14/11/2022
قرأت حاجه مؤخراً .. إن في فتره من حياتك من بداية سن ال 14 سنه لحد بداية العشرينات، أي حاجه غلط أو أي عادة سيئة إنت بتعملها مش هيكون ليها أثر ظاهر عليك، سواء أكل غير صحي أو قلة نوم أو تدخين أو تعاطي مخدرات، بكل بساطة لإن جسمك بيتعامل في المرحلة دي زي البطل مع أي حاجه، بس المشكلة هنا إنك بتفكر إنك هتفضل كدا علاطول، تعمل الحجات دي ومش شايل هم لأي حاجه، بس بعد شوية كدا في منتصف العشرينات وأوائل التلاتينات، هتلاقيك إنك بتدفع ضريبه الحجات دي كلها، عشان كدا خدها قاعده عندك "مفيش حاجه بتعدي من غير حساب" ..
كل حاجه بتعملها لازم هتحاسب عليها بطريقة أو بأخري، خليك فاكر إن الشخص اللي إنت هتكونه كمان خمس سنين، إنت بتبنيه دلوقتي من خلال .. عاداتك الغذائية، نومك المنتظم، ممارستك للرياضة؛ عشان كدا .. إغتنم وقتك وصحتك من دلوقتي، لإن المتاح عشان إنت تعمله دلوقتي مش هيبقي متاح بعدين.
