08/04/2024
عميل بيسألني عن تكلفة اعلان
انا قولتله 100 دولار
قال ليييييييييييه غالي قوي
ف سألته حضرتك تفتكر يتكلف كام؟
ف قالي يعني ب الكتير 20 دولار دا سهل
قولتله تمام حضرتك تقدر تعمله ب 20؟
قالي بس انا مش بعرف اعمله!
قولتله مش مشكلة انا ممكن اعلمك تعمله ازاي مقابل 20 ج هاتوفر 80 وكمان هاتبقي اتعلمت تعمله ازاي المرة الجاية
وافق فعلاً ف قولتله جهز بقي لابتوب امكانياته عالية و كام برنامج
ف رد انه مش عنده كمبيوتر او برامج ومش ممكن هايشتري عشان شغلانة واحده
فعرضت اني اأجرله جهازي مقابل 20 دولار
ووافق الصراحة
ف قولتله حلو قوي مستنيك يوم التلات نشتغل بش للأسف رد عليا انه مشغول جداً ومش هاينفع يسيب شغله ويجي التلات هو كان فاضي النهاردة بس
ف قولتله اسف لاني مش متاح غير التلات عشان اعلمه و اأجرله الكمبيوتر ف اضطر يعمل اجازة من الشغل ويسيب مصالحة عشان اعلمه ازاي يعمل الاعلان بتاعه ودا كلفه خصم يوم للأسف
ولما قالي هنتقابل امتي قولتله مستنيك الساعة 8 الصبح نبدأ ان شاء الله
هنا اعترض خالص لانه متعود ينام ويصحى براحته
ولاقيته فجأه بيقولي خلاص يا هندسة انا فهمت انت بتعمل ايه الرسالة وصلت
خد ال 100 دولار انا كدا كدا حتي لو اتعلمت مش هاطلع الاعلان زيك من اول مره
قولتله الله ينور عليك خليك دايماً فاكر انك مش بتدفع تمن المنتج او سلعة
انت بتدفع للي ورا النتيجة النهائية دي:
تعليم
خبرة
دراسة
ادوات
وقت
مجهود
التزام بالمواعيد
امان
احترافية
