Seif Mahmoud - سيف محمود

Seif Mahmoud - سيف محمود Contact information, map and directions, contact form, opening hours, services, ratings, photos, videos and announcements from Seif Mahmoud - سيف محمود, Heliopolis.
(4)

سيف محمود إعلامي و صانع محتوى مصري يعمل في قناة إكسترا نيوز و يمتلك منصة ماركر وهي منصة مصرية وطنية تبث أول توك شو بكاميرا الموبايل في مصر، نقدم كل ما هو إيجابي، تحيا مصر.

23/05/2026

🔴 النهاية 👌👇

ياعم دا احنا نحط لكم صورة المعلم هــ"ــTــلـ"ــر🙋‍♂️كمان لو عايز ولا بيهمنا حد ☺️😂✅سيمنس تهدي مصر قطارًا سريعًا بشرط وضع...
23/05/2026

ياعم دا احنا نحط لكم صورة
المعلم هــ"ــTــلـ"ــر🙋‍♂️كمان لو عايز ولا بيهمنا حد ☺️😂

✅سيمنس تهدي مصر قطارًا سريعًا بشرط وضع علم ألمانيا بجانب علم مصر
شركة “سيمنس” الألمانية أهدت مصر قطارًا سريعًا
بشرط وضع العلم الألماني إلى جانب العلم المصري على القطار ليصبح
رمزًا للشراكة الضخمة بين القاهرة وبرلين في واحد من أكبر مشاريع النقل في العالم.

وهنا عايز أقول إن ألمانيا مش بتدينا الهدية دى لوجه الله .. لأ حضرتك
دى بتهديهالنا علشان إحنا دولة كبيرة أوى وألمانيا عارفة إن دخولها
السوق المصرى ده شرف ومكسب كبير ليها زي ماهو مكسب كبير جدا لينا كمصر
وعارفين كويس أوى إن مصر بوابة كبيرة لكل دول القارات الثلاثة أفريقيا وأوربا وأسيا

في ظل تنفيذ شبكة قطارات كهربائية سريعة تمتد لنحو 2000 كم
داخل مصر وهي الشبكة التي تصفها سيمنس بأنها أكبر مشروع
في تاريخ الشركة بمجال السكك الحديدية منذ تأسيسها قبل 175 عامًا.

✅مصر بتنفذ شبكة سكة حديد بطول 2000 كم تربط البحرين الأحمر والمتوسط

المشروع القومى العملاق الكبير ده
بينفذه شركة سيمنس مع أوراسكوم والمقاولون العرب
وبيتكون من 3 خطوط رئيسية بإجمالي يقارب 2000 كم.
الخط الأول يربط العين السخنة بالعلمين ثم الإسكندرية ومرسى مطروح
الخط الثاني من أكتوبر حتى أبو سمبل جنوبًا
الخط الثالث فيربط قنا بالغردقة وسفاجا على البحر الأحمر.

✅شركة سيمنس بتقول إن الشبكة هتربط نحو 60 مدينة مصرية وستكون قادرة
على تنفيذ قرابة 500 مليون رحلة سنويًا مع وصول الخدمة إلى نحو 90% من السكان.

✅العقد الموقع بين مصر وتحالف سيمنس يشمل:
41 قطارًا سريعًا من طراز Velaro و94 قطارًا إقليميًا من طراز Desiro
إضافة إلى 41 جرار بضائع كهربائي Vectron، بإجمالي 176 وحدة متحركة مختلفة.

✅القطارات السريعة دى هتشتغل بسرعات تشغيل تصل إلى 230 كم/س،
والشبكة نفسها تم تصميمها لاستيعاب سرعات تصل إلى 250 كم/س.
وهيتم إستخدامها فى نقل الركاب والبضائع معًا .. وده هيحقق نقلة كبيرة جدا
فى مجال النقل والمواصلات فى مصروهيقلل بشكل كبير الاعتماد على الشاحنات والنقل البري التقليدي.
يعنى بنتكلم فى توفير فرص عمل بالألاف وبنتكلم فى توفير وقود وبنتكلم فى تقليل فواتير الإستيراد للوقود ده
وبنتكلم فى توفير وقت ومجهود وسلسلة إمداد محلية ودولية سريعة وحديثة ومتطورة
وبنتكلم فى تقليل الإنبعاثات الكربونية والحفاظ على البيئة لأن الشبكة دى كلها هتشتغل بالكهرباء
وبنتكلم فى تقليل الضغط والحمل على الطرق وإطالة مدة صلاحيتها وتقليل الحوادث لاقدر الله

✅الرئيس التنفيذي لشركة سيمنس رولاند بوش
وصف المشروع خلال توقيع العقود بأنه “الأكبر في تاريخ الشركة”
بينما قال المستشار الألماني أولاف شولتز إن المشروع يمثل نقلة ضخمة
للعلاقات الاقتصادية بين مصر وألمانيا وسيساهم في تقليل
الانبعاثات الكربونية عبر استبدال ملايين الرحلات البرية بالقطارات الكهربائية.

وتبلغ حصة سيمنس وحدها في المشروع نحو 8.1 مليار يورو
ضمن اتفاقات إجمالية تتجاوز 20 مليار دولار للبنية الكاملة المرتبطة بالشبكة.

✅المشروع القومى العملاق ده بمثابة 👈 “قناة سويس على قضبان”
لأن المشروع ده ضمن خطة مصرية أكبر وأوسع لتحويل مصر
إلى مركز لوجستي وصناعي يربط البحر الأحمر بالمتوسط وربط الموانئ
بالمناطق الصناعية والمدن الجديدة مثل العاصمة الإدارية والعلمين ورأس الحكمة.

✅أخر حاجة بقى هل دى حاجة متفرحناش كمصريين ؟!
إن بلدنا تبقى فيها شبكة عالمية ومحترمة زي دى وزي مابنشوف برة فى ألمانيا وغيرها
وإن مشروع زي ده هيساهم فى توفير فرص عمل لألاف من المصريين بشكل مباشر وغير مباشر
وإننا نركب وسائل نقل محترمة وأدمية تليق بينا زي دى وزي المترو وزي المونوريل وغيرهم

✅هيجى حد يقول مش احنا عملنا مجمع مصانع نيرك
وبنصنع عندنا عربات السكة الحديد والمترو فى بورسعيد ليه بنستورد ؟!

أقولك أه عملنا أعظم مجمع صناعى لتصنيع عربات السكك الحديد والمترو
ومش بس كده عملنا كمان مصنع لتصنيع الفلنكات اللى كنا بنستوردها بملايين الدولارات
من الخارج لغاية قبل ماننشيء المصنع ده ونفتتحه ويدخل الخدمة من قريب جدا
وكل الفلنكات اللى بنستخدمها دلوقتى صناعة مصرية بأيادى مصرية 100 % 👌🇪🇬💪

إنما الصفقة دى صفقة قديمة ومتفقين عليها مع ألمانيا من كام سنة ضمن الخطة المستعجلة
ماهو مصر حضرتك شغالة على خطة عاجلة وقصيرة المدى وخطة متوسطة وطويلة المدى
واللى جاي كله هيكون تصنيع مصرى محلى بمعايير عالمية والبداية بمترو الإسكندرية بإذن الله

ودائـمــا وأبــدا تــحــيــا مــــصــر ودائــمـــا وأبـــدا عــمــار يــامـــصــر 🇪🇬🫡💪✌️
#ماركر 🇪🇬💪

22/05/2026

🔴 مصر و باكستان ! و إير.ان و أمر.يكا ! 👌👇

ياالله على الكرم والفضل والستر والرزق من ربنالمصر فى وقت مافى دول مش عارفة ولا قادرة توفر غازهافى ظل الصراعات والأحداث ا...
21/05/2026

ياالله على الكرم والفضل والستر والرزق من ربنا
لمصر فى وقت مافى دول مش عارفة ولا قادرة توفر غازها
فى ظل الصراعات والأحداث اللى فى الإقليم والعالم كله

كشف جديد في الصحراء الغربية
لصالح شركة عجيبة للبترول بتقديرات أولية للاحتياطيات
تبلغ 330 مليار قدم مكعبة من الغاز، و10 ملايين برميل
من المتكثفات البترولية والزيت الخام، بإجمالي 70 مليون برميل مكافئ

وزارة البترول قالت في بيان إن الاكتشاف هو الأكبر لشركة عجيبة في آخر 15 عامًا

جرى عبر البئر الاستكشافية “بستان جنوب 1X” في الصحراء الغربية،
والتي تبعد 10كم عن البنية التحتية الحالية ما يسرّع عمليات التنمية وربطه بالإنتاج

البئر عبارة عن عدة خزانات من الحجر الرملي والجيري، بصافي سمك إنتاجي
يبلغ 400 قدم، وهو ما يعكس أهمية الكشف من الناحية الاقتصادية والإنتاجية

الشركة هي مشروع مشترك بين شركة إيني الإيطالية وهيئة البترول المصرية

الكشف الكبير ده بيعزز وبيزود من قدرة مصر وإنتاجها من الغاز
وبيقربها أكتر وأكتر من تحقيق الإكتفاء الذاتى من جديد بإذن الله
وبيخليها تبقى مطمنة على حاضرها ومستقبلها ومتمدش إيديها لحد
وبيخليها توفر فرص عمل وبيخليها تشغل مصانعها ومحطات كهربتها وهي مطمنة
وبيخليها تقدر تتوسع أكتر فى توصيل الغاز للمنازل وتوفره لشعبها
وبيخليها تقلل من إستهلاكها وإستيرادها لأنابيب البوتاجاز وتوفر فواتيرها بالعملة الصعبة
وبيخليها تقول للمستثمرين فى العالم كله بقلب جامد تعالو إستثمرو فى مصر وإنتو مطمنين
وبيخليها تقطع ألسنة كل الخونة والجهلة اللى بيراهنو على سقوط مصر لاقدر الله

فاكرين الرئيس السيسي لما قال
إن إيد ربنا سبحانه وتعالى معاه ومع بلدنا فى كل اللى بيواجهه وبلدنا بتواجهه
وإن مفيش حد يعرف ولا يحس بالكلام ده إلا هو لأنه أكتر واحد
عارف كويس أوى البلد دى شافت إيه وواجهت إيه ونجت من كل اللى فات ده إزاي !!

أهو الإكتشافات الأخيرة واللى قدامنا ده أكبر دليل على كلامه والله
ماهو ده رزق وفضل ودعم من ربنا وربنا مش هيقف مع حد إلا إذا كان نيته خير
ورغم كل ده برضو فى ناس جاحدة وناكرة ومبتحمدش ومبتشكرش ربنا على فضله علينا

ودائـمــا وأبــدا تــحــيــا مــــصــر ودائــمـــا وأبـــدا عــمــار يــامـــصــر 🇪🇬🫡💪✌️
#ماركر 🇪🇬💪

شوفو بلدكم بتعمل إيه تحت شعار 🇪🇬💪مصنع النصر للسيارات اللى كان خلاص الكل إفتكرإنه مات وإنتهى خلاص رجع تانى للحياة وعادت...
20/05/2026

شوفو بلدكم بتعمل إيه
تحت شعار 🇪🇬💪

مصنع النصر للسيارات اللى كان خلاص الكل إفتكر
إنه مات وإنتهى خلاص رجع تانى للحياة وعادت شمسه الذهبى من تانى
وكله بفضل الله وبفضل الإرادة السياسية التنفيذية القوية للرئيس السيسي
وبفضل عقول وأيادى ولاد مصر اللى إشتغلو على إعادة الصرح العظيم ده للحياة من جديد

النهاردة تم الإحتفال بإنتاج السيارة رقم 1000 من مصنع النصر للسيارات.
ويقام المجمع الصناعي لشركة النصر للسيارات على مساحة 862.5 ألف متر مربع
بحجم استثمارات 3.5 مليار جنيه وتبلغ الطاقة الإنتاجية للمجمع 600 وحدة سنوياً
من الأتوبيس والمينى باص و20 ألف سيارة سنوياً،

ونسبة المكون المحلي 63.5% للأتوبيس السياحي،
و70% للمينى باص و45% لسيارات الركوب، والنسب دى هتزيد فى المستقبل
مجمع مصانع النصر للسيارات بيشتغل فيه 1600 عامل وعاملة بخلاف المهندسين والفنيين

ودائـمــا وأبــدا تــحــيــا مــــصــر ودائــمـــا وأبـــدا عــمــار يــامـــصــر 🇪🇬🫡💪✌️
#ماركر 🇪🇬💪

19/05/2026

👇👌👌

🇪🇬💪عامل حالة من الهياج والسعار عند شياطين البنا واللى مشغلينهم ومش مبطلين ترفيس من ساعة ماشافو اللى شافوه وسمعو اللى سم...
18/05/2026

🇪🇬💪

عامل حالة من الهياج والسعار عند شياطين البنا واللى مشغلينهم
ومش مبطلين ترفيس من ساعة ماشافو اللى شافوه وسمعو اللى سمعوه
طبعا ماهو مشروع عظيم زي ده بيضرب وبينسف كل مخططاتهم ضد مصر

ماهو لما المصريين يشوفو مشروع قومى عظيم زي ده بيتنفذ على أرض الواقع
ده هيعلى معنوياتهم ويخليهم يشتغلو وينتجو أكتر وأكتر وهيديهم أمل فى بكرة
هما بقى مش عايزينا نشتغل ولا نوصل لبكرة هما عايزينا نشوف بكرة ده كله سواد
وكله يأس وإحباط وكله تشكيك وكله فقدان ثقة فى نفسنا وفى بلدنا وفى قيادتنا ومؤسساتنا

وكمان المشاريع القومية اللى زي دى
بتضرب وبتنسف مصداقيتهم وبتخلى نسبة القطيع اللى ماشيين وراهم بتقل
وبتنضرب وبتخليهم يشكو فى نفسهم ويحاربو نفسهم ويقطعو ويخونو فى بعضهم

هما كانو ومازالو بيقولو لقطيعهم وبيبيعو لهم بيعة هو إحنا هناكل طرق وكبارى ؟!
هو احنا هناكل سكة حديد وقطارات ومونوريل ومترو وقطار كهربائى ونقل عام ؟!
هو إحنا هناكل مدن جديدة ؟! هو إحنا هناكل مش عارف إيه ! وشرحه فى كل المشاريع

فلما فجأة ينامو ويصحو يلاقو فى عظمة وملحمة مصرية زراعية بتحصل على الأرض
وليها علاقة بجد بالأكل والشرب وهناكل من زرعنا ومن أرضنا ومش هنمد إيدينا لحد
فلازم طبعا يتجننو ويتهبلو ويحاربو المشروع ويشككو فيه ويهاجموه بشكل هستيرى ومجنون
زي ماهو حاصل منهم دلوقتى وراكبهم ستين عفريت حرفيا والله على كل منصاتهم ومواقعهم وقنواتهم

مشروع مستقبل مصر ميكفهوش منشور ولا اتنين ولا عشرة علشان نتكلم عنه لأنه
مش بس مشروع زراعى دا مشروع زراعى وصناعى شامل متكامل وهينقل مصر لمكان أعظم
إفتحو الصور 👇وشوفو الملحمة اللى مصر بتعملها بإيد ولادها ولسة ماهو قادم أعظم وأعظم 👌

بنحول الصحراء لجنة خضراء ودائـــمــــا وأبــــدا تــــحـــيــــا مـــــصــــر 🇪🇬🫡💪✌️
#ماركر 🇪🇬💪

مشروعات كبيرة تخص الطاقة المتجددة جارى تنفيذها حالياوالشغل بيتم فيها على قدم وساق لتعزيز وزيادة قدرة مصر على توليد الكهر...
18/05/2026

مشروعات كبيرة تخص الطاقة المتجددة جارى تنفيذها حاليا
والشغل بيتم فيها على قدم وساق لتعزيز وزيادة قدرة مصر على توليد الكهرباء

🔴جارى حاليا تنفيذ المرحلة الثانية لمشروع
الطاقة الشمسية أوبليسك بنجع حمادي قدرة 500 ميجاوات

🔴جارى حاليا تنفيذ مشروع الطاقة الشمسية بمحافظة المنيا قدرة 1700 ميجاوات

🔴 جارى حاليا تنفيذ عدد من محطات
تخزين الطاقة بمحافظات المنيا الإسكندرية وقنا سعة 4000 ميجاوات

بنتكلم فى أرقام كبيرة مش قليلة .. علشان كده الرئيس السيسي إجتمع النهاردة
مع رئيس الوزراء ووزير الكهرباء ومستشار رئيس الجمهورية للشؤون المالية للمتابعة

ولتأكيد ضرورة الإسراع في تنفيذ المشروعات في مجال الطاقة الجديدة والمتجددة
وتذليل الصعوبات والتحديات ذات الصلةوتعظيم الاستفادة من الإمكانيات الطبيعية
اللي بتمتلكها مصر في مجالات الطاقة الشمسية وطاقة الرياح والتوسع المدروس في مشروعات
الطاقة الجديدة والمتجددة وخفض الاعتماد على الوقود التقليدي وخلق مزيج طاقة متوازن

ووجه الرئيس السيسي بتكثيف الجهود الحكومية لتعزيز فرص جذب الاستثمارات لقطاع
الطاقة بما يضمن تحقيق مستهدفات القطاع وتحقيق الاستفادة المثلى من دوره في جهود التنمية

🔴ومش بس كده فى كمان
مبادرة للتوسع فى إستخدام ألواح الطاقة الشمسية
على أسطح المنازل وهيتم إعفائها من أي شروط ومش المنازل بس

فى كمان مبادرة
بيتم التحضير ليها وبتستهدف توليد 1000 ميجا وات من إستغلال
أسطح المصانع ومستهدف منها فى المرحلة الأولى 7000 مصنع،
ودول بيمثلو تقريبا 10% من إجمالي قاعدة المصانع المعتمدة اللى فى مصر

🔴كل ده معناه إن مصر خلاص دخلت عصر الطاقة المتجددة بكل قوتها
وكانت البداية من مجمع بنبان للطاقة الشمسية فى أسوان
واحد من أكبر مشروعات محطات توليد الكهرباء بالطاقة الشمسية فى العالم

🔴كل ده معناه إن هيتم تقليل الإعتماد على الوقود فى توليد الطاقة
يعنى هنقلل فواتير الإستيراد من الخارج يعنى هنخلق فرص عمل أكتر
يعنى بنأمن إحتياجات مصر من الطاقة والكهرباء لسنوات قادمة
يعنى بنقلل الإنبعاثات فى الجو وبنحافظ على البيئة من العوادم ومخلفات الوقود

🔴 يعنى بنقول لأي مستثمر فى العالم تعالى إستثمر فى مصر بقلب جامد
البنية التحتية والفوقية وكل الطاقة اللازمة لإستثماراتك متوفرة وبزيادة ومش هتعطل

🔴يعنى مصر هتتحول لمركز إقليمى ودولى لتداول الطاقة وتصديرها وتوفير عملة صعبة

🔴 يعنى معركة التنمية مستمرة ومش هتقف ومش هتعطل أبدا بإذن الله لعقود قادمة

🔴يعنى زيادة معدلات السياحة وتوفير عملة صعبة .. ماهو لو مفيش كهرباء يبقى
مفيش سياحة ومفيش أي حاجة خالص لأن الكهرباء دى أكسجين الحياة والتنمية لأي دولة

أخر حاجة بقى للبهوات
اللى بيطلعو ياكلو دماغنا كالعادة ويقولو واحنا هنستفاد إيه ؟!

هتستفاد إن الكهرباء تفضل متاحة وموجودة ومتتسلقش فى نار الصيف

هتستفاد إنك لو عندك مشروع أيا إن كان ميقفش وميعطلش ويفضل شغال

هتستفاد إنك لو بتشتغل فى مكان ما تضمن بإذن الله إنك متفقدش شغلك
ومصدر رزقك وتقدر تعيش وتصرف على نفسك وعلى بيتك وأسرتك وأولادك

هتستفاد إن كل شوارع مصر تفضل منورة وتبقى أمن
ومطمن على نفسك وعلى أهلك وعلى ولادك وهما ماشيين فى الشارع

هتستفاد إن ميحصلش لاقدر الله جرائم زي الســ""ــرقة والقــ""ـتل
ولو لاقدر الله حصل نقدر نجيب المجرم من قفاه وبلبسه ونحاسبه ونعاقبه على جريمته

هتستفاد إن الواي فاي عندك ميتقطعش وتفضل تقرف فينا كده بدونيتك ليل ونهار 🤨

ودائـــمــــا وأبــــدا تــــحـــيــــا مـــــصــــر 🇪🇬🫡💪✌️
#ماركر 🇪🇬💪

Address

Heliopolis

Website

Alerts

Be the first to know and let us send you an email when Seif Mahmoud - سيف محمود posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Seif Mahmoud - سيف محمود:

Shortcuts

Share