2R business development

12/02/2022

سكة الأموال وتشغيل الفلوس
=====================معلومه ع الماشى ،،،،،

كل يوم بيجيلي رسايل عن شباب صغير ف العشرينات لم فلوس من الناس وهرب.

ف ظل انفتاح جميع الطبقات ع بعض بسبب السوشيال ميديا فالناس عندها هوس انها تعيش ف مستوي اكبر من قدراتها.

ف ظل التعويم والتضخم والركود وتقليل سعر الفائدة ف البنوك، الناس محتاجه منافذ استثمارية او اوعية ادخارية تحفظ فيها قيمة اموالها.

ف ظل هذه العشوائية تزاد الوحوش الضارية.

القصة معروفة ومهروسة مئة مرة ومن ال١٩٠٠وجاي وقت ما تشارلز بونزي قرر يعمل سلسلة بونزي ويلم فلوس من الناس ويلبس طواقي.

دي شوية نصايح كده للطرفين طرف المودع وطرف الي المشغل.

١/متستعجلش الربح البيزنيس والدنيا وكسب المال ليها قواعد مش معني انك بتكسب ٥٠ ف الميه ف بيزنيس حجمه ١٠٠ الف انك هتكسب ٥٠٠ الف من المليون لا بالعكس، كل ما حجمك اكبر كل ما هامش ربحك اقل لان تكاليفك هتكون اعلي.

٢/ميبهركش ان ف كذا حد عايز يديك فلوسه وبيعاملك بطريقة كويسه ف الاول، اول ما تقع مش هيسمي عليك وهيكون اول واحد يشتيكيك.

٣/مينفعش تقبل بفايدة ثابتة شهرية بعيد عن حلها من حرمتها(راجع فيها عالم) لكن مفيش بيزنيس ف العالم صاحبه بيبقي عارف هيكسب كم بالظبط الشهر ده والشراكة وتشغيل الفلوس ليها حسبه ونسب تانيه تماما.

٤/لو مسمعتش كلامي ف رقم ٣ واشتغلت بنسبه ثابتة كشخص بتشغل او مودع فاي نسبه فوق ال (2.5%ل 3%) كل شهر دي فيها مشكلة يا جهل من الي بيشغل يا نصب وش.

ليه لان ببساطة البنك بيدي فائدة ١٠ او ١١ ف الميه ف السنه ولو هتقترض تجاري او صناعي من البنك الرقم اقل من كده بكتير فبتالي ايه الى يخلي صاحب العمل مايخدش من البنك وياخد من الناس ويديهم فايدة ١٠٪ ف الشهر
ل٣ اسباب:

_انه راجل تقي ومبيشتغلش مع بنوك ولو انت اقتنعت بكده فبالتوفيق ليكوا انتوا الاتنين نشوفكوا ف المحكمه ان شاء الله.

_انه هيقولك ان اجراءات البنوك صعبه ودي حقيقه لان البنك بيضمن فلوس المودعين ومش بيطلعها اقراض الا بشروط دقيقه عشان محدش ينصب فبتالي هوه مركزه المالي مش دقيق.

_انه نصاب.

هل ف بيزنيس ف مصر يقدر يطلع للمودعين ١٠٪ف الميه شهريا يعني ١٢٠٪ ف الميه ف السنه للمودع غير زيهم للمشغل يعني ٢٤٠٪؟

ببساطة لا، لان البيزنيس معدله الطبيعي ٣٠ ف الميه ف السنة ولو جاب المعدل ده او اكتر من كده ف صاحب البيزنيس مش هيحتاج يشغل فلوس الناس اصلا عشان يشغلها وحتي لو احتاجها مش هيكون بيكسب ٣٠ ف الميه او ٥٠ او ٦٠ويديك انت ١٢٠ عشان سواد عيونك.

****كلمه ف ودنك هات اي ميزانية لشركة عملاقة هتلاقيها اقصي معدل ربح هيكون ٥ او ١٠ ف الميه كصافي ربح ببساطة كل ما حجمك كبر كل ما نسبة صافي الربح لراس المال اقل لان تكاليفك اكبر وطبعي النسبه الاقل دي هي كفلوس اعلي من النسبه الاعلي ف البيزنيس الصغير.

٥/لو لسه مصر تشغل فلوسك مع حد وصل الامانة مش ضمان لفلوسك، فلوسك يضمنها عقود او شيكات بنكية وطبعا لو هوه غرضه النصب من الاول الشيكات والعقود مش هتعملك حاجة هتاخد احكام وابقي قابلني لو نفذتها.

٦/لو شغلت فلوسك بنظام سليم كضمان وكنسب تشغيل من حقك تتطلع ع ميزانية ومركز مالي بتاع المشغل بدون طبعا الدخول ف تفاصيل الشغل لان وقتها هتكون شريك مش مشغل.

٧/لو غرك النسب العالية العائدة ع تشغيل فلوسك، رجاء خليك شواف ومتتغرش بالعربية الملاكي والمكتب الفخم والسجاير والساعه والمصاريف الشخصية والاكل والشرب والاماكن الغاليه للمشغل لان دي كلها عدة شغل بيلم بيها فلوس ودليل حرمان منه وان الفلوس دي شئ جديد عليه، ونصيحة للمشغل حسن النية صدقني البيزنيس السليم كل همه انه يكون كوست كيلر، اي تكاليف غير مفيدة او مصاريف شخصيه بتجعل موقفك اسوء.

٨/لو وقعت مع مشغل متعثر وهوه ابن حلال وعرض عليك اصل فلوسك بدون ارباح خد فلوسك بسرعه بدون نقاش ومتعمل جدع وترفض وتقول هاخد فلوسي بالمحكمه.

٩/لو خلاص خدت فلوس من الناس تشغلها، مينفعش تشتري بالفلوس دي اصول تشغيلية او اصول شخصية زى عقارات (وف الغالب الشركات دلوقتى بقت بتنصب ع الناس) لاي سبب لان ببساطة لازم فلوس الناس تكون ف بضاعه يمكن تسييلها ف اي وقت لان اكيد هيطلعلك واحد عايز يجوز ابنه ولا بنته ولا تعبان ولا عنده ظروف وعايز فلوسه حالا رغم انت متفق ع ميعاد بعيد، وقتها يا هيشتكيك يا هيسوء سمعتك يا هتبعله المكن بنص التمن.

١٠/لو انت مشغل وتعثرت وناويت النصب صدقني عشرات الملايين ف مصر مش هتعملك حاجة، خصوصا لو صدر ضدك احكام.

مش هتعرف تدخلهم البنوك.
مش هتعرف تشتري بيها اصول (عقارات، عربيات..... الخ)
مش هتعرف تنشئ اي بيزنيس.
مش هتعرف تحولهم لبره.
كمان ال١٥٠ مليون مصري ب١٠ مليون دولار يعني.

ف اخرك هتروح الشيخ زايد(كلهم بيروحوا هناك معرفش ليه) وتأجر فيلا وتشوفلك بنت تأخد فلوسك ده لو متحبستش.

١١/للمودعين متشغلش فلوسك مع حد متعرفوش ومتعرفش انه عنده بيزنيس قوي بقاله سنين طويله، متشغلش فلوسك مع حد معندوش بيزنيس من ١٥ /٢٠ سنه او لو خبرته اصغر من كده يكون معروف ليك اصله وفصله وومتلكاته واسرته وله حد كبير يترد عليه وليه عقب من اولاد شغالين معاه يقدروا يوفوا بالتزماته لو توفي.

١٢/لو انت بتشغل فلوس وكل مبيعاتك آجل لازم تقلق.

١٣/لو انت مشغل فلوسك مع حد واغرائك بالربح وبدات تلم من الناس فلوس بنسبه اقل وتديها للمشغل عشان تتطلع نسبه ليك صدقني لازم تقلق اكتر من المشغل لان النهاية زنزانة واحدة ليكوا انتوا الاتنين للاسف.

١٤/لو واحل نفسك ف اقساط اعتمادا ع الفلوس الى بتجيلك من المشغل كل شهر صدقني هتزعل اوي.

١٥/اهم استثمار هوه الاستثمار ف نفسك وف ولادك لو علمتهم كويس جدا وعرفتهم كيف يجنئ المال بالحلال، ربنا هيراضيكوا.

١٦/الى عنده مناديب بتلمله فلوس من الناس نصاب!

١٧/كمشغل مينفعش تضرب رأسك ف الحيطه
لو لقيت البيزنيس بيخسر او عندك مشاكل
مينفعش تكمل وتزود جمع فلوس من الناس ع حس انك هتعوض خصوصا لو واعدهم بنسب كبيرة، كده الفوائد هتتراكم غير راس المال وهتجبر جبرا انك تكون نصاب وتلبس طواقي والناس مش هتسمي عليك.

الافضل تجمع الناس وتعرفهم حقيقية الامر وترجع للناس الى تقدر عليه.

١٨/تشغيل الفلوس مفروض يكون ع المكسب والخسارة مش فلوس بفلوس فبتالي انت لو ماضي وصل بكامل المبلغ او بتدي نسبة ثابتة فده مش ع المكسب والخسارة ولو تعثرت محدش هيرحمك.

١٩/ مش دائما الصرف الزائد ع التسويق وانك تعمل براند لشخصك كرجل اعمال وانك تصرف ع المؤتمرات والدعايا مش دائما ده بيكون مخرج للبيزنيس بتاعك من كبوته احيانا كتير بيكون المصاريف دي هي الفصل الاخير والافضل ليك الانكماش.

٢٠ والاخيرة/ لو انت مشغل وبتصنع متصنعش شئ متعرفش تبيعه اعتمادا ع انك هتاخد تدفق نقدي من مودعين.

البيزنيس فيه (امراء حرب) كتير.

شركات كتير بتتأجر ف المكن جديد ومستعمل وكمان بتقدم دراسات جدوي.

كل دي دراسات جدوي غير واقعيه وكوبي وبيست ولا تظهر حقيقية اي بيزنيس والى باع لك مكنة جديدة هيرجع بعد شهر يشتريها منك بنص التمن ويبيعها لغيرك كسر زيرو وكلها بترزق من المبتدئين.

اي بيزنيس ناجح بيسعي انه يعمل توسع رأسي و افقي.

يعني الى عنده مطعم ونجح بيفتح عدة فروع عشان مكسبه يزيد وبعد كده يقدر يعمل مصانع او مزارع ومطاعم مركزية تغطي ع احتياجات شغله.

مينفعش تبقي بتخسر وتروح تعمل مصنع وانت معندكش مبيعات، انجح ف التجارة الاول.

فالاخير الله عزوجل قد يغفر تقصير العباد ف حق نفسه، لكن لا يغفر حقوق الناس غير بالاقتصاص نسأل الله العافيه.

12/02/2022

- انت لو بتحب حاجة اكيد هتبدع فيها..
- علشان تنجح لازم تشتغل الحاجة اللي انت بتتبسط وانت بتعملها.. - أصلا قمة النجاح ان الحاجة اللي بتحبها هي مصدر دخلك
- كفاية الراحة النفسية ... هيبقا ضغط مدير و كمان شغل ممل.. استقيل يابني، ولا اقول اعمل كارير شيفت

الجمل دي بنسمعها كتير لكن هل هي صحيحة ١٠٠٪؟؟؟

بكل الشغف هنتكلم عن الشغف ...

انا بحب المكرونة بالبشاميل جدا، تخيل كل يوم فطار غدا عشا مكرونة بالبشاميل ٣ شهور .. هتكرهها هي و اللي بيعملها.. دة طبعا غير الأضرار الصحية اللي هتنتج عن دة....

علشان شغفك يوصل لمرحلة انه ينفع يدخلك فلوس لازم تكون شاطر، و عشان تبقا شاطر لازم تتمرن كل يوم ساعات كتير، و تتعب لحد ما الموضوع يبقا ممل و مؤلم و مرهق.. أول لوحة هترسمها هتبقى وحشة هترسم تاني ٣٠٠ لوحة، اول كود برنامج هتعمله هيطلع مليان عيوب، بعد كام الف كود هتبقا مبرمج، أول مرة غنيت كان صوتك عامل ازاي، و بعد ما اتمرنت ازاي بقيت حد تاني..

مش معنى انك بتعمل حاجة بتحبها انك هتبقا مبسوط، اللي خدوا ميداليات دهب في الأولمبياد كانوا بيتمرنوا كام ساعة يوميا لمدة اد ايه؟ كام مرة جالهم اكتئاب و إحباط؟ كام مرة حسوا ان تعبهم لن يؤدي إلى شيء؟ كام مرة اتقالهم تايكوندو دة للعيال الصغيرة انت مش كبرت على كدة؟ بس عشان عندهم حلم بيستمروا مع الألم الجسدي و النفسي عشان يوصلوا في الآخر

في اغلب اللي قابلتهم تايهين و انا نفسي كنت منهم... انا مش عارف اختار مجالي.. مش عارف عايز ابقا ايه... اجرب الMarketing يلاقيه في الاول لذيذ و اول مايدخل فالغميق يلاقي نظريات و ابحاث .. يقولك لاا مش دة الMarketing ال اعرفه، انا اشوف الHR. يبدأ بالRecruitment يجر رجله بعد كدة يبص يلاقي Personnel و فايلاتها، و Performance و زهقها... يقولك طب ما اشوف ال Finance كدة،،، و يفضل يتنقل بين الحجات دي لحد ما يقف في نقطة انه مش فاهم أي حاجة في أي حاجة.. و يقول انا توهت..

كله عايز النجاح الجاهز. عايز التورتة من غير ما يخبزها ولا يدفع تمنها... يفتح مشروع يبقا مدير علطول.. ميشتغلش بإيده.. انا مدير... مشتغلش انا عشر ساعات فاليوم... معملش انا التاسكاية دي انا اكبر من كدة... مانا لو معملتش التيم هيعمل، طب اعين واحد يعملها و يزود على نفسه فالمصروفات عشان هو مش عايز يشتغل... دي بتبقا النواة لفشله هو و مشروعه..

محدش مستعد لألم أي تجربة او وجعها... و علشان كدة اللي بينجح ١٪ بس هما اللي تعبوا و عافروا و استحملوا...

أهم من كل دة واللي محدش بيقوله...الدنيا مش هتطبطب عليك لما انت تضيع كل الفرص دي... في فيلم Empire of the sun جملة عظيمة بتقول
"العالم ليس مثل أمك تغضب و تصرخ في وجهها في النهار وفي آخر اليوم تناديك للعشاء..العالم سيتركك تموت جوعا ً و انا ازيدلك "هيفلقك نصين كمان"
Osama Shaaban Qotb

03/01/2014

30/12/2013

التسويـق الفعــال للمشروعات..المفاهيم والأهداف
من اللحظة التي تباشر فيها مهام حياتك اليومية، وحتى تذهب إلى فراشك تجد نفسك محاطاً ببحر من الأنشطة التسويقية؛ فأنت تتعامل مع سلع وخدمات وأفكار بشكل دائم ويومي تضفى بصمة وشكل جديد للحياة.

يهدف التسويق إلى تكوين قاعدة من العملاء ولذلك فالتسويق هو عملية معقدة لتكوين قاعدة من العملاء لمنتجاتك وخدماتك، وخطة التسويق هي الوثيقة المكتوبة التي تساعدك على الاضطلاع بهذه العملية، بما في ذلك الخطوات التي تحتاجها هذه الخطة لتضمن نجاحها.
وتعرف الوظيفة التسويقية:

بأنها "مجموعة من الأنشطة المتكاملة التي تؤديها المنشأة لتسهيل عمليات التبادل، وفى سبيل ذلك فإن إدارة التسويق في المنشأة تقوم بوظيفتين أساسيتين.
1. خلق الطلب على منتجات المنشأة، وذلك بتحديد الفرص التسويقية والبحوث وتخطيط المنتجات والإعلان، والبيع الشخصي وترويج المبيعات والتسعير والتمييز.
2. خدمة الطلب وذلك من خلال التحقق الفعلي لعملية التبادل يتم ذلك عن طريق وظائف التخزين والنقل، وتنفيذ الطلبات والتبادل، والخدمة الفنية، والضمان ومنافذ التوزيع، واختيار قطاعات العملاء، وتمويل التسويق، والتصدير.
تعريف التسويق الحديث:

يعرف التسويق الحديث بأنه (الجهود التي يبذلها الأفراد والجماعات في إطار إداري واجتماعي معين للحصول على حاجاتهم ورغباتهم من خلال إيجاد وتبادل المنتجات والقيم مع الآخرين) ويشير هذا التعريف إلى أن التسويق هو مزيج من عدة عناصر هي:
1- الحاجات والرغبات (Needs & Wants):

يقصد بالحاجات Needs عموماً تلك المتطلبات الأساسية التي يشعر الفرد بضرورة إشباعها على نحو مستمر وتعتبر الحاجات الإنسانية نقطة البداية لدراسة النشاط التسويقي، ومن أمثلة الحاجات التي يطلبها الإنسان: الطعام والملبس والمأوى والأمان والشعور بالانتماء والاحترام، ويختلف إشباع هذه الحاجات وفقاً لطبيعة المجتمع وتقدمه. أما الرغبات Wants فهي وسائل إشباع هذه الحاجات لذا فإن رجل التسويق يقوم بإشباع الرغبات وتوجيهها، والتأثير في القرارات الخاصة باختيار السلع والخدمات اللازمة لهذا الإشباع.
2- المنتجات (Products):

تشير كلمة منتج Product إلى أي خدمة أو نشاط، أو شخص، أو مكان، أو منظمة أو فكرة ، ويؤثر على نوعية المنتج عدة مؤثرات كالمال والتوقيت وعادات العملاء والمنافسة والتكنولوجيا. فإيجاد طلب على منتج جديد وتغيير عادات المستهلك الشرائية يعد ضرباً من المستحيل، وإدخال تكنولوجيا جديدة من شأنه أن يتسبب في زيادة التكلفة.
3- التبادل (Exchange):

التبادل هو الشكل الطبيعي لإشباع الرغبات فالتبادل هو لب العملية التسويقية ويتم التبادل من خلال العمليات التسويقية والتي تبنى على متاجرة بين طرفين وتتضمن شيئين ذاتا قيمة، وقد تكن العملية نقدية أي يتم تبادل سلع وخدمات بوحدات نقدية في عملية بيع وشراء عادية، وقد تتم العملية في شكل مقايضة حيث تتم مبادلة بين منتجات بمنتجات أخرى.
4- المعاملات التجارية (Transactions):

إذا كان التبادل هو جوهر النظام التسويقي فإن المعاملات التجارية تمثل وحدة قياس لهذا النظام، وتتطلب عملية المعاملات التجارية عدة عوامل قابلة للقياس هي:
1. وجود شيئين على الأقل لهما قيمة.
2. حالة يتم الاتفاق عليها.
3. وقت للاتفاق.
4. مكان للاتفاق.
5. الأسواق (Markets):
الأسواق هي الأماكن التي تمكن البائعين والمشترين لسلعة معينة من الاتصال الدائم ببعضهم البعض والإحاطة بجميع المعلومات المتعلقة بهذا السلعة. وبتقدم وسائل الاتصال وتعددها اتسعت الأسواق وقويت الروابط بينها. ويمكن أن يكون السوق في مكان ما، أي منطقة جغرافية معينة أو يكون مجموعة من الأفراد أو الشركات أو الدول متصلة ببعضها فعلياً أو إلكترونياً.

ويختلف حجم السوق وفقاً لمجموعة من الاعتبارات فمقدمتها السعر المعروض به السلعة أو الخدمة، وكذلك عدد الأشخاص الذين لهم اهتمامات بالسلعة وتحقق لهم منفعة ولديهم الرغبة في اقتنائها والقدرة على ذلك.

مما سبق يتضح أن التسويق هو مجموعة من الأنشطة المتكاملة والتي تقوم على توجيه انسياب السلع والخدمات الأفكار، وذلك في حدود تأثيرات البيئة المحيطة.
أهمية التسويق:

تساهم أنشطة التسويق في تقديم السلعة أو الخدمة للعملاء وبذلك يعتبر التسويق من المؤثرات الرئيسية المحددة لقدرات المشروع على الحياة والاستمرار، وعلى وجه العموم تساعد أنشطة التسويق على زيادة الحركة الاقتصادية في المجتمع وتنعكس أهمية الوظيفة التسويقية في المجالات التالية:
1- إنشاء منافع:

تقوم الوظيفة التسويقية بإنشاء منافع زمنية ومكانية، بالإضافة إلى منفعة التملك والمنفعة الشكلية، والشكل التوضيحي رقم (1) يوضح الوظائف التسويقية والمنافع الناشئة عنها.

الوظائف التسويقية ومنافعها
الشكل (1) الوظائف التسويقية ومنافعها 2- تدعيم التخصص:

تتوقف درجة التخصص على مدى المجتمعات فكلما تقدم المجتمع زادت درجة التخصص، ومع تقدم الزمن بدأ التخصص في الإنتاج، وكان نتيجة لهذا التخصص زيادة حجم الإنتاج الكلى للمجتمع والتركيز على درجة إتقان وتطور ما ينتجه، ومع زيادة مستوى المعيشة في المجتمعات المختلفة وظهور المنتجون الذين يقومون بإنتاج كميات ضخمة من السلع والخدمات، أصبح من الصعوبة بيع هذه السلع بشكل مباشر إلى المستهلك النهائي، وكان من الضروري بعد التخصص في الإنتاج أن تكون هناك منشآت متخصصة في التوزيع والبيع ... إلخ. للعمل كوسطاء بين المنتجين والمستهلكين ومن ثم نشأت المراكز والتجمعات التجارية.
3- تطوير مستوى المعيشة:

التسويق يمكن من إشباع حاجات الإنسان ورفع مستوى المعيشة لأفراد المجتمع، وذلك من خلال تقديم المنتجات المطلوبة من سلع وخدمات وأفكار بقصد إشباع الحاجات الحالية والمرتقبة للمستهلك كما يعمل التسويق على التعرف على الاحتياجات والرغبات الكامنة ومواءمة هذه الحاجات مع استخدام ما توصلت إليه التكنولوجيا الحديثة في توفير سلع وخدمات جديدة وتطوير المنتجات الحالية بما يساعد على رفع مستوى معيشة الأفراد.
أهداف نظام التسويق:
1. تعظيم الاستهلاك.
2. تعظيم رضاء المستهلكين.
3. تعظيم فرص الاختيار.
4. تعظيم وتحسين جودة الحياة.

30/12/2013

كيف تكتب خطة عمل ناجحة لمشروعك التجاري ؟
________________________________________
معلومات مختصرة جداً حول كيفية كتابة خطة عمل ناجحة لمشروع تجاري ولكنها مفيدة لأنها مبنية على أسس علمية وليست نصائح عامة ,
فيجب أن تبدأ بعمل خطة عمل والتي لا تخلو شركة ناجحة منها ,وبناءاً على هذه الخطة ستقرر جدوى نجاح مشروعك من عدمه , وكذلك الخطط الاستراتيجية التي ستتبعها والعوائد المالية المتوقعة والتي ستقنع بها المساهمين معك في المشروع وهي كالتالي:

1- ملخص المشروع ( صفحة واحدة) :
يفضل أن يكون الملخص بعدما تنتهي تماماً من كتابة الخطة , والملخص هو الذي يتم تقديمه لممولي المشروع من بنوك أو مستثمرين أو شركاء حتى تحافظ على أسرار الخطة من السرقة أو الاقتباس.

2- نظرة على الشركة (المشروع) (صفحة واحدة تقريباً) :
يتضمن هذا الجزء رسالة الشركة التي تريد تحقيقها , وصف مبسط للمشروع , مراحل تطور المشروع إذا كان قائماً أو مراحل التطور التي سيمر بها المشروع إذا كان حديثاً , الأهداف , عوامل نجاح المشروع , الموقع والتجهيزات التي سيتم الاعتماد عليها.

3- المنتج أو الخدمة المقدمة (صفحة واحدة تقريباً) :
وصف الخدمة أو المنتج , صفاته , فوائده للمستهلك , الفرق بينه وبين الموجود حالياً في الأسواق , مراحل تطور المنتج أو الخدمة.

4- تحليل القطاع والسوق (3 صفحات تقريباً) :
تعريف كامل بالسوق , حجم السوق , عوائق الدخول للسوق , قنوات إمداد السوق وقنوات التوزيع , السوق المستهدف والشرائح المستهدفة , المحيط التنافسي والمنافسون وحصتهم في السوق , المنافسون المتوقعون مستقبلاً , الميزة التنافسية للمشروع.

5- الخطة التسويقية (4 صفحات تقريباً) :
استراتيجية السوق المستهدف , إيجاد موضع لمنتجك أو الخدمة في السوق في ذهن العميل , استراتيجية المزيج التسويقي (المنتج أو الخدمة المقدمة , التسعير , التوزيع , الترويج ويشمل الاعلانات أو التخفيضات أو المعارض أو غيرها) , التجارة الالكترونية , استراتيجية المبيعات (توظيف المندوبين وتدريبهم , ارسال المندوبين , ارسال رسائل البريد , التلفزيون......) , توقعات المبيعات.

6- الخطة التشغيلية (صفحتين تقريباً) :
استراتيجية التشغيل (خطوات الانتاج ونقل المنتج , القيمة المضافة للزبون , التكلفة , الجودة ,الوقت .....) , نطاق التشغيل (مالذي ستقوم به ومالذي سيقوم به غيرك , التقنية المستخدمة......) ,العمليات التشغيلية الموجودة حالياً إذا كان المشروع قائماً.

7- الخطة التطويرية (صفحة واحدة تقريباً) :
استراتيجية التطوير لمدة 2-3 سنوات متضمنة تطوير المنتج أو عمليات الإنتاج , الخطة التسويقية , العملاء , الموظفين , التحالفات الاستراتيجية.

8- الإدارة (صفحة واحدة تقريباً) :
الهيكل التنظيمي للشركة , الفريق الإداري , الأشخاص المهمين وأدوارهم , الملاك ونسبة كل واحد منهم.

9- الخطة المالية (3 صفحات تقريباً) :
وهي من أهم الأجزاء في الخطة حيث أن المشروع إذا لم يستطع إقناع القارئ بأن هناك عوائد مالية فسيؤدي ذلك إلى فشل الخطة بالكامل. وتتضمن الخطة المالية التوقعات المالية للمشروع (إنشاء قائمة للدخل وقائمة للربح والخسارة وقائمة التدفقات النقدية لمدة من 3-5 سنوات) ,نقطة التعادل , الفرضيات (تكلفة المنتج , السعر , حجم المبيعات , هامش الربح .....) , المخاطر وكيفية تلافيها.

10- التمويل (صفحة واحدة تقريباً) :
تحديد التمويل المطلوب , استراتيجية التمويل (العائلة , الأصدقاء , مستثمرين , شريك مغامر , بنوك ......).

11- الملاحق :أي ملاحق يمكن إضافتها كالرسومات البيانية والجداول والقوائم المالية والسير الذاتية للفريق الإداري وغيرها.

أتمنى أن تكون مفيدة لكم

30/12/2013

عايز تسوق مشروعك
عايز مشروعك الناس كلها تعرف بيه
عايز تعمل دعايه لمشروعك وعايز تطوره

نحن سوف نساعدك
نحن نقوم بدراسه المشاريع ونقيم السلبيات والايجابيات والاهداف ونقيم الخطط التسويقيه ونعد الخطط المستقبليه للمشاريع
نحن نعد دراسات الجدوى التأسيسيه للمشاريع
نحن نعد دراسات الجدوى التسويقيه للمشاريع
نحن نساعد فى تحقيق اهداف المشروع ونعمل على تطويره
نحن نحقق لك هدفك من مشروعك ونخلق لك اسم وسوق لمشروعك

نحن نقوم بتسويق مشروعك الكترونيا على كل مواقع التواصل الاجتماعى نقوم بانشاء صفحتك وجروبك وعمل كل التصميمات والجرافيك والدعايه ونحن نقوم ايضا باداره كل هذه الصفحات والعمل على تطويرها باستمرار

نحن نقوم بتسويق مشروعك ايضا باساليب التسويق التقليديه

نقوم بانشاء وتصميم موقعك الالكترونى ونقوم ايضا بالمتابعه المستمره والتطوير الدائم للموقع

نحن نساعدك فى اختيار مشروعك ونساعدك فى عمل جميع الدراسات اللازمه لنجاح المشروع ونقوم ايضا بمساعدتك فى تنفيذه وتسويقه وادارته وعمل الهيكل التنظيمى والادارى له

04/11/2013

معنا تقدر تسوق مشروعك وحلمك لكل الناس ......معنا تصل لهدفك وتحقق احلامك ......معنا تخطط لمستقبلك وتنال امالك .......شركه بالم لخدمات التسويق .......فكر جديد لحياه ومستقبل افضل

حقق اهداف نشاطك ومشروعك او شركتك مع الخدمات التسويقيه ?