07/07/2022
ركز معايا عشان تعرف إزاى تتفوق على أى منافس ليك :D ... دلوقتى لو الكيان بتاعك عبارة عن (س) والمنافس له كيان عبارة عن (ص) ... لو إنت بتجرى والمنافس بتاعك بيجرى ... إنت لسه بتبدأ وهو خلاص قرب يوصل المريخ ... أنت لو جيت تجرى زيه على ماتوصل كوكب المريخ يكون هو خلاص سجل المجموعة الشمسية لحسابه وقالك "أهلا وسهلا بيك معانا فى كوكب المريخ لكن لازم تدفع تذكرة دخول عشان أسمحلك تدخل على الكوكب بتاعى لان انا هنا بقالى اكثر من 25 سنة وبحكم وضع اليد الكوكب بقى بتاعى" ... قبل ما تقول "لا" هتلاقى نفسك محاصر بـ 5000 روبوت اول اما تشوفهم هتبتسم ودى هتعتبر موافقة منك ... لانك وانت بتفكر تطلع المريخ كان المنافس بتاعك بيفكر ازاى هيستقبلك ومش بس كده ده بيفكر ازاى يرحب بيك فى العالم بتاعه ... وقتها هتكون انت صرفت معظم فلوسك عشان توصل للكوكب والفلوس الى فاضلة معاك مش هتكفيك كثير على كوكب المريخ ... هتفكر ترجع مش هتلاقى معاك فلوس كفاية فتحاول تحوش المبلغ والحياة على المريخ غالية جدا مش هتقدر وهتلاقى الروبوت عايش فى مستوى اعلى بكثير منك "ماتقولش ها ... هى وصلت هى كمان لكوكب المريخ قبلك وبتقوم بدور اهم من دورك على الكوكب او على الاقل اصحاب الكوكب واثقين فى الروبوت لان معندوش طموح لكن طبعا مش واثقين فيك لانك اصلا منافس" ... طيب وبعدين ايه الحل ؟ ... الحل انك ماتفكرش كده خالص ... لان دى خطة المنافس ليك وهى انك "تجرى وراه لحد اما يتقطع نفسك" ... انت محتاج خطة تانية قائمة على مبدأ واحد وهى "ان المنافس ماشى ورا فكرة اقل بكثير من فكرتك ... انت مش عايز تروح كوكب المريخ ... ولا بتفكر فى المجموعة الشمسية ... انت حلمك ابعد من كده وهتوصله قبل المنافس وهتستناه هناك وهو جايلك من كوكب المريخ بس طبعا اول اما يوصلك تكون انت مجهزله ... لا مش 5000 روبوت ... انت هتعمل كائن واحد بس غير مرئى يستقبله ويقدر يتحكم فيه وفى كل الروبوتس الى معاه " ... يعنى ايه الكلام ده ؟ ... يعنى انت عايز "هدف ابعد واهم من هدف المنافس" و "عايز ادوات افضل من ادوات المنافس" و "عايز لحظة زمنية فى المستقبل ابعد من وضع المنافس وتقدر انت توصلها من مكانك دلوقتى اسرع من المنافس الى هيكون فى مكان تانى على ما انت توصل" 😍😍😍😍
