12/11/2022
لما بتيجي تعمل إعلان لأول مره بتبقا مش عارف إيه الخطوات اللي ممكن تمشي عليها علشان يبقا إعلان ناجح
ومفيش حاجه إسمها إن الاعلان عباره عن إنك تدخل علي Ad Manager وتحدد أي حاجه كده وخلاص وتقول أنا كده عملت إعلان.
كده أنت بتبقا ماشي غلط من الأول لأن الأعلان اللي بتعمله بيبقا فيه خطوات لازم تمشي عليها قبل تنفيذ الأعلان بشكل فعلي لأن الخطوات دي هيا اللي هتساعدك في إن إعلانك يبقا ناجح. 👌😎
فـ خلينا نبدأ مع بعض وأقولك إيه اهم 7 خطوات اللي تنفذها وأنت بتعمل حملة إعلانية : 😉
▫️1/دراسة الشريحة المستهدفة _ Target audience.
وهنا بتحدد الجمهور المستهدف بتاعك واللي هيكون مناسب مع الخدمة أو المنتج اللي هتقدمه.
▫️2/ تحديد أهداف الأعلان _ Ad objectives.
بتعرف في الخطوة دي إنت عايز إيه من الأعلان بتاعك، هل تحقيق مبيعات sales ولا زيادة الوعي للجمهور المستهدف awareness و بتعرف الجمهور علي الـ Brand..إلخ.
▫️3/ تحديدالميزانية المطلوبة _ Ad budget.
ودي بتتحدد عن طريق حاجات كتير زي نوع المنتج أو الخدمة اللي بتقدمها ودراسة وتحليل السوق اللي بتنافس فيه وحاجات تانيه.
▫️4/ استراتيجية الرسالة الإعلانيه _ Advertising message strategy.
وهنا بتحدد إيه الشكل اللي هيكون عليه الإعلان هل هيبقا صورة ولا فيديو وممكن يبقا carousel ولا slideshow.
وبتحدد فيها حاجه تانيه وهيا ال Ad copy.
▫️5/ تحديد الوسيط الإعلاني _ Advertising medium.
بتحدد إيه المنصة الإعلانية اللي هشتغل عليها هل هتبقا Facebook او Instagram او Tiktok ولا هنشتغل علي Google Ads.. إلخ.
▫️6/ تنفيذ الإعلان _ Making the Ad.
بتبدأ بقا تنفذ الإعلان الفعلي علي المنصة اللي حددتها ودي بتبقا مرحلة سهله لو إنت طبقت كل الخطوات اللي فاتت.
▫️7/ تقييم النتائج _ Campaign evaluation.
في المرحلة دي بتبدأ تقيم نتائج الأعلان بتاعتك والأعلان الحلو بتخليه والأعلان اللي نتايجة مش كويسه بتلغيه وده بيديك خبره لما تيجي تعمل إعلانات تانيه.
دي معظم الخطوات اللي بنمشي عليها واحنا بنعمل أي إعلان وشرحنا كل خطوة بإختصار علشان البوست ميبقاش طويل. 🤩
للمزيد تابعنا باستمرار وقولنا ايه أكثر حاجة فرقت معاك
to grow your 📈
