20/06/2024
الوفيات الكتير قوي في الحج السنة دي … معدل المصريين فيها تعدى ال ٥٠٠ انسان حتى الان .. والمفقودين حدث ولا حرج .. الكارثة الاكبر ان اسباب الوفاة هي توقف الكلى لنقص الماء والجفاف وضربات الشمس ونقص الغذاء وما الى ذلك .. اسعار الحج اللي بقت مباغ فيها صعبت الامور على الناس .. مداهمات الامن خلت ناس كتير تمشي في الجبال من خوفها .. منعتهم انهم يطلبوا المساعدة ، خوفتهم يروحوا مستشفى .. تخيل انسان كبير نفسه يختم حياته ويلحق يحج ، وبقيت صعبة قوي محتاج ٣٠٠ الف جنيه على الاقل علشان يأدي فريضة عبادة .. يلاقي فرصه انه يسافر زيارة سياحة ولا عمل بتلت ااقل مبلغ ممكن يطلع بيه رسمي … ماهو تروح تتفرج على حفلة متيسرة اكتر من انك تروح تحج .. تبيع دهبها وتستلف بس هتروح بيت ربنا وتتعلق بستاير الكعبة … وشرعا مش حرام .. وتتفاجأ بالمداهمات وتترعب .. "يعني اجيلك يارب وخلقك عايزين يطردوني" الفيديوهات مرعبة .. فالناس تهرب والشمس فوق الراس بحرارة بتفرب للخمسين .. والتيفونات تفصل والعطش يزيد والجوع يقرص وتيجي عليهم رحمة ربنا انهم يموتوا في احرامهم .. يموتوا علشان يبان ان لا بلدهم يسرت ليهم الحج ولا المضيف رأف بيهم .. ربنا يرحم من ماتوا حول جبل الرحمة ويكتب للجميع الحج من وسع
