30/05/2022
ليه لما بتحب تعمل ويب سايت لشغلك و تدور على شركات او حتى فرى لانسر بتلاقى تفاوت فى الاسعار كبير
مع ان اللى بيبان ليك بيكون ان كلهم فى الاخر بيكون طله زى بعض و مفيش فرق
ده للاسف علشان الشغل مش كله بيكون باين ليك فيه شغل كتييير اوووى بيتعمل مش بتكون شايفه و ده اللى بيفرق حد عن حد تانى
و فيه عملاء كتير بتجيلنا كانو عاملين ويب سايت ب 1000 و 2000 و 3000 و شايفينه كويس اول ما استلموه و كله تمام لكن الويب سايت مكملش معاهم شهرين تلاته و لقى الدنيا باظت و مفيش حاجه شغاله
ده علشان اللى عمل الويب سايت عمله مجرد شكل فقط لكن مواصفات الويب سايت الباقيه مش متنفذه
زى مثلا
انه يكون سريع مع الداتا الكتير
حصله Test اكتر من مره علشان يتاكد ان كل حاجه سليمه
انه يكون سهل الاستخدام و المستخدم يقدر يوصل للى هو عايزه بسهوله جوا الويب سايت
و حاجات تانيه كتير بتخلى الويب سايت يساعدك فى شغل و يكبره مش يبقى عقبه فى طريقك
