06/07/2023
انا شاب عندي ٢٥ سنه من اربع سنين تعرفت علي بنت وعلاقتنا استمرت. فتره طويله انا مقيم في دوله تانيه كنت بنتكلم اونلاين كتير وحبينا بعض بعض جدا طلبت مني اتقدم لها وفعلا مترددتش في ده خاصه اني بشتغل وقادر افتح بيت ولاني مسافر بعت اهلي يخطبوهالي وفعلا راح جدي لعند ابوها في بيتهم وطلبها رسمي قالوله احنا هنفكر وهنرد عليك بعد يومين كلمونا كل حاجه قسمه ونصيب واحنا مش موافقين طيب سألتوا عليا وطلعت حد وحش قالوا لا مش عايزين بنتهم تتجوز بتوكيل وتسافر وخلوها تعملي بلوك من كل حته واختفت من حياتي سنتين انا كنت بدور عليها ونفسي في اي خبر عنها معرفتش وفي الاخر مشيت في حياتي اتعرفت علي واحده تانيه وخطبتها المشكله ان الاولي دي ظهرت تاني بعد سنتين ونص وعايزه ترجعلي اتخطبت مره وفشلت وفي كل مره بتفشل في علاقه بتحملني المسؤوليه اعمل ايه دلوقتي انا بين بنتين واحده اشترتني واحده باعتني مع اني متاكد ان ملهاش ذنب اهلها هنا اللي فرضو عليها تسيبني والتانيه دي كمان ملهاش ذنب غير انها حبتني
