House of Digital - HOD (2026)

05/06/2020

ايه رايكم في التحديث الجديد للفيسبوك ؟

14/05/2020

الأزمة المرة دي غير اي أزمة مرت علينا! ومحتاجه عقول وفكر مختلف!

- بس في سؤالين أبسط من بعض قادرين يخلوك تعدي الأزمة من غير خساير.

1- ياتري الناس محتاجة المنتج أو الخدمة اللي بتقدمها الفترة دي؟

لو سألت نفسك السؤال دا هتكون قدام اجابة واحدة من اتنين اما انهم فعلا محتاجين اللي بتقدمه من خلال البيزنس بتاعك أو أن البيزنس بتاعك محتاج يتطور عشان يقدم خدمة مختلفة للعملاء بتوعك في فترة الحالية.

2- ازاي هتوصل الخدمة دي للعملاء أو بصيغة تانية ازاي توصل للعملاء بتوعك؟

وهنا هتلاقي ان البيزنس بتاعك محتاج خطة تسويقية مختلفة عن اي وقت فات معتمده أكتر على الأونلاين، ودا لان الحظر وتواجد الناس لعدد ساعات أكبر في البيت خلي الترافيك أونلاين أضعاف الشهور اللي فاتت وبقى عندك فرصة توصل للعملاء بتوعك بشكل أكبر وتزود مبيعاتك من خلال التسويق أونلاين.

بعد السؤالين دول هيكون باقي خطوة واحدة بس بينك وبين انك تحقق أرباح تكاد تكون زي الأول وأكتر، الخطوة دي هي الخطة التسويقية اللي هتشتغل بيها أونلاين، ولازم تكون خطة مدروسة كل جنية هيتصرف فيها يكون "صياد" ويرجعلك قدامه جنية أو أكتر.

اكتبولنا في الكومنتات الأزمة اثرت ازاي على شغلكوا وهنتناقش معاكوا في مجموعة حلول نتمنى تساعدنا نعدي الازمة بأقل خساير.

29/08/2019

- الريتش قليل ليه ؟!
كل الناس بتشتكي ان الريتش واقع في صفحات الفيسبوك.. ودا طبعا مأثر على شركات كتير.

*قبل ما نكمل البوست ماتنساش تعمل منشن لأصحابك عشان أكبر عدد يستفيد* 👌👌

تعالوا بقي نفكر خطوة خطوة مع بعض لحد ما نوصل لـ الحل..

- في البداية هو ممكن حد يشوف البوست على صفحتك وهو مش عامل لايك للصفحة؟ 🤔
= اه طبعا ممكن لما واحد من أصدقاءه يعمل شير للبوست أو أن واحد من أصدقاءه القريبين يعمل كومنت على البوست وهنا الفيسبوك بيطلع البوست في التايم لاين عنده على ان فلان الفلاني عمل كومنت هنا.

- عشان تدير صفحة بشكل مظبوط لازم تكون عارف أن عدد مستحدمي الفيسبوك في مصر حوالي 35 مليون مستخدم.

يعني من الآخر في 35 مليون شخص كلنا بنلعب معاهم يوميا باختلاف تقسيمتهم.

متخيل بقى معايا في كام صفحة على الفيسبوك حاليا بتقدم نفس المحتوى اللي انت عايز توصله للعدد دا؟ متخيل في كام شركة بتقدم نفس الخدمات بتاعتك؟

يعني مثال بسيط.. لو انت دكتور عنده صفحة للعيادة مثلا.. أنت متخيل في كام دكتور في مصر عامل صفحة شبة بتاعتك بالظبط؟

وهنا هيجي السؤال الأهم.. الناس هتفضل متابعة الصفحة بتاعتك أنت ليه بعيدا عن كل الصفحات دي؟
او سألت نفسك السؤال دا تبقي وصلت لحل نص المشكلة..

والنص التاني هو ببساطة في كلمة واحدة بس وهي ال NEED بتاع اليوزر اللي انت بتستهدفه أيه؟

الناس دي محتاجه تشوف أية عندك عشان تفضل تتابع كل الحاجات اللي بتنزلها.. وتبقى loyalty user للبيزنس بتاعك وبكده هتقدر تحافظ على وجود الفانز بتوعك طول العمر مهما حصل تحديثات ف الفيسبوك لان باختصار انت بتقدم حاجه هو محتاجها مش موجوده عند كتير زيك.

ودا طبعا دور المسئول عن محتوى الصفحة أو لو شركة زي EgySocial هي المسئولة.. اية الخطة المحطوطه للمحتوى عندك؟ ايه الجدول اللي معمول بالمحتوى بتاعك.. ايه هينزل أمتى وهدفه ايه؟
ودا اللي بيميز شركة عن شركة أو مسئول تسويق عن أي حد تاني.

وبمناسبة الكلمتين الحلوين دول لو شايف أن صفحتنا بتقدم فعلا المحتوى اللي انت محتاجه ممكن تعملنا See First عشان لسة عندنا حاجات كتير هنتكلم فيها مع بعض :D

في حاجة أخيرة لازم نقولها مش معنى الكلام دا انك تنسى الاعلانات وتقول انا كده تمام قوي مش هعمل اعلانات تاني.. لا طبعا أعمل اعلانات بس في الوقت الصح وعلى المحتوى الصح اللي يزود نسبة تفاعل الناس معاك ويخلي ناس أكتر تعرف ان عندك الـ NEED بتاعهم.

*لو وصلت لآخر البوست هنا فأنت فعلا واحد بيحب شغله وعايز تطوره وليك مكافأة عندنا.. حط لينك صفحتك في كومنت وهنختار بشكل عشوائي 5 صفحات هنبعت لاصحابهم نصائح مجانا لمدة شهر*

في أخر البوست حابين نقولكوا ان في حاجه مهمة اسمها Facebook Algorithm هي اللي بتنظم العملية دي كلها هنتكلم عنها بالتفصيل البوست الجاي..
ماتنسوش تعملوا See First للبيدج بقى عشان تبقي أول حد يشوف البوست الجاي 👌👌

27/08/2019

بوست جديد قريبا عن Reach صفحات الفيسبوك 👌
ليه نسبة وصول البوستس بقت قليلة قوي كده وأزاي نحل المشكلة دي 🤔

تابعونا 😍

23/08/2019

وقت الخسارة خلاص خلص ودلوقتي جه وقت زيادة أرباحك وبأقلل الاسعار.. فقط مع EgySocial 🤗🤗

👈 شركات كتير في السوق بتشتغل في التسويق بس كلهم بيفكروا ازاي يكسبوا منك قبل اي استفادة ليك واسعارها دائما غالية :(

بس احنا دائما بنفكر ازاي تكسب وشركتك وشغلك يكبر وتحقق الأرباح اللي بتحلم بيها.. وبأقلل الاسعار 😍 أيوة بأقلل الأسعار 😍😍

في EgySocial بنشتعل بعد أهم حاجة في التسويق وهي دراسة السوق بتاعك وتحليل المنافسين عشان نخليك دائما داخل المنافسة بقوة وأول واحد بيجي في دماغ العميل لما بيحتاج الخدمة اللي بتقدمها.

خدماتنا:
١- تصميم هوية كاملة لشركتك Brand identity "لوجو - كروت - ظرف - أسطوانه - ليدر هيد .. وباقي المطبوعات بسعر مميز جدا".
٢- تصميم موقعك وتهيئته للظهور في محركات البحث عن طريق ال Seo.
٣- إدارة اعلاناتك على جوجل Google Ads اللي بتخليك تظهر دائما في أول نتائج البحث.
٤- إنشاء صفحتك على مواقع التواصل الاجتماعي social network بشكل احترافي وتصميمات مميزة.
٥- إدارة صفحاتك بمحتوى قوي على مدار الشهر Monthly moderation.
٦- إدارة أعلاناتك على الفيسبوك وتويتر وانستجرام واليوتيوب.
٧- إنشاء وتصميم وإدارة قناتك على اليوتيوب.
٨- إعداد وتنفيذ محتوى فيديوهات لقناتك على اليوتيوب بشكل مميز يزود أرباحك.
٩- تصوير منتجاتك وتنفيذ اي فوتوسيشن لشركتك بسعر مميز.
١٠- تنفيذ فيديوهات موسم للبيزنس بتاعك بشكل جذاب يشد العملاء لشركتك.

⛔ ولأننا دائما بنفكر فيك عندنا خصومات وعروض تصل إلى ٥٠٪ لان هدفنا الأول هو نجاحك ⁦❤️⁩

للإستفسار:
🤳 كلمنا على الواتس اب على رقم : 01090616179
أو سبلنا كومنت على البوست دا وهنتواصل معاك فورا 🏃🏃

16/08/2019

بعد إجازة العيد الطويلة والرجوع للشغل.. تحبوا البوست الجاي نتكلم عن أية؟

10/08/2019

في يوم عرفة.. اللهم لاترد لنا فيه دعوة ولا بخاطر إلا جبرته.. حَقِق لنا ما صبرنا لأجله في ساعات هذا اليوم ❤

فريق EgySocial يهنئ الشعب المصري بعيد الأضحى المبارك ⁦❤️⁩ كل عام وأنتم بخير.

09/08/2019

الدحيح من البرامج اللي محققه نجاح كبير على اليوتيوب وكل حلقاته تقريبا بتكون تريند في نفس يوم العرض.. حلقته الأخيرة كانت بعنوان "حلقة مدفوعة الأجر".. الحلقة بشكل عام اتكلمت عن ميزانيات الاعلانات وهل هي نعمة أم نقمة؟

في EgySocial حابين نسمع اجاباتكوا على سؤال الحلقة:

هل فعلا شايفين الاعلانات تستحق الميزانية اللي بتتصرف عليها ولا لا؟

03/08/2019

اليوتيوبر المشهور أحمد حسن صاحب قناة Ahmed Hassan Vlogs على اليوتيوب.. بعد هجوم كتير من المشاهدين ظهور بنته في الفيديوهات رد أمبارح أنه شخص ناجح وبيكسب شهريا ٣٠ ألف دولار من القناة بتاعته شهريا يعني ما يعادل نص مليون جنية مصري تقريبا!

والسؤال هنا بعيدا طبعا عن شخصية أحمد حسن اللي احنا مش كاتبين البوست دا عشان نشكر أو نشتم في المحتوى بتاعه لآن دا مش موضوعنا.. احنا هنا عشان نتكلم عن ازاي هو بيحقق الارباح دي من اليوتيوب!

في الأول مين اللي بيفتح اليوتيوب؟!
- اليوزر على اليوتيوب نوعين؛ نوع بيقدم محتوى في شكل فيديوهات بأنواعه المختلفه سواء كوميدي أو رياضه أو أفلام أو مسلسلات أو برامج ونوع بيعلن عن منتج أو شركة أو ابلكيشن أو موقع او جمعية خيرية... ألخ.

الاتنين دول بيتجمعوا في ٢ سيستم.. واحد منهم أسمه "جوجل أدسنس" والتاني أسمه "جوجل ادز".. هنشرح الاتنين بشكل أكبر في بوست خاص بكل سيستم فيهم بس هنقول اللي يخص موضوع النهارده في خطوات بسيطة:

١- لو عندي محتوى بيجيب مشاهدات عالية بروح اقول لجوجل أدسنس المحتوي بتاعي بيجيب مشاهدات عالية وممكن تظهر عليه اعلانات.
٢- من الناحية التانية اللي عنده منتج عايز يعمله إعلان بيروح لجوجل أدز يقوله عايز الناس تشوف الإعلان بتاعي.
٤- ياخد جوجل ادز الإعلان دا يظهره على المحتوى اللي بيجيب مشاهدات عالية اللي مشترك في جوجل أدسنس وصاحب المنتج بيدفع تمن الإعلان طبعا.
٥- بعدها جوجل أدسنس بياخد تمن الإعلان يدفع نسبه منه لصاحب المحتوى.

يعني بشكل بسيط أكتر أنا لما بعمل قناة على اليوتيوب بقدم من خلالها فيديوهات بيجيب مشاهدات عاليه وأبدأ أدخل تحت سيستم جوجل أدسنس هبدأ أكسب فلوس من خلال القناة بتاعتي.. وكل ما زادت المشاهدات كل ما زادت أرباحك.

طب السؤال دلوقتي أزاي أدخل تحت سيستم جوجل أدسنس؟
عشان تدخل سيستم جوجل أدسنس بالقناة بتاعتك لازم تحقق شرطين مهمين وهما انك تجيب ١٠٠٠ مشترك للقناة وتجيب ٤٠٠٠ ساعة مشاهدة على الفيديوهات اللي موجوده على القناة.

وطبعا المحتوى لازم يكون قوي ومفيش في اي حقوق ملكية عشان تقدر تكسب من خلاله من غير اي مخالفات لان المخالفات في المحتوى على اليوتيوب ممكن تأدي لقفل القناة وقفل حسابك في جوجل أدسنس.

طب هل اي حد هيقدم محتوى هيكسب ٣٠ الف دولار في الشهر؟!
طبعا لا.. الموضوع بيختلف من نواحي كتير جدا أولهم نوع المحتوي اللي بتقدمه ونوع المشاهد بتاعك لان كل مشاهد عندك على القناة لي سعر مختلف في الاعلانات.. يعني أما اكون مشاهد من أمريكا غير مشاهد من السعودية غير مشاهد من مصر كل واحد لي سعر مختلف.

وعشان تعرف أكتر أزاي تعمل محتوي ناجح على اليوتيوب وتعرف أكتر عن ازاي تزود أرباحك على اليوتيوب تابع صفحتنا EgySocial

ولو عندك أي سؤال ممكن تكتبه في الكومنتات وهنجاوب عليك فورا.. ولو عجبك البوست ماتنساش تعمل لايك للبوست وشير لأصحابك ولو مش عامل لايك لصفحتنا هتلاقي فوق جنب أسم الصفحه زرار لايك ممكن تدوس عليه وهنعرفك معلومات جديدة كل يوم.

Monday	11:00 - 18:00
Tuesday	11:00 - 18:00
Wednesday	11:00 - 18:00
Thursday	11:00 - 18:00
Sunday	11:00 - 18:00

House of Digital - HOD

05/06/2020

14/05/2020

29/08/2019

27/08/2019

23/08/2019

16/08/2019

10/08/2019

09/08/2019

03/08/2019

Address

Opening Hours

Telephone

Website

Alerts

Shortcuts

Share