام قد تختلف بشدة بسبب:
- الجينات DNA
- الميكروبيوم
- الأيض Metabolism
- النوم
- النشاط
- الهرمونات
- وحتى التوتر النفسي.
__________________________
1- مراقبة السكر المستمرة
CGM
اكتشفوا أن نفس قطعة الخبز…
بترفع السكر عند شخص أكتر بكتير من شخص تاني...
وعلشان كده بدأ استخدام:
Continuous Glucose Monitoring
حتى خارج مرضى السكر أحيانًا.
⸻
2- الميكروبيوم
Microbiome
تريليونات البكتيريا داخل الأمعاء عاملة زي البصمة..مافيش اتنين زي بعض....دي اتكونت على مدار عمرك كله..وبيتحكم فيها:
- انت اتولدت طبيعي ولا قيصري..
- رضعت طبيعي ولا صناعي..
- خدت مضادات حيوية أد ايه..
- ايه أنواع العدوى اللي جت لك..
- بتاكل أكل بيت ولا من الشارع..أكل مصنع ولا صحي..
وكل ده بيأثر على:
الهضم
المناعة
الشهية
الالتهاب
وربما حتى المزاج.
وعلشان كده العلماء دلوقتي عاكفين على فهم:
ازاي بيأثر اختلاف الميكروبيوم على استجابة البشر للأكل.
⸻
3- التغذية الجينية
Nutrigenomics
ازاي بتأثر الجينات على:
استجابة الدهون
الكافيين
السكر
والوزن.
بعض الناس مثلًا:
بيتعاملوا مع الكافيين أسرع أو أبطأ جينيًا...علشان كده حد ممكن يضرب 3 ماجات قهوة وينام عادي..وحد تاني من نص فنجان يفضل مصهلل طول الليل..
⸻
4- الذكاء الصناعي والتغذية
بدأت بعض الأنظمة تستخدم AI لتحليل:
النوم
النشاط
السكر
الأكل
وحتى التوتر
وتقترح:
أنماط أكل خاصة بكل واحد,,
⸻
5- توقيت الأكل
Chrononutrition
مش بس بناكل ايه؟
لكن كمان
امتى ناكل؟
بعض الدراسات المتخصصة أثبتت أن:
الساعة البيولوجية بتأثر على:
السكر
الشهية
والأيض.
⸻
6- التغذية الوقائية
Preventive Nutrition
بدل انتظار المرض…
بقى الهدف دلوقتي
تقليل احتمالية حدوثه أصلًا.
زي:
الوقاية من مرض السكر
الحد من دهون الكبد
وأمراض القلب
قبل ظهورها بسنوات.
⸻
7- التغذية النفسية
Nutritional Psychiatry
بقى فيه اهتمام متزايد بالعلاقة بين:
التغذية
الميكروبيوم
والصحة النفسية
خصوصًا:
الاكتئاب والقلق.
المجال لسه في بداياته..بس بيتطور…
ومن أكتر المجالات إثارة حاليًا.
⸻
8- التغذية حسب الأمراض
هايبقى فيه لكل مريض:
نظام أكثر تخصيصًا حسب:
الجينات
التحاليل
الأدوية
والميكروبيوم.
ومش مجرد:
“ورقة دايت موحدة للجميع...
حتى المصابين بنفس المرض..هايبقى لكل واحد منهم نظام مختلف"..
⸻
أكبر تغيير قادم…
هو انهيار فكرة الدايت السحري
و
“أفضل نظام غذائي للبشرية.”
لأن العلم يكتشف تدريجيًا:
أن البشر مختلفين جدًا في كل تفصيلة..
⸻
مستقبل التغذية الحقيقي
عمره ما هايكون
كيتو للجميع.
أو نباتي للجميع.
أو صيام للجميع.
لكن..
الأنسب للشخص ده تحديدًا؟
وفي الوقت ده تحديدًا؟
ولأي هدف تحديدًا؟
العلم الحقيقي بقى:
أكثر تعقيدًا…
وأكثر تخصيصًا…
___________________
ودي النتيجة المنطقية ل3 ثورات علمية حصلت في العقد الأخير..........
- اكتشاف الجينوم الكامل..وبقى سهل دلوقتي أي حد من حضراتكم يحلل ويعرف خريطته الجينية بالكامل..ايه الجينات اللي فيها عيوب؟ ايه الأمراض اللي ممكن تيجي له مستقبلاً..؟ جسمه بيتعامل ازاي مع الأدوية؟ جسمه بيتعامل ازاي مع كل نوع أكل؟
- اكتشاف الميكروبيوم...وبقى ممكن تعرف أنواع البكتيريا اللي موجودة بمئات الملايين في جهازك الهضمى وزي بصمتك..مش موجود نسخة مطابقة منها عند أي حد تاني.. وبتتحكم في الحساسية وأمراض المناعة وغيرها..
- الذكاء الصناعي..اللي ممكن تديه حرفياً ملايين المعلومات عن نفسك..وفي خلال دقايق يقدر يحللها وينصحك ببرنامج غذائي وعلاجي وأسلوب حياة خاص بيك انت تحديداً..وده مايقدرش بشر يعمله..
_______________________________________
اللي عارف المعلومات دي ومستوعبها بيبقى مستفز ومضحك بالنسبة له جداً...انه يسمع ان فيه دجال عامل نظام غذائي واحد بيدعي انه مفيد لكل البشر..وكمان بيشفيهم من كل الأمراض..
وييجي واحد من مستنقع الجهل والتخلف يجعر في وشك:
"انتم بتهاجموه علشان كشفكم وفضحكم..والناس خلاص فهمت..والسبوبة بتاعتكم باظت..وعياداتكم هاتقفل..." :) :) :)
وهو مش مدرك انه خارج العالم من الأساس..
