14/11/2023
تعالا اعرفك ازاى حققت 800 ألف ريال ببادجت 35 ألف ريال !؟
فى حكايتنا هنا قدرنا نوصل تقريبا 3 أضعاف أعلى تارجت العميل
حاولت ابين تفاصيل كتير، فلو بتحب التفاصيل وعايز تعرف كل حاجه خليك معايا
في البداية لازم تعرف ان اقصى رقم العميل وصله كـ مبيعات هو 300 الف ريال ودا طبيعى لان النيتش بتاعه دهب ومجوهرات
اللى سبق واشتغل علي النيتش دا هيعرف ان مش بسهولة انت تشترى دهب اونلاين وهكذا اى حد زيك
وكمان منتجات كتيير جدا ومفيش قطعه تقريبا متكرره
ونيجى بقى للمشاكل فى الاعلانات نفسها وهقولك ازاى حليتها:
1- سناب شات كانت هى اكتر منصة وينر معايا وكانت المشكلة ان الاكونت مش بيعمل كوليكتينج للداتا اللي جاية من البيكسل وبكدا طبعا مش هقدر اعمل ريتارجت تاني دا غير مشاكل تانية فى الاسكلينج وفى نفس الوقت كان صعب نتنازل عن الاكونت الرئيسى بتاعه
2-كان فيه كمية Abandoned ATC-Check out كبيرة جدا
3- مش مسموح استخدام الموسيقى - ولازم توجهات صعبه من العميل على التصميمات المستخدمة
4- دخلنا على المواسم وسعر CPP بدأ يعلى تدريجى
بدأت احل المشاكل دى
1- اول حاجة روحت علي ياندكس وبدات اشوف الدروب اللي بيحصل دا بيحصل بسبب ايه راجعت الفانل في الداشبورد لقيت ان كل حاجة كويسة لحد ما بيوصل للـ Checkout وزى ما قلت للاسف اني كنت شغال اكتر حاجة علي سناب وكان فية مشكلة ف تجميع الداتا
فخلينا فى اعتمادية كبيرة على ال CRO فمثلا شغلت واتساب ابلكيشن بحيث ان اي حد يعمل اضافات للسلة ويعمل تشيك اوت وما يكملش السلة بقينا نبعتله رسالة بعدها بساعتين بتذكير بشكل لطيف وبعد اسبوع رساله تانية بخصم .. وعلى قد بساطه الحل بس قلل 50% من السلات المتروكة.
2- بالنسبة لسعر المبيعة بدأت استخدم اكتر من تكنيك للـ Bidding : مثال شوفت المتوسط بتاع الاكونت ولعبت عليه Max bid ودا خلي الـCPP معايا تقل بنسبة 20% تقريباً.
"بالنسبة لباقي حلول المشاكل هتكلم عليها وانا بحكي المنصات اللي اشتغلت عليها"
افضل المنصات معايا كانت بالترتيب:
سناب شات (للقطع الغالية والنادرة)
جوجل (للقطع الغالية والسبائك والعملات الدهبية)
تيك توك (للتريندى)
انستا (سبائك)
1-Snapchat:
افضل نتايج كانت من الاستراكشر دا:
Camp - 2 ad set - 2 ِAD (video-design)
goals “click - purchase”
نصيحة لو الاكونت جديد جرب goal click فى كامبين conversion بس يكون فى وقت غير المواسم .
وزى ما قلت في البداية ان المنتجات كانت بتخلص ع طول فا كنت بضطر انى اوقف الكامبين واشغل واحدة جديدة
ف جمعت المنتجات الوينر اللي موجودة وحطيتها ف Product set فـ كتالوج كامبين ( برشحها لأي حد عنده منتجات كتير وينر لانها فعالة جداً )
وطلعت عليها والحمد لله نزلت الـ CPP حوالى 50% كمان.
2-Google ads:
كنت مشغل كامبين قبل كدة سيرش وكامبين Per. Max بس كانت من غير ميرشانت
ضفت ميرشانت لجوجل ادز
- حللت كل الحملات السابقة واخدت كل Assets الناجحة من الكامبين القديمة (Headlines - Description - Designs) وطلعت عليها كامبين بيرفورمانس جديدة
والحمد لله زى ما كنت متوقع بدأت تظهر نتايج حلوة جدا والـROAS وصل فيها لـ 20x
كل دا يخلينى اكسب أكتر من اللى كان العميل يحققه ب 200 ألف مثلا
بس انا كنت عايز اكسبه اكتر بكتير
فقررت انى اشتغل انى ارفع متوسط السله AOV ودى الخطوات اللى خدتها:
بدات اطلع كامبين خاصة بسبايك الذهب وركزت فيها اكتر علي السبايك ف كل حاجة ودا كان سبب كبير ف اني ارفع الAOV من 800 ريال ل 1178 ريال
عملت كامبين تالتة وعملت فيها custom segment وحطيت فيها لينكات المنافسين وجمعت كل الكيوورد من علي الاكونت نفسه وطلعت عليها وبردة الحمد لله بدات تجيب نتايج حرفيا من تالت يوم
3-TikTok:
طلعت اتنين كامبين واحدة سمارت علي فيديوهات ف البابليك بروفايل والتانية علي الفيديوهات الوينر اللي معايا من سناب
بعد يومين وقفت الكامبين العادية وسبت ال smart لانها كانت جايبالي افضل نتايج
ودا كان بيخلينا نحرق بيع قطع كتيره بس سعرها قليل بيسموها (خفايف).
4-Insta:
جمعت الكريتيف الوينر معايا من المنصات التانية
وطلعت كامبين advantage+shopping
وكان هدفى هنا انى اكون موجود حوالين العميل فى كل المنصات ودا فعلا جاب غرضه
وصل الROAS ل 12.6 للمنصة دى بس بعد ما كانت ال History بتاع الاكونت واقع جدا
وهنا تبقى وصلت لنهاية الرحلة
مبيعات 800 الف ريال بعد ما كانت 300 ألف
الـ AOV من 800 ريال ل 1178 ريال
مصاريف اعلانات 35 ألف ريال بعد ما كانت بتعدى الـ 40 ألف
شغلنا 4 منصات بعد ما كانت منصتين بإجمالى ROAS = 22x
سلات متروكة أقل بـ 50%
ويا رب أكون قدرت أفيدك
