MarooAi

08/08/2025

22/07/2025

22/07/2025

😂😂

22/07/2025

شير 👍🔥🔥 للتوعيه
ولكل واحد عنده شاب بسن المراهقه فى البيت
⏸️ لوشفت حد ماسك البتاعة دى إهرب من المكان فورا
لانك معرض تدخل في بداية مرحلة اخطر مخد__ر في تاريخ البشرية.

عزيزى القارئ ده بيحصل من اول مرة حتي لو بطريق الخطأ

ركز معايا كويس لإن اللي هقوله دلوقتي مش هزار… دي حاجة لو وصلت لأي حد في وقتها ممكن تنقذ حياة، ولو اتأخرت عليه، تبقى انت ضيعت عليه فرصة النجاة. الموضوع ببساطة عن أخطر مخد__ر في العالم، اللي حرفيًا بيحطك في قبرك وإنت عايش… اسمه الشا_بو.

آه والله، الشا_بو… اللي في ناس بتسميه الكريستال ميث، وفي ناس تقول عليه آيس، الزجاج، الثلج، الكريستالا، الزونجا… أسماء كتير بس النهاية دايمًا واحدة: خراب شامل.

المخد_ر ده معمول في المعمل، يعني مش طبيعي زيه زي الحش__يش مثلًا، لا، ده كيماوي تقيل وبيشتغل على الجهاز العصبي. أول ما يدخل الجسم، بيضرب المخ ضربة ما بترجعش، بيديك إحساس كداب إنك جامد وسعيد وسوبرمان… بس بعدها بتقع وقعـــة ملهاش آخر.

في شباب من أول جرعة دخلوا في هلاوس، شك، خوف، عنف، شكوا في أهاليهم وحبايبهم، في ناس جابت سك_ينة على أهلها وهي مش واعيه، في اللي بيفضل صاحي أيام، عينه طالعة ووشه نشف، واللي بيهرش في جلده لحد ما يجرّحه لإنه بيتهيأله إن فيه حشرات ماشية عليه… ده مش هزار، ده واقع.

في أبحاث اتعملت على تأثير الشابو، لقوا إن المخ بيتغير فعليًا، كأن أجزاء فيه بتتحرق ومبقتش تشتغل… والمصيبة إن حتى بعد ما يبطل، المخ مابيرجعش زي ما كان، بيبقى عايش بنُص مخ.

مفيش علاج سهل ليه، ولا في دوا بيريّح، ولا في بروتوكول ثابت… كل اللي عندك إنك تحاول تقعد في مكان نظيف، وسط ناس بتساعدك، وتحارب كل ثانية عشان ماترجعش، لأن الانتكاسة أسرع من تفكيرك.

الناس اللي جرّبته كانوا بيقولوا: "إحنا مشينا في طريق الموت برجليـنا"، واللي خرج منه بيقول "أنا مابقيتش نفس الشخص"، واللي مكمل، غالبًا في السجن، أو مات، أو بيته اتخرب.

المخد__ر ده بيخلّي صاحبه يخسر كل حاجة: صحته، أهله، شكله، دماغه، روحه… مفيش فايدة بتطلع من وراه، وكل لحظة بتعدي عليك بعيد عنه هي نعمة.

لو تعرف حد قرب له، ماينفعش تسكت… ماتخافش تزعل حد، إلحقه قبل ما يضيع.
ولو إنت في يوم من الأيام فكرت تجربه، افتكر إنك بتقف على حافة جهنم، وخطوة واحدة بتخليك تقع ومتعرفش تطلع تاني.

اللي شاف جحيم الشا__بو عمره ما بينساه… بس اللي بيفوّت التحذير، بيدفع تمنه بحياته.
شير فى الخير يمكن تنقذ حياة إنسان
منقول وشكرآ للكاتب 🤝
#لاللمخدرات #لاللإدمان
صندوق مكافحة وعلاج الإدمان

22/07/2025

برنامج روعه للمونتاج مجانى للموبايل وبدون اعلانات
بديل capcut
#مونتاج
شير لو عاوز البرنامج ابعتلى رساله

12/07/2025

12/07/2025