Drpinky Designs

23/11/2021

لوجو جديد ل Golden makeup 🥰🥰
قولولي رأيكم 😍
وحطوا كومنت عشان يوصلكم عروض الكريسماس يمكن تكسبوا لوجوهات وبزنس كارت وطباعه مجانية 😉

#فوتوشوب

02/07/2020

ايه هي المسؤليه الاجتماعيه للمشروع ؟؟
لو عندك مسؤلية اجتماعيه للمجتمع الموجود فيه مشروعك شاركينا !! 🥰

25/03/2016

طموحك وترتيب افكارك وايمانك بامكانياتك وسد اذانك عن المجتمع اللي حواليكي ده ٧٠٪ من بدايه طريقك لنجاح مشروعك
كوني واثقه ... كوني حررررره :)

24/03/2016

النهارده حابه نتكلم مع بعض عن المشروعات المنزليه
ايه رايكم نشوف ايه اكتر مشروع بتفضلوه وننزل دراسه ليه مفصله ؟؟

07/12/2015

بسم الله الرحمن الرحيم

النهارده حبيت اني ابتدي معاكم من درس مهم جدا يمكن اهم من القواعد الاساسيه لدراسه جدوي المشروع

طيب الدرس ده هيفيد مين ؟

هتستفادي لو كان قرارك انك تشتري بضاعتك عن طريق الانترنت وعشان القرار ده يمشي معاكي زي ما انتي عايزه ان شاء الله في حبه خطوات مهمه جدا لازم تلتزمي بيها
سواء كنتي هتشتري من جوه مصر او بره مصر وطبعا هتدفعي عن طريق الفيزا

طيب هنستخدم الفيزا ازاي في الشراء ؟؟

طبعا في كتير مننا عنده حساب جاري في البنك او حساب توفير و الحسابات دي بتستلمي معاها بطاقه الفيزا كارد سواء كانت
visa hاو master card

وهنا بتيجي الخطوره

اوعي تستخدمي فيزا مفتوحه علي حسابك في الشرا من الانترنت ابدا

طيب انا هعمل ايه ؟؟
انتي بتروحي البنك بتعملي فيزا انترنت لوحدها واسمها في البنوك prepay card
دي فيزا بتستخدم مخصوص للشراء من الانترنت وبيبقي ملهاش حساب ومصاريف اصدارها بتبقي حوالي 15 جنيه وبتستلميها في نفس اليوم

بدايه مشروعك منين ( قواعد الشراء من الانترنت ) 1

طيب انا هحط فيها فلوس قد ايه ؟

اوعي تسيبي في الفيزا دي مبلغ كبير خليها دايما علي الصفر
ووقت ما تقرري الشرا بتغطيها بالمبلغ بالظبط

يعني ايه ؟

يعني انتي مثلا قررتي انك تشتري بكره موبايل بالف جنيه
بتروحي البنك او من اي ماكينه ايداع بتحطي الالف جنيه فقط وتروحي البيت تشتري عادي وبكده الرصيد هيرجع صفر تاني

طب ليه كل ده ؟؟
لان استخدام الفيزا عن طريق الانترنت بيبقي فيه خطوره كبيره وبيبقي معرض باستمرار للقرصنه او سرقه بيانات الحسابات مهما كان الكارد ليه اجراءات حمايه

طيب وكده مش حرام ؟ لان فيزا بنك فيصل مش بتشتري من الانترنت مثلا

هقولك انك مش بتتعاملي مع البنك في اي حاجه ولا بتحطي فلوس فيه ولا بتاخدي منه حاجه ولا بتدفعي فوايد او اي حاجه
البنك هنا مجرد وسيط بينك وبين البائع اللي هتشتري منه
وبكده خلصت اول خطوه ومن اهم خطوات الشراء من الانترنت
ونكون اتعلمنا من الدرس ده :
1- ازاي بنعمل فيزا انترنت
2- ازاي نحمي حسابنا الجاري من خطر السرقه لو استخدمنا الفيزا بتاعته في الشراء من الانترنت

وانتظروني ان شاء الله في الدرس القادم وهنتعلم فيه الخطوات التفصيليه للشراء من موقع امازون والايباي وازاي نخفض تكاليف الشحن لمصر
و ازاي نشتري البضائع اللي اصحابها مش بيشحنوها لمصر وتوصلنا باقل تكاليف ممكنه

03/12/2015

انتظروني في اولي افكار ودراسات لمشروعاتنا وكمان اي بنت عندها اي استفسار في مشروعها متترددش تراسلني او تتصل علي الرقم في بيانات البيدج

03/12/2015