25/10/2022
ـ حضرتك هتدفع غرامة 1% لو تأخرت في دفع فواتير إعلانات فيس بوك أو إنستاجرام أو أي منتج من منتجات شركة ميتا ، و كمان ممكن شركة ميتا تعمل دعوى قضائية ضدك و تلزمك بدفع مصاريف الدعوى .. علشان كده فيس بوك بينصح إنك تودع رصيد مسبق في حسابك الإعلاني.
ـ القرار هيدخل حيز التنفيذ بداية من أول يناير 2023.
ـ فيس بوك بيقول كمان إنه مش بيضمن عدد الناس اللي هيوصل لهم إعلانك الممول أو عدد المشاهدات على فيديوهاتك ، مجرد هيقول لك أرقام تقريبية.
ـ لو قررت تلغي إعلان ممول إنت عملته .. الإعلان ممكن يفضل شغال 24 ساعة من وقت إلغاءك ، و طبعاً حضرتك هتدفع التكاليف لحد ما الإعلان يقف بالفعل.
ـ من وقت للتاني .. فيس بوك بيعمل تطوير و تحسين لمستوى خدمة الإعلانات ، و ده ممكن يؤثر بالسلب على إعلاناتك .. فيس بوك بيقول معلش إستحمل معانا ، لإنه بيعمل كده علشان مصلحتك.
ـ فيس بوك بيشدد على إن إعلاناتك تكون متوافقة مع سياسات فيس بوك الإعلانية ، و إلا هتعرض نفسك لرفض الإعلان أو ربما حظر حسابك الإعلاني للأبد.
رابط الموقع الرسمي للتحديثات الأخيرة هنا:
https://www.facebook.com/legal/self_service_ads_terms
ـ
