20/09/2022
Content Marketing Strategy's
في مصر و برة مصر بعض الناس العاقلين بتتوقع و تنتظر نتائجها و تأثيرها في المبيعات
لأكثر من 12 شهر بدون كلل او ملل أو تقصير في تنفيذ ال strategy
هل دا
علشان الناس دي فلوسها كتير ..؟
علشان الناس دي بتستمتع بالخسارة...؟
علشان الناس دي فاضية ...؟
علشان الناس دي مش فارق معاها تنجح أو لا...؟
طبعا الاجابة لا و الف لا ولو كان واحد من دول هو السبب اللي في بالك ف انت ناقصك كتير
لكن تعالى يا صديقي اقول لك ليه ببساطة بيستمرو و ينتظرو
"علشان التسويق بالمحتوى دايما دايما دايما ناجح"
- لما اسم البراند "بيتكلم" عن مجال العمل "باستمرار"
حصل عند الجمهور ربط دائم بين الاسم و المجال ...نجاح و تحقيق هدف من أهداف ال brand
- الحديث عن قيمة و أهمية المنتج أو الخدمة باستمرار
نبه الجمهور المستهدف بالمنتج او الخدمة انه يبدأ يفكر في المشكلة اللي عندك حلها
جايز هيجيلك على طول ... او بعد لفة ... أو لما يتشجع كمان شوية🤷
- البراند بيتابع أخبار مجاله و "بيتكلم" عنها و يناقشها
بدأ يستقطب المترددين من جمهوره في اتخاذ القرار بأنه خلاهم يتابعوه و ينتبهو
- البراند بيتكلم عن الجودة اللي لازم العميل يستفيد بيها
اطلع بقا هات المترددين و اللي راحو ياخدو لفة و اللي عاوزين يتشجعو من فوق و اتأكد ان البراند دا بقا من أولى اختياراتهم عند قرار الشراء او تغيير البراند المفضل بالنسبالهم
-----------------
طبعا دي نقطة في بحر من تأثير ال content Marketing على الأسواق و البراندات
و أقلهم تأثير على البراندات في أعمق من كدا كتير و أقوى لكن انا قولت أقولك ع البسيط فيهم
علشان تشوف ليه التسويق بالمحتوى معندوش option الفشل في التراك بتاعه 🤷
------------------
انا عاوزكو تستمرو في دور الفهلوي بتاع
"شهر قبل الافتتاح و شهر بعده عشان نحرك الدونيا يا هندسة"
"انا مش عملت 3 اعلانات ممولين .. أومال البضاعة ما بتخلصش لييه"
(لو اشتكيت من ميزانيات التسويق راجع نفسك في قرار البيزنس لأنك لو منافسينك كتير و دا اكيد ف انت محتاج تظهر نفسك و مميزاتك بقوة بينهم ... و لو ما لكش منافسين ف انت محتاج تظهر بكل قوة و حجم علشان تتعرف في سوقك و تكون براند مرهق بالنسبة للمنافس اللي هيظهر بعد كدا و تفضل انت بابا المجال بتسوق مهما ظهر ناس حواليك 🙂🤷)
