AZK

27/11/2025

ARO BERRI BATEN HASIERA!

Hilabeteetan zehar eraberritze prozesu batean murgilduta egon gara, eta gaur, AZK marka berritua argitaratu dugu. Gure xedea argia da: zure markak bere ahots propioa aurkitzea eta bere historia belaunaldiz belaunaldi iraungo duen aztarna bihurtzea.
Instagramen eta Linkedinen jarrai gaitzakezue gure lanen berri izateko.

🔗https://azk.eus/

Webgune honek cookie-ak erabiltzen ditu kontsumitzaileari ahalik eta esperientzia onena eskaintzeko asmoz. Cookie informazioa zure bilatzailean gordetzen da funtzio zehatz batzuk betetzeko, hala nola, gure webgunera itzultzean zu ezagutaraztea eta zuretzat gure webguneko atal interesgarri eta erabil...

10/12/2024

Txatxilipurdi aisialdi elkarteak markaren eraberritze prozesua baliatu du identitate bisual berria oinarri berri baten baitan eraikitzeko, eta oinarri horretarako analisi sakona egiteko bere ekosistema osoarekin, modu partehartzailean.

Prozesu osoaren helburu nagusia da Txatxilipurdiren nortasuna eta gaur egun den horretan oinarritu eta etorkizuneko erronkekin konektatzea. Horretarako, marka nortasun berria bere osotasunean landu dugu AZKtik: analisia, marka plataforma eta identitate bisuala.

05/12/2024

🎧Tipografia, kaligrafia, lettering eta komunikazioa.

Jon Zabalegui diseinatzaile grafikoa gonbidatu dugu podcast honetara. Letra-artista bezala definitzen du bere burua eta berak eskuz sortutako letrak bai Euskal Herriko eta baita nazioarteko komunikazio-kanpainetan ere ikusi ahal izan ditugu.
Tipografia, lettering, kaligrafia… termino guzti hauen inguruan eta horien atzetik dagoen sormen prozesuaz mintzo zaigu.

Entzun podcasta! 🎧 https://open.spotify.com/episode/2ZvzqVjw3pVqcL2GN91EUn

22/11/2024

Unibertsitatea publiko potentzialarengana gehiago hurbiltzeko asmoarekin, Mondragon Unibertsitatearekin elkarlanean bi Graduko Azoka antolatu genituen urrian, bata Bilbao AS Fabriken eta Donostiako Kursaal Jauregian, bestea. Gazte eta familia asko hurbildu ziren azoketara eta bertan, graduetako koordinatzaileekin pertsonalki hitz egiteko aukera izateaz gain, hitzaldiak eta bestelako ekimenak ere antolatu ziren. Lehenengo aldia zen unibertsitatea kalera ateratzen genuela modu honetan eta ekimena oso arrakastatsua suertatu zen, jende asko hurbiltzeaz gain, formatuarekin ere asmatu genuelako.

11/11/2024

⚪🔴 Bilbo gero euskaldunagoa izateko helburuarekin, ‘Euskara Nonahi’ kanpaina sortu dugu Bilboko Udalarekin elkarlanean. ‘Euskara Nonahi’ lelopean, Udalak Bilboko 17 euskaltegietan matrikulatzera animatu nahi ditu hiritarrak. Horretarako, hainbat euskarri eta aplikazio diseinatu ditugu, zabaldu nahi den mezua leku bakoitzean modu argien eta egokienean islatzeko.

Kanpainaren irudi nagusia Bilboko plano bat da, non euskaltegi guztien kokapena markaturik azaltzen den; bai leloarekin, eta baita irudiarekin ere, adierazi nahi da aukera eta azpiegitura ugari daudela bilbotarren eskura euskara ikasteko edoeta bere ezagutzan sakontzeko. Kanpaina une eta formatu askotan egon da ikusgai irailean zehar, urian han eta hemen: Bilbobuseko autobusetan eta markesinetan, Bilbao Udaleko sare sozialetan eta hedabideetan, barrutietako udaltegietan, kiroldegietan eta ikastetxeetan.


Bilbao Udala - Ayuntamiento

08/11/2024

Jon Zabalegui letter artist nafarrarekin ikastaroa izan dugu gaur AZK-n. Jonek bere lana erakutsi digu eta ondo ikasi dugu kaligrafia, lettering eta tipografiaren arteko desberdintasunak zein diren, baita horietako bakoitza nola eta noiz erabili ere.

Irudiez haratago, letrak berak ere berebiziko indar komunikatiboa izan dezake eta ederki ikusarazi digu hori Jon Zabaleguik. Mila esker!

11/10/2024

Erronka handia daukate gaur egungo erakunde publikoek euren identitate marka eguneratu eta eraberritzeko. Duela hilabete batzuk Eibarko Udalarekin elkarlanean bidaia polita abiarazi genuen, duela 20 urte sortutako Eibarko Udala marka berrizteko. Erronka handia izan da AZKrentzat Eibarko herriaren beharrak identifikatu, ulertu, bereganatu eta marka berri batean islatzea.

Ereindako lanak bere fruituak ematen ditu, eta dagoeneko argitara atera dira marka berria, marka eskuliburu fisikoa eta baita marka eskuliburu digitala ere. Bisitatu ezazu webgunea eta ezagutu proiektua gertutik: www.eibar.eus/identitatekorporatiboa

03/10/2024

Igor Leturia hizketa-teknologien arduraduna da Orai NLP Teknologiak zentroan eta honetan adimen artifiziala eta hizkuntzez aritu da.
🗣️ "Sare neuronal sakonek ahalbidetu dute emaitza oso onak lortzea euskararekin arlo askotan", dio.

Entzun podcasta! 🎧 https://open.spotify.com/episode/0jyS1YDj1zXBLWcbQa8P1S

27/09/2024

🎞️ Zinemaldian jende asko Donostiara hurbiltzen da eta, egun horietan, joan-etorri asko hiri barruan egiten dira. Une egokia da, beraz, hiritarrei eta bisitariei gogorarazteko ohitura jasangarriei eusteko garrantziaz.
Hau dela-eta, 2024ko Festival de San Sebastián - Donostia Zinemaldia|n garraio publikoaren eta txartelaren erabilera sustatzeko, 'Bizi Zinemaldia Gurekin' kanpaina jarri du abian Gureak Marketing enpresak, AZKrekin elkarlanean.
Mezu hori hirian zehar zabaltzeko, poltsak, motxilak, abanikoak, kuboak, photocall gunea eta era askotako mechandising gaiak diseinatu ditugu, Miren Barrenetxea Iñarra AZK-ko kidearen ilustrazioetan oinarrituta. 🚌 Aurtengo Zinemaldian, utzi autoa garajean eta gozatu zineaz!