02/12/2021
قصتة نجاح مبهرة 😍🏆
"في يوم من الايام هتتنمي لو انك كنت بدأت انهارده"
الكلام ده مجرد فضفضه مش اكتر 😊
انتا صاحب القرار.
سيبك من فلوس او شهره، لأ ده تغير ١٨٠ درجه في تفاصيل حياتك و طريقه تفكيرك و رؤيتك لكل حاجه حواليك و علاقاتك و مستقبلك.
انتا اللي بإيدك القرار و ده قرار هيتبني عليه مستقبلك ف هل هتاخد رأي الناس اللي حواليك اللي متعرفش حاجه !
ولا هتاخد رأي عم ضياء اللي هو اكتر شخص سلبي في حياتك !
ولا هتاخد رأي الشله اللي لحد انهارده مش عارفين تتفقو كلكم مع بعض علي خروجه 😅 !
جرب كده خد رأي الناس في اي خطوه هتعملها و قولي ايه الردود 🙃 ؟
هتلاقي ان الردود ٦٠٪ منها احباط، و ٣٠٪ ابن مرات خالي عملها قبلك و فشل، و ٥٪ ربنا معاك 😅
من الاخر قرار التغير بيبدأ من عندك انتا وانتا اللي في ايدك تكون شخص ناجح و قدوه حسنه لناس كتير.
الصوره اللي علي اليمين دي كانت سنه ٢٠١٥ السنه اللي اخدت فيها قرار التغير للشخص اللي في الصوره اللي علي الشمال ده.
و طبعا زى اغلب الشباب في سني لما اتعرضت عليا فيجور كانت مشكلتي في حاجتين (فلوس و علاقات) 🙃
و لما روحت لكام واحد من اصحابي اخد رأيهم في الموضوع طبعاً سمعت نفس الكلام اللي اغلب الناس بتسمعه و كله متفق علي كلمه #فكك.
و بالفعل صرفت نظر عن الموضوع لمده اسبوعين و خلاص كملت حياتي طبيعي كأني مروحتش المقابله اصلاً.
لحد محصل معايا موقف في مستشفي و كنت محتاج فيه فلوس و علاقات تساعدني و اكتشفت اني لازم اتصرف في فلوس، و بدأت فعلا ادور علي حلول و اتشقلب علشان اعرف اجيب فلوس، و في نفس الوقت بدأت ابني علاقات تانيه مع ناس تانيه لان لو كنت وقفت عند اصحابي بس مكنتش هعمل حاجه ..
و في وسط كل ده جه قدامي اعلان فيجور و قعدت افكر و قولت طب منا لو كنت بدأت مكنش زماني بتشقلب كده دلوقتي و طالما كده كده عرفت اتصرف في الفلوس علشان احل مشكله المستشفى طب مكنت اتصرفت من الاول بس المره دى علشان اغير اللي انا فيه ده.
و فعلا عملت كده و اتصرفت و بدأت و اشتغلت و الحمد لله ربنا كرمني ووصلت لحاجات كتير كان نفسي احققها في حياتي مش بس فلوس، لأ فهمت يعني ايه عيله و يعني ايه ناس بتساعد بعض حتي لو مفيش مصلحه و اتعلمت حاجات كتير لو كنت فضلت طول عمري مكنتش هتعلم ربع اللي اتعلمته.
الغرض من الكلام ده هو انك بإيدك القرار مش بإيد حد تاني لانك لا قدر الله لو فشلت مش هتلاقي حد جمبك.
ده قرارك و دى حياتك انتا اللي هتعيشها.
😍💰
