08/02/2026
اللي بدأ كفكرة صغيرة… وصل لمرحلة لازم يقف عندها
بعد تفكير كبير، حابب أقول إنMedia Buyers Meetup Community اللى فات كان فعلًا آخر تجمع بالشكل اللي عرفناه.
التجربة دي كانت قريبة لقلبي.أكتر من 25 تجمع في القاهرة والإسكندرية،
وأكتر من 600 شخص حضروا، اتكلموا، وساعدوا غيرهم من غير مقابل.
بدأنا من لا شيء تقريبًا…
بقى دايرة كبيرة،
وبقى ناس عرفت بعض،
وصداقات اتكوّنت،
وعلاقات شغل بدأت من قعدة بسيطة وكوباية قهوة.
ناس كانت بتيجي لوحدها،
وبتمشي وهي حاسة إنها وسط عيلة فاهمة نفس الوجع ونفس الشغف.
بدأنا من لا شيء تقريبًا…
بفكرة بسيطة وحضور 9 أشخاص.
ومع الوقت كبرنا، مش بالعدد بس، لكن بالثقة والعِشرة اللي اتبنت.
أنا ممتن جدًا لكل شخص حضر،
ولكل حد شارك تجربة أو معلومة،
ولكل واحد اختار يساعد غيره بدل ما يحتفظ بكل حاجة لنفسه.
هل دي نهاية؟
هي نهاية مرحلة.
ويمكن ربنا ييسر ونرجع بشكل مختلف، أنضج، أو بفكرة جديدة تناسب الوقت اللي جاي.
لكن لحد اللحظة دي…
Media Buyers Meetup وصل للنقطة اللي كان لازم يقف عندها.
شكرًا إنكم كنتوا جزء من الدايرة…
وجزء من الرحلة 🤍
