30/09/2023
قسم علاج جذور الأسنان "endodontic Treatment"
🔴 يعني ايه قسم علاج جذور الأسنان او زي ما بيقولوا " حشو العصب""endodontic Treatment " 🤔
هو القسم اللي بيعلاج التهاب والم العصب او لب الأسنان (pulp) ودي عبارة عن مجموعة من الشعيرات الدموية اللي بتكون في جذر الأسنان (roots)
🔴طيب الالتهاب بتاع العصب (pulp) بيحصل ازاي؟
بيحصل لما تسوس الأسنان (carries) يخترق طبقة المينا(Enamel) وطبقة العاج ( Dentin) علشان يوصل للب الأسنان (pulp) ويبتدي يعمل التهابات والم شديد
🔴ازاي نفرق بين الحشو العادي وحشو العصب؟
الحشو العادي دا مبيوصلش للعصب(pulp) ممكن يخترق طبقة المينا (Enamel) او طبقة العاج(dentine) بس لكن مبيوصلش للعصب
🔴 حشو العصب بيحصل ازاي؟
اول حاجة لازم نحفر في السنه ونعدي طبقة المينا وطبقة العاج علشان نوصل للعصب (pulp) الملتهب او الملوث وبعدين نبتدي نشيل العصب بأدوات معينة وونحط مكانه حشو خاص بعلاج الجذور لغاية لما نقفل قناه العصب( pulp canal)
وبعدين ممكن نحط طربوش (crown) علشان الأسنان بتبقا ضعيفة بعد حشو العصب فلازم نحميها
⚠️ ايه هيحصل يعني لو معلجتش التهاب العصب (pulpitis) في أسرع وقت؟
ممكن العدوي او الجراثيم او الالتهاب يزيد ويمتد من طبقة المينا والعلاج لغاية لما يوصل لنقطه اتصال السنه والعصب ب الشعيرات الدموية اللي بتوصل الدم للاسنان كلها ودي بتكون في نهاية الجذر واسمها (apical foramen) ويعمل التهاب حول النقطة دي (apical periodontitis) وممكن يحصل استجابة مناعة بعدين ويحصل تاكل في العضم (bone resorption) ويتكون صديد( pus) يعمل خراج (abscess)
