24/09/2026
Poderíamos aproveitar este aniversario para falar de todo o que fixemos, dos proxectos nos que estivemos, das marcas que acompañamos ou das cousas que aprendemos polo camiño.
Pero preferimos facer outra cousa:
Escoitar.
Porque se algo intentamos que defina o noso traballo é que o valor que achegamos non está tanto en dicir como en facer. E antes de facer, hai que escoitar.
Hoxe, ademais, escoitar cobra máis sentido ca nunca.
Por iso este aniversario é unha escusa para retomar o contacto con persoas, marcas e proxectos cos que tivemos a sorte de traballar. Non para falar de nós, senón para preguntarlles como lles foi.
Como é vivir baixo un proxecto que coida moito o que fai, o que di e o lugar que quere ocupar no mundo.
E tamén falar das cousas difíciles. Do que custa emprender. Do que custa soster unha marca comprometida coas persoas. Do traballo invisible das persoas que están detrás desas transformacións e que, moitas veces, tamén precisan ser coidadas.
Así que activamos o noso contestador e os nosos oídos.
Porque, como dicía Jose Luis Sastre hai unhas semanas: “hoxe máis ca nunca toca militar na atención”.
Decidir onde poñemos o noso tempo. A que voces prestamos atención. Que queremos escoitar de forma deliberada e consciente.
E se estamos un pouco cansadas de escoitar sempre o mesmo, quizais toque abrir espazo a voces novas.
Pero tamén preguntarlles, e non esquecer, ás persoas que xa temos preto.
Hoxe militamos a atención con Tamara Novoa Alonso , de A Movida .
