هنا شبين الكوم - Hona Shebin Elkom

25/08/2026

شيئ يفرّح حصل اليوم
كنت التقيت صدفة بعم "خالد" بائع جرائد بشبين الكوم وشعرت بالحزن لظروفه وحاله وعمله تحت الشمس رغم سوء حالته الصحية وقالي: ماليش أمل بس غير شفاء ابني الوحيد!

وصلت رسايل جميلة كتير بتبرعات ليه 💌
وكملت قبل قليل بـتحرك أجمل..

النائب المحترم محمد موسى وأخونا العزيز الزميل إبراهيم موسى، كانوا جهزوا للراجل دا مفاجأة حلوة.. ورتبوا معاه واستقبلوه اليوم.. وقرر إجراء عملية جراحية له والتكفل بكافة مصروفات علاجه، وتقديم الدعم ليه.

جهد مشكور منهم..

🔴 أحمد الباهي- صحفي
#مصراوي

25/08/2026

استجابة لـ جورنالجى المنوفية .. الهلال الأحمر يتكفل بعلاج نجل بائع جرائد في شبين الكوم ❤️

بعد نشر قصة عم خالد، بائع الجرائد في شبين الكوم، والذي يعمل في بيع الصحف منذ أكثر من 35 سنة لتوفير احتياجات أسرته، وصلت قصته لأهل الخير.

واستقبل الهلال الأحمر المصري بالمنوفية عم خالد، واستمع لظروفه واحتياجات أسرته، وقرر التكفل بتكاليف العملية الجـ.ـراحية التي يحتاجها نجله، مع تقديم الدعم اللازم للأسرة.

من الاستغاثة للاستجابة.. كل الشكر لكل من ساهم في وصول صوت عم خالد والوقوف بجانبه. ❤️🙏

ربنا يشفي ابنه ويجبر بخاطر عم خالد وأسرته. 🤲

🔴 أحمد الباهي ـ صحفي

25/08/2026

ايه سر حب أهل شبين لعم خالد بياع الجرايد؟👇👇👇

عم خالد الراجل الطيب، اللي شبين كلها بتشهد بطيبته، بقاله أكتر من 35 سنة بيروح يقف عند عمر أفندي يبيع جرايد، رغم إنه عارف إن سوقها مبقاش زي الأول بس مش قادر يتخلى عنها❤️

تقف تتكلم معاه تلاقيه راجل عنده عزة نفس، مش طالب حاجة من الدنيا غير ان ربنا يشفي ابنه، لا قال محتاج ولا عاوز فلوس ولا بياخد أكتر من الخمسة جنيه حق الجورنال❤️

عرفتوا بقى ليه أهل شبين بيحبوه 😍 ربنا يبارك في عمرك يا عم خالد ويشفيلك ابنك ويحبب فيك خلقه كمان وكمان❤️👌

24/08/2026

24/08/2026

💔 «النعوش ورا بعض».. العجايزة تودع أبًا وابنته العروس بعد فاجـ.ـعة الساحل الشمالي
في مشهد يصعب على القلب تحمله، خرج أهالي العجايزة التابعة لمركز قويسنا فج.اعه المنوفية لتوديع محمد حسين أبو الخير وابنته تسبيح، ضحي.تي حـ.ــادث الغـ.ـرق الذي أنهى إجازتهما الصيفية بشكل مأساوي.
نعشان متجاوران يسيران وسط شوارع القرية، وخلفهما الأهالي والأصدقاء، بينما امتزجت دموع الفراق مع الدعاء، في جنـ.ـازة مهيبة شارك فيها عدد كبير من أبناء العجايزة.
تسبيح، التي كانت تستعد لفرحتها، خرجت مع والدها لقضاء إجازة صيفية، لكن الرحلة انتهت بفاجـ.ـعة بعدما تعرض الاثنان للغـ.ـرق في مياه الساحل الشمالي، إثر سحب مفاجئ بالتزامن مع ارتفاع الأمواج وشدة التيارات البحرية.
الأم كانت أيضًا في قلب المأساة، بعدما تعرضت لخـ.ـطر الغـ.ـرق، لكن المنقذين تمكنوا من إخراجها ونقلها إلى المستشفى، حيث لا تزال ترقد في العناية المركزة وتتلقى الرعاية الطبية.
اليوم، عاد الأب وابنته إلى العجايزة، لكن ليس كما خرجا..
عادا في نعشين، وسط حزن أسرة فقدت اثنين من أغلى أفرادها.
وفي أول ليلة لهما في القبـ.ـر.. نسألكم الدعاء لـ محمد وتسبيح بالرحمة والمغفرة، وللأم بالشفاء والعودة سالمة إلى أهلها. 🤲💔

24/08/2026

"من فرحة الإجازة للجنـ.ـازة".. أهالي العجايزة بالمنوفية يشيعون أبًا وابنته العروس بعد حـ.ـادث الغـ.ـرق 💔💔💔

24/08/2026

مش كل أبطال الحكاية بيبقوا رجالة.. أوقات البطلة بتكون الست اللي واقفة جنبك ومحدش واخد باله منها. ❤️

فيديو متداول لزوجين حصلت بينهم وبين مجموعة من الشباب مشـ.ـادة، والأمور بدأت تتصاعد.

الزوج حاول يبعد مراته عن الموقف، لكن أول ما شافت إن جوزها ممكن يتأذى، دخلت تدافع عنه بكل قوة. 💪❤️

المشهد ببساطة بيقول إن الست وقت الشدة ممكن تكون سند وضهر وجيش كامل لجوزها.

تحية لكل ست بتقف جنب جوزها وقت الشدة.. بالفعل مش بالكلام. 👏❤️

23/08/2026

"الجرنال بـ5 جنيه.. وابني هو أمنيتي".. عم خالد 35 سنة واقف في شوارع شبين الكوم وبيحلم بحاجة واحدة ❤️

تحت شمس ، وأمام شارع عمر أفندي، يقف عم خالد كل يوم ممسكًا بالصحف، ينتظر المارة لعل أحدهم يتوقف ويشتري جريدة.

خالد إسماعيل محمد، رجل خمسيني قضى نحو 35 سنة من عمره بين الجرائد ورائحة الورق، متمسك بمهنته رغم إن الزمن اتغير، والناس بقت تعرف أخبارها من الموبايل ومواقع التواصل أكتر من الجرائد الورقية.

يقول عم خالد: "الجرنال بـ5 جنيه، معايا كل الإصدارات، باخدها من واحد هنا وأكل من وراه عيش".

بيبدأ شغله يوميًا من الساعة 3 العصر لحد 6، 3 ساعات فقط، وبعدها يرجع بيته بما رزقه الله به، ويستعد ليوم جديد بنفس الرحلة.

لكن وسط كل الجرائد اللي بيبيعها، فيه حكاية تانية شايلها عم خالد جواه.. ابنه الوحيد، اللي بيقول عنه: "ابني ولد وحيد على بنات، ابني تعبان.. نفسي ربنا يشفيه ليا بس، ده طلبي الوحيد".

الجملة دي يمكن تختصر كل حكاية عم خالد.. رجل بيقف في الشارع 35 سنة عشان يأكل من شغله بالحلال، لكن كل اللي نفسه فيه في النهاية مش مكسب أكبر ولا زباين أكتر.. نفسه يشوف ابنه بخير.

كل يوم بيحط الجرائد قدامه، ويمكن مكسبه بسيط، لكن عنده أمل كبير.. إن ربنا يرزقه شفاء ابنه، ويعود بيته بقلب مطمئن.

ربنا يشفي ابن عم خالد ويطمّن قلبه عليه، ويرزقه من واسع فضله، ويبارك له في رزقه وتعبه. ❤️🙏

#المنوفية

23/08/2026

🕊️ خرجت تشتغل عشان تشحن كارت الكهرباء.. لكن ما رجعتش
في حكاية وجع جديدة من حـ.ـادث عمال كفر داود، تقف قصة «الست محجوبة» شاهدة على قسوة الحياة وفقدان الأم التي خرجت تبحث عن لقمة العيش لأجل بيتها.
محجوبة خرجت يوم الحـ.ـادث للعمل، وكانت كل أمنيتها أن تعود إلى منزلها بما يكفي من المال لتدبر احتياجات أسرتها، ومن بينها شحن كارت الكهرباء الذي انقطع عنه التيار.
لكنها لم تعد...
انقلبت سيارة العمال التي كانت تستقلها على طريق كفر داود – البريجات، لتنتهي رحلة محجوبة إلى العمل بالمـ.ـوت، وتترك خلفها أسرة فقدت من كانت تسعى كل يوم من أجلهم.
وبعد معرفة قصة الأسرة، جاءت شركة جنوب الدلتا لتوزيع الكهرباء بموقف إنساني، حيث تم شحن كارت الكهرباء الخاص بمنزل محجوبة بـ500 جنيه وإعادة التيار الكهربائي للمنزل، في لفتة بسيطة في شكلها، لكنها كبيرة في معناها.
💔 محجوبة خرجت تدور على رزقها.. وكانت عايزة ترجع تشحن النور لبيتها، لكن القدر سبقها.
رحم الله محجوبة وجميع ضحايا الحـ.ـادث، وربط الله على قلوب أسرهم، وجزى كل من وقف بجانبهم خيرًا. 🤲🖤
#المنوفية #محجوبة

21/08/2026

الدكتور أسامة موسى.. حكاية كفاح بدأت من كلية التجارة وانتهت بأستاذ في كلية الآداب
الدكتور أسامة موسى، ابن قرية طوخ طنبشا بمركز بركة السبع.. واحد من الناس اللي لما تعرف حكايته، تعرف فعلًا يعني إيه كفاح.
بدأ حياته من كلية التجارة، وبعدها التحق ضابط احتياط بالجيش المصري، لكن حكايته مع العلم ماوقفتش هنا.
انتسب لكلية الآداب بجامعة المنوفية، وبعدها أصبح معيدًا فيها، وفضل يكمل طريقه خطوة بخطوة، لحد ما وصل لدرجة أستاذ بالكلية.
الطريق ماكانش سهل، والظروف الاجتماعية والمادية كانت صعبة.. لكن الدكتور أسامة كان دايمًا عنده أمل وتفاؤل، وماخلاش قلة الإمكانيات تقف بينه وبين حلمه.
حياته كانت مثال حقيقي إن الإنسان ممكن يبدأ من ظروف صعبة جدًا، لكن بالإصرار والأمل يوصل لمكان ماكانش حد يتخيله.
وكان دايمًا مؤمن إن الحياة من غير أمل مالهاش طعم، وإن الإنسان طول ما عنده أمل يقدر يكمل ويحقق اللي نفسه فيه.
النهارده ابن طوخ طنبشا الدكتور أسامة موسى مش موجود وسط أهله ومحبيه، لكن سيرته وحكايته في الكفاح هتفضل موجودة، وتفضل مثال لكل حد بيحاول يبدأ من الصفر ويوصل لحلمه.
رحم الله الدكتور أسامة موسى رحمة واسعة، وأسكنه فسيح جناته، وأنزله منازل الشهداء.
وإنا لله وإنا إليه راجعون.ح