Ahmed Elgendy marketing and sales skills

Ahmed Elgendy marketing and sales skills Helping businesses & startups grow 📊 | Marketing & Sales insights 💡 | MBA 🎓
(2)

I've just reached 50K followers! Thank you for continuing support. I could never have made it without each one of you. 🙏...
13/03/2026

I've just reached 50K followers! Thank you for continuing support. I could never have made it without each one of you. 🙏🤗🎉

25/02/2026

مدير جديد؟
إوعى تبدأ غلط.
أول غلطة بيعملها أي مدير جديد…
إنه يبدأ يكتب خطة قبل ما يفهم الواقع.
قبل ما تسأل: هنروح فين؟
اسأل الأول: إحنا فين؟
📍 نسبة رضا العملاء كام؟
📍 متوسط الأداء عامل إيه؟
📍 عدد الحالات / المبيعات / الإنتاج كام؟
📍 المشاكل الحقيقية فين؟
من غير أرقام… مفيش إدارة.
ومن غير تشخيص… مفيش تطوير.
التخطيط الصح بيبدأ بـ
Current Situation Analysis
سؤال مهم 👇
لو سألتك دلوقتي:
"أين نحن الآن؟"
تقدر تجاوب بأرقام؟ ولا بإحساس؟




21/02/2026

كتير من الناس بتفتكر إن طالما الهدف اتحقق… يبقى كده كل حاجة تمام.

لكن الإدارة الناجحة مش بس إنك توصل…

الإدارة الناجحة إنك توصل بأقل تكلفة فى الموارد ( وقت ، فلوس ، تكلفة ، عمالة ... الخ ).

وهو دة الفرق بين
Effectiveness الكفاءة
و
Efficiency الفاعلية

زى الفرق بين مشروع ناجح…
ومشروع بينزف ببطء.

اسأل نفسك قبل أي قرار:
هل ده هيحقق الهدف؟
ولو هيحققه… هيحققه بأفضل استغلال للموارد؟





19/02/2026

عالج السبب مش الأعراض 👌

أخطر حاجة يعملها مدير…
إنه يفضل يشرح لموظف مشكلته مش في الشرح او نقص الخبرة أصلاً.
الموظف D3 مش محتاج Direction أكتر…

هو محتاج تفهم ليه التزامه قل.
لو فضلت تعالجه كأنه D1
هتخسره.

لكن لو دعمت صح…
هتشوفه بيتحول لـ D4 أسرع مما تتخيل.
وهنا دة افضل موظف بيكون عنده أعلى خبرة وأعلى التزام

المدير الشاطر
مش بيعالج اعراض
لكته بيشخص السبب:


#القيادة


17/02/2026

الموظف الجديد طبيعي ما يكونش فاهم الشغل
ويحتاج فترة تدريب.
في المرحلة دي
مينفعش أقيمه على خبرته العملية.
لكن أقدر — ولازم — أقيم التزامه.
لأن المهارة بدون التزام
تساوي خبرة غير مستغلة.
علشان كده براقب من البداية:
✔️ مواعيده حضور وانصراف
✔️ التزامه بالتعليمات والزي
✔️ ارتداء الـ ID لو شغال استقبال
✔️ أسلوبه في التواصل
✔️ أخلاقه مع الفريق
الخبرة بتتعلّم،
إنما الالتزام سلوك واختيار.




14/02/2026

الموظف الجديد مش محتاج حرية رأي فى البداية…
هو محتاج وضوح وتوجيه.

فى مرحلة D1
الموظف لسه بيتعلم
وحماسه بيكون أعلى من خبرته.

دور المدير هنا مش النقاش
لكن التوجيه والتدريب وتحديد الطريقة الصح للشغل.

ومع تطور الموظف
أسلوب القيادة لازم يتغيّر.

علشان كده
مش كل موظف يُدار بنفس الأسلوب

وده اللى بنسميه
Situational Leadership

القيادة الصح =
الأسلوب المناسب
للشخص المناسب
فى الوقت المناسب.




07/02/2026

الخطة مش بتخلص بمجرد إننا نحطها،
الخطة الحقيقية تبدأ بالمتابعة وقياس النتائج.

لأن القياس هو اللي بيقولنا:
وصلنا للهدف ولا لسه؟
ولو ما وصلناش،
لازم نحلل الأسباب
ونبدأ إجراءات تصحيحية
لحد ما نحقق الهدف.

متابعة الخطة وتحليل النتائج
جزء لا يتجزأ من الإدارة الصحيحة…

الإدارة متابعة وتصحيح مسار.

04/02/2026

من الطرق الحديثة فى تحفيز الموظفين
إن الموظف يبقى فاهم هدف الشغل اللى بيقوم بيه 🎯
مش بس تقول "اشتغل كويس"

لكن توضّح له:
ليه بنعمل المهمة دى
هتوصلنا لإيه
ودوره فيها إيه
لما الموظف يفهم سبب شغله
التزامه وحماسه بيزيدوا تلقائي.

المشكلة غالبًا مش فى الموظف…
المشكلة فى غياب وضوح الهدف.

سؤال ليك:
هل فريقك فاهم ليه بيعمل كل مهمة؟





31/01/2026

الخوف في الشغل عمره ما كان وسيلة إدارة ناجحة.

الموظف وهو قلقان بيشتغل علشان مايغلطش… مش علشان يبدع.

لكن أول ما الموظف يحس بالأمان،
انتماؤه للمكان بيزيد… وإنتاجيته بتعلى تلقائي.

المدير الشاطر مش بيبني فريق خايف،
المدير الشاطر بيبني فريق مطمئن وواثق.

الأمان الوظيفي استثمار مباشر في ولاء الموظف وأداءه.


#القيادة


30/01/2026

التفويض مش معناه تسيب الشغل وتمشي،
ولا معناه إنك فقدت السيطرة.
التفويض معناه إنك تبني ناس تعرف تشتغل من غير ما ترجعلك في كل تفصيلة،
وإنك تقبل إن التعلّم بيكمّل أثناء الشغل… مش قبله.
المدير اللي مستني الموظف يوصل 100٪ كفاءة عشان يفوض،
غالبًا عمره ما هيفوض.
لأن جزء كبير من الكفاءة بيتكوّن بعد تحمّل المسؤولية.
الإدارة الصح إنك تفوض بدري نسبيًا،
وتراجع، وتصحّح، وتتابع…
مش إنك تشيل كل الحمل لوحدك.
علشان كده التفويض مش مهارة رفاهية،
دي مهارة أساسية لأي مدير عايز يكبر من غير ما يتحرق.



#بيزنس

21/01/2026

اكتئاب الموظف… مين المسؤول؟

متقوليش “الموظفين كلهم عندهم اكتئاب”… اسأل: أنا كمدير عملت إيه؟

لأن الحالة النفسية وطاقة الفريق جزء أساسي من شغل المدير المباشر بصفة خاصة والإدارة بصفة عامة.

وفي أدوات كتير جدًا بتساعد في تحفيز الموظفين…
انت كمدير لازم تكون دارسها وفاهمها وعارف تستخدمها صح ✅

علشان تقدر توصل لأعلى درجة تحفيز للموظف وبالتالى أعلى درجة إنتاجية 👍

#القيادة

10/01/2026

الإدارة مش أوامر…
الإدارة توازن ⚖️

ماينفعش تدي شخص مسؤولية
ومن غير صلاحيات،
كده إنت لغيت دوره.

وماينفعش تدي صلاحيات
من غير مسؤوليات،
كده إنت فتحت باب الفوضى.

مدير القسم دوره يحقق نتائج
مش يبرر الطريقة.

لما تدي الصلاحيات كاملة
وتحاسب على النتائج
ساعتها بس الإدارة تشتغل صح.

هل شغلك الحالي مدّيك مسؤوليات و صلاحيات بشكل متوازن ؟

#الإدارة
#القيادة


Address

Old Cairo

Website

Alerts

Be the first to know and let us send you an email when Ahmed Elgendy marketing and sales skills posts news and promotions. Your email address will not be used for any other purpose, and you can unsubscribe at any time.

Shortcuts

Share

Category