https://www.linkedin.com/in/%D9%85%D8%B1%D9%8A%D9%85-%D8%AC%D9%85%D8%A7%D9%84-3a72b2246

MrymGamal, المنصوره, Mit Ghamr (2026)

02/11/2023

السلام عليكم ورحمه الله بركاته
هلا من جديد 😂😂
ان شاء الله الفيد يبقى خفيف على قلوبكم 🙈🤎

13/10/2023

السلام عليكم ورحمه الله وبركاته ✨
ف الفديو ظا هنتكلم عن تعريف ال front_end واى الحاجات اللى هتعلمها ف التراك دا وهنتكلم عن
html
css
js
مش تنسو تدعو لاخواتنا ف غزه والقدس🦋

04/10/2023

السلام عليكم ورحمه الله وبركاته ✨
انهارده معادنا مع الفديو التالت من سلسله الاقسام ومعادنا مع قسم IS
وهتكون معانا بشمهندسه Esraa Elgdawy 🦋🤎
حاجه مهمه وهى ان كل الاقسام اللى اتكلمنا فيها فهىpart1فقط🫡
وباذن الله الفتره الجايه هنزل باقى الاجزاء الخاصه بكل قسم وهتكون ملمه لافكار اكتر زى فرص الشغل والمجالات الخاصه بكل قسم 🔥🔥
فكونو متحمسين🙈

03/10/2023

السلام عليكم ورحمه الله وبركاته ✨
دا الفديو اللى انا شخصيا مستنياه 🤗
قسم ال cs.
شكرا بشمهندس كريم خالد على الفديو الدسم بالمعلومات دا حقيقى ✨🤎
Khaled

01/10/2023

السلام عليكم ورحمه الله وبركاته✨
الفتره الجايه ف سلسه فديوز عن الاقسام بما اننا ف فتره التخصص وانهارده اول فديو وهيكون عن قسم ITالفديو بسيط علشان الوقت بس هيكون معانا
بشمهندس Hossam Yosri🔥
هيرد عليكم لو حد عنده اى سؤال بخصوص القسم.
واسيبكم مع الفديو ومستنيه رايكم🤗🙈

24/09/2023

صباح الخير انهارده معادنا مع الفرق بين
web designer
web developer
وكمان ف الفديو هتلاقى الفرق بين ال
front end
back end
ولكن كلامنا عنهم وبالاخص الfrontلسه مخلصش🤗 هنتكلم عنه الفتره الجايه كتير اوى ولكن دى نبذه عنه🙈
ان شاء الله الفيد يعجبكم ومتنسوش الsupport 🥰

18/09/2023

انهارده معادنا مع تعريف ال
IP address
DNS
Browser
ان شاء الله الفيد يعجبكم وتستفادو🥰

16/09/2023

السلام عليكم ورحمه الله وبركاته✨🤎

قبل ماتقراا روح اسمع الفديو وجاوب على السؤال اللى ف الاخر روووح يلا شيفااااااك ها🫡🫡

المره السابقه قولنا قبل ماندخل ف عالم الويب هنسال نفسنا سؤالين🤔
1-يعنى اى ويب؟ ودا اتكلمنا عليه المره السابقه🫡
2- ازاى الويب دا بيشتغل؟ ودا بقى هيبقى موضوع كلامنا النهارده يلا نبدا 🤗
علشان نعرف الموضوع دا ازاى بيتم لازم نقسمه لكذا point
مهميننننننن جداااااا🔥🔥🔥🔥🔥🔥🔥🔥

اول point (ما هو الانترنت )
:-هو عباره عن شبكه كبيره جدا بتربط بين الdata centers(هنرجع ليها بعدين🧐)الموجوده حول العالم وبين المستخدم (جهاز الكمبيوتر او لابتوب).

***
طب سؤال معلش هو مين الجهه اللى بتنظم العمليات دى 🤔؟؟

مافيش جهه بتملك الانترنت🙂 ااه والله زى ماانت سمعت كدا ودا لان الانترنت قايم على فكره (عدم المركزيه).

لا لالا 😞طب فهمنى اكتر هو الانترنت دا بيتكون من اى يعنى؟
طيب بص اول حاجه بيتكون منها وهى ال:-

data centers

ودى عباره عن اجهزه كمبيوتر عملاقه جدا جدا بامكانيات عاليه اوى علشان تقدر تستحمل الحراره العاليه وكمان تشيل البيانات بتاعتى(بتشيل مواقع وتطبيقات وملفات )

2-العمود الفقري للانترنت (الكبلات)

بيكون من الفايبر او الالياف الضوئيه ودى اللى بتوصل الدنيا كلها ببعضها وبتكون اما تحت الارض او ف المحيطات

وبتكون متغلفه بطرق محكمه جدا علشات تحميها من عوامل البيئه لان زى ماقولنا بتكون تحت الارض او المحيطات والكبلات دى بتنقل البيانات بسرعه ومنغير مشاكل🫡.
3-مزود الانترنت (ISP)هو اختصار لinternet service provider

دى بقى الشركات اللى بتوزع الانترنت علىنا وبتختلف من بلد لاخرى طيب عاوز مثال
***************""*************
طيب شركه we مثلا احنا عاوزين ندخل للبيت بتاعنا نت فبنروح للشركه ونطلب منها اننا ناخد منها سلك نوصله ف الراوتر وكدا بقى عندنا نت فاصبحت شركه we دى بالنسبه لينا ISP لانها هى اللى بتمدنا بالنت وهكذا باقى شركات الاتصالات.

طب تمام ى بشمهندسه انا عرفت دلوقت يعنى اى انترنت وقصه حياته
انا بقى عنى سؤال اهم ودايما نفسى اعرفه انا دلوقت فتحت اللاب بتاعى وعاوزه اعمل سيرش عن كليه الحاسبات والمعلومات جامعه الزقازيق مثلا فاانا عاوز اعرف الرحله والقصه اللى حصلت من اول ماكتبت الموضوع اللى عاوزه ابحث عنه لحد مانتيجه البحث ظهرت ليا على الscreen🤔🤔 .

طيب ناخد الموضوع واحده واحده اول حاجه لازم اكون
عارف ان اى حاجه انا المفروض ببحث عنها فهى متخزنه ف سيرفرات كبيره جدا يعنى مثلا جوجل وامازون وغيرهم

ليهم السيرفرات الخاصه بيهم وف شريكات صغيره بتروح تاجر منهم مكان ف السيرفرات بتاعتهم دى علشات تخزن المعلومات والداتا بتاعتهم يبقى دلوقت عرفت المكان اللى الحاجه اللى انا عاوزه موجوده فيه

طيب انا دلوقت روحت فتحت اللاب وفتحت ال browser وجيب ف محرك البحث اكتب ال topic اللى انا عاوزه اسيرش عنه كلنا لينا رقم قومى صح؟🧐

ايوا وهكذا اى ويب سايت لازم يكون ليه رقم قومى ودا

اسمه(IP address)****

ودا بيكون عباره عن مجموعه من الارقارم المرتبه بطريقه ما ولى ارقام ؟

لان زى مااحنا عارفين ان الكمبيوتر مش بيفهم غير لغه الارقام .
ى ربى يعنى انا علشان ابحث عن حاجه لازم اعرف واحفط الip بتاعها اللى كله ارقام دا ؟😞
لا طبعا العقل البشري مش بيقدر يستوعب كل الارقام دى

علشان كدا ظهر حاجه سهلت الدنيا وترجمت الكلام اللى

حضرتك هتكتبه سواء كتبته بالعربى صينى انجلش اى حاجه هى هتاخده وترجمه للغه اللى الكمبيوتر هيفهمها طب اسمها اى ؟

DNS(Domain name system)
باختصار هو عباره عن
جدول فيه الحاجه اللى هبحث عنها بلغه الانسان زى مثلا هبحث عن فيسبوك فهيكون ف الجدول اسم فيسبوك وقدامه الip بتاعه باللغه اللى الكمبيوتر بيفهمها

وبسسسسسسسسسس كدا 🫡🫡🫡

وبعد ماحضرتك تضغط enter الbrowser هيبعت

request لل server
اللى متخزن فيه الداتا بعد كدا

الserver بيبعت HTTP Response بالشى اللى حضرتك طلبته وبعدين ال browser يعرضه لحضرتك على اللسكرين بتاعتك وبس كدا هى دى الرحله كلها .

بتمنى يكون الشرح سلس وبسيط ووصل ليكم كلكمم

مستنيه الfeedbackبتاعه كل واحد قرا وفهم

الtopicبتاعه اليوم بالتوفيق 🤎✨

بشمهندسه: مريم جمال ✨

14/09/2023

السلام عليكم ورحمه الله وبركاته ✨

طيب ف البدايه كدا قبل ماندخل ف عالم الFront End لازم نرد على كام سؤال ف دماغنا
هو اى اصلا الويب دا !!!!🫡
وبيشتغل ازاى؟ 🤔
ناخد اول سؤال ونتكلم عنه اى هو الويببببب؟

:لو هنعرف الويب بالمعنى البرمجى الموجود ف الكتب فهو مجموعه من الصفحات المرتبطه معا الصفحات دى فيها بيانات ومعلومات متوصله مع بعضها بطريقه معينه

والصفحات دى مكتوبه ومتنسقه بواسطه 3لغات وهما HTML,CSS,JS
ودول الحجر الاساسى ف بناء اى ويب سايت

طب اصلا الصفحات دى متخزنه فين؟🙂

بتتخزن ف حاجه اسمها الSERVER وبتتعرض لينا عن طريق حاجه هنشرحها المره الجايه اسمها مهمه اوى 🔥وهى الBrowser🔥

وبتوصل لينا عن طريق الانترنت بسسسس كدا دى كل الحكايه 🫡.
طب انا مش فاهم عاوز مثال بالبلدى كدا بعيدا عن الكلام الكتير دا 🙂..............!

طيب بص ي بشمهندس الويب سايت بتاعك دا عباره عن كتاب وكل صفحه من صفحات الويب سايت عباره عن صفحه من صفح الكتاب بيخدمو حاجه واحده وهى الcontent بتاع الكتاب بتاعك تمام كداا؟؟؟؟؟؟؟؟؟؟ تمام

تعال بقى اقولك الخلاصه بتاعه مكونات اى ويب سايت ف الدنيااا يلاااا؟

انا دلوقت عاوزه اعمل ويب سايت لنفسى احط فيه شغلى والexperienc اللى عندى طب اى هى الحاجات اللى للازم اعرفها واخد بالى منها وانا بخطط لبناء الموقع بتاعى 🤔

اولا Domain name(وهو اسم موقع الويب سايت على الانترنت) مش فاهم صح🤔؟

طب تعال نقول مثال :--
كلنا لينا اسماء يعنى انا اسمى مريم 🤗وهكذا اى موقع لازم يبقى ليه اسم فريد بيه بيميزه عن باقى المواقى (وعلى فكره دا مش شى تافه انت لازم تختار اسم للموقع بتاعك بذكاء علشان دا بيسهل الوصول ليه والناس تشوفه اكتر فبلاش تستسهل)وبسسسسسس كدا 🤗

ثانيا Web hosting (الاستضافه )

:-الحمدلله ربنا انعم على كل واحد فينا بمنزل ساكن فيه برضو هنا نفس الكلام انا دلوقت عملت الويب سايت بتاعى عاوزه اطلعه للنور الناس تشوفه انا مش عملاه لنفسى بس ولا اى😞
فبروح احجز ليه مكان على الانترنت يبقى بتاع الموقع بتاعى والمكان دا اسمه الاستضافه وبسسسس كدا سهل ؟اكيد سهل 🥰🥰

ثالثا واخيرا ودى اهم شى بالنسبه ليا وهى مرحله ال Web
design

حضرتك دلوقت لقيت اسم مناسب للموقع بتاعك وروحت حجزت مكان ليه طب هو اصلا فين الموقع ؟وهو اى الموقع دا؟ اى تصميمه؟ عباره عن اى ؟

كل دا بيبقى ف مرجله الweb design وهى مرحله مسؤله عن برمجه وتطوير وتصميم الموقع بتاع حضرتك🥰 .
بتمنى اكون قدرت اوصل ليكم المعلومات الخاصه بجزء انهارده بطريقه سهله ولذيذه💕

وان شاء الله البوست القادم هنتعلم ازاى الويب دا بيشتغل اصلا بالتوفيق جميعا.

بشمهندسه:مريم جمال🤎

14/09/2023

السلام عليكم ورحمه الله وبركاته .
انا مريم جمال Front End Developer ان شاء الله هنتعلم مع بعض اساسيات الويب وخاصه القسم الخاص بfront endهدفى هو توصيل المعلومه بطريقه سهله ومساعده زملائى ف دراسه هذا المجال .

MrymGamal

02/11/2023

13/10/2023

04/10/2023

03/10/2023

01/10/2023

24/09/2023

18/09/2023

16/09/2023

14/09/2023

14/09/2023

Address

Website

Alerts

Contact The Business

Shortcuts

Share

Category