Lunes 09:00 - 14:30 Martes 09:00 - 14:30 Miércoles 09:00 - 14:30 16:00 - 19:00 Jueves 09:00 - 14:30 16:00 - 19:00 Viernes 09:00 - 14:30

Undodez

Producimos desde Galicia para todas as pantallas pensando no público. Comprometidos coa cultura e a lingua. A serie de animación 'Pipo' é o noso último traballo.

Camiñamos cómodos na produción de ficción, en especial de comedia, e de entretemento e documental sobre historias relacionadas co lugar do que somos e no que queremos traballar. Contamos con outras dúas liñas de produción especializada: de publicidade, e de animación en galego para primeiras e primeiros espectadores. Comprometémonos coa cultura e a lingua do noso país prestando atención aos contidos que contribúen a dar a coñecer noso patrimonio.

18/06/2026

🎬 Ao son da nova regueifa continúa o seu camiño e suma un novo fito.

O documental vén de ser seleccionado na V Muestra de Cine Documental Musical de Gijón, que se celebrará na cidade asturiana este mes de agosto.

Esta será a súa primeira selección oficial nun festival, un recoñecemento que permitirá levar a regueifa e a tradición da improvisación oral galega a novos públicos e espazos de exhibición.

‘Ao son da nova regueifa’ participará na V Muestra de Cine Documental Musical de Gijón, a súa primeira selección oficial en festival.

16/06/2026

O Festival Ría de Vigo presenta ‘Millonarios’ 💰, o regreso de Touriñán e Eva Iglesias xuntos á TVG.

🎬 A nova comedia da canle pública presentouse en exclusiva durante a gala de clausura do certame. O primeiro episodio puido verse por primeira vez nun evento que reuniu profesionais e público arredor das principais novidades do audiovisual.

'Millonarios', a nova comedia producida por Undodez para a TVG e protagonizada por Xosé A. Touriñán e Eva Iglesias, presentouse o pasado venres.

12/06/2026

🪗 ‘Ao son da nova regueifa’ chega a berlín da man do Ciclo Mestre Mateo

O vindeiro 16 de xuño ás 19, terá lugar a primeira proxección internacional do documental, dentro da edición exterior do Ciclo Mestre Mateo do Cinema Galego. A sesión será de balde e está organizada pola asociación ‘De Berlín Son’ en colaboración coa Academia Galega do Audiovisual e a Xunta de Galicia 📽️

'Ao son da nova regueifa' terá a súa primeira proxección internacional o 16 de xuño en Berlín, no Ciclo Mestre Mateo de Cinema Galego

27/05/2026

🪗 ‘Ao son da nova regueifa’ chega mañá a Ourense para pechar a 10ª Primavera Musical do Cineclube Padre Feijoo.

O documental proxéctase ás 20.30 no Café Cultural Auriense, nun ciclo dedicado ao cinema musical e á creación sonora en todas as súas formas. A sesión será de entrada libre.

'Ao son da nova regueifa' proxéctase en Ourense no peche da 10ª Primavera Musical do Cineclube Padre Feijoo, cunha sesión de balde ás 20.30.

13/05/2026

🎬 O videoclip de ‘Vilardevós’, producido por Undodez para Alana xunto a PAN.SEN.FRON, vén de ser seleccionado na sección oficial do concurso de videoclips do Festival de Cans 2026.

A peza, dirixida por Einibó, formará parte dunha selección que reúne algunhas das propostas audiovisuais e musicais máis destacadas da escena galega actual 🎶

O videoclip de ‘Vilardevós’, producido por Undodez para Alana e PAN.SEN.FRON, competirá na sección oficial de videoclips do Festival de Cans.

06/05/2026

🎬 ‘Ao son da nova regueifa’ chega ao Festival MARCO

A proxección formará parte da programación desta mostra de arquitectura rural contemporánea, e terá lugar o vindeiro 8 de maio ás 12.30 no Centro Sociocultural de Vedra.

Dirixido por Manolo Maseda e Saúl Rivas, o filme continúa o seu percorrido público achegando unha mirada actual sobre a regueifa, entre tradición e contemporaneidade, nun contexto que conecta cultura, territorio e comunidade.

O documental producido por Undodez, 'Ao son da nova regueifa' proxectarase o vindeiro 8 de maio no Festival MARCO de Vedra.

16/04/2026

🎬 ‘Pipo’ chega ao Carballo Interplay 2026

A serie infantil de animación producida por Undodez formará parte da programación da XIII edición do Carballo Interplay, cunha proxección especial este xoves 16 de abril ás 18.30 na Biblioteca Rego da Balsa (Carballo).

Dirixida a crianzas de 3 a 7 anos, a sesión achega ao festival unha proposta pensada para o público máis pequeno dentro dunha programación que converte Carballo nun dos epicentros da creación dixital en Galicia.

‘Pipo’, creada por Laura Mahía e Andrés Mahía, conta a historia de Berta e dun pequeno extraterrestre que transforma o seu día a día nun espazo de descubrimento, humor e imaxinación 🌟

A serie infantil ‘Pipo’, producida por Undodez e TVG, formará parte da programación do Carballo Interplay 2026 cunha proxección o 16 de abril

02/04/2026

🎬 ‘Ao son da nova regueifa’ chega á Semana do Cinema Galego

O noso documental formará parte da programación da sétima edición desta cita co audiovisual galego, cunha proxección o vindeiro 9 de abril ás 21.00h na Domus (A Coruña).

Unha nova oportunidade para descubrir unha viaxe pola regueifa contemporánea, entre tradición e modernidade, a través das voces que a manteñen viva e a transforman cada día.

A Semana do Cinema Galego, impulsada pola Academia Galega do Audiovisual, reúne durante catro días algunhas das producións máis destacadas do noso cinema recente.

O documental ‘Ao son da nova regueifa’ proxectarase o 9 de abril na Domus da Coruña dentro da Semana do Cinema Galego.

31/03/2026

🏢 Estreamos oficinas! Desde comezos deste ano traballamos nunha nova sede en Matogrande, na Coruña, deseñada polo arquitecto César García Piñeiro, do estudio ELÓ?

🌿 Un local pensado sobre os criterios máis avanzados de eficiencia enerxética, en cuxa reforma participaron a carpintería Alfonso García González, Cristalería Bello, Iván Mira (albanelería), Aplidec2003 (pintura e aplicacións), Clifrimen (climatización), Sagova (electricidade) e Mástil Rotulación.

🖥️ Doce postos de traballo nun espazo aberto e dúas salas de reunións en dúas plantas, que complementan ás nosas instalacións no Polígono Industrial de Bergondo, con seis postos de traballo e almacén.

Ainé e Undodez estrean oficinas no barrio coruñés de Matogrande, complementadas coas instalacións do Polígono Industrial de Bergondo.

27/03/2026

🖥️ Un novo espazo para ver o que facemos

En Undodez lanzamos 'Pantalla', un apartado na web no que reunimos os contidos producidos por nós e dispoñibles en aberto en distintas plataformas.

Series como 'Pipo' ou 'Bibopalula', programas como 'Recollendo Músicas' ou 'Nosoutras', ficción, videoclips… todo nun mesmo sitio, ordenado e fácil de explorar 🔍

O proxecto responde a unha vontade clara: facer máis accesible a cultura que produce 🎞️

Undodez lanza ‘Pantalla’, un novo espazo na súa web que reúne os seus contidos dispoñibles en aberto e facilita o acceso aos mesmos.

Dirección

Enrique Mariñas 32G, 2º
A Coruña
15009

Horario de Apertura

Lunes	09:00 - 14:30
Martes	09:00 - 14:30
Miércoles	09:00 - 14:30
	16:00 - 19:00
Jueves	09:00 - 14:30
	16:00 - 19:00
Viernes	09:00 - 14:30

Página web

http://www.undodez.gal/

Notificaciones

Sé el primero en enterarse y déjanos enviarle un correo electrónico cuando Undodez publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Atajos

¿Quieres que tu empresa sea el Empresa De Publicidad Y Marketing mas cotizado en A Coruña?