Roba junior .kebe

14/08/2022

- ፍጹምነት ይሉት ነገር በየትኛውም የሕይወትህ ውስጥ ስለሌለ ፍጹምነት የመጨረሻው ደረጃ ነው፡፡ አዲስ ሥራ ለመጀመርም ይሁን የምትጠላውን ሥራህን ለመልቀቅ ወይም የእድሜ ልክ ምኞትህ የሆነውን ጉዞህን ለማድረግ የምትጠብቀው ፍጹም የሚባል ጊዜ የለም፡፡ ፍጹምነትን ትተህ አሁኑኑ ማድረግ መጀመር አለብህ፡፡ ውድቀትን ፍራቻ ስኬት ላይ ከመድረስ ወደ ኋላ እንዲያስቀርህ አትፍቀድለት፡፡

- በየትኛውም የሕይወት ክፍልህ ላይ ስኬትን መቀናጀት ከፈለክ ዕቅድ ልታወጣለት ይገባል፡፡ በራሱ ይሆናል በሚል ዝም ብለህ ተቀምጠህ ተስፋ በማድረግ የሚጨበጥ ነገር አታመጣም፡፡ የራስህ ሕይወት ፈጣሪው ራስህ ነህ፡፡ ይህ ማለት የየእለቱ ፣ የየሳምንቱ እና የየወሩ እቅድ ፈጣሪው አንተ ነህ፡፡

- በትንሹ መጫዎት ትተህ በትልቁ ማሰብ ጀምር፡፡ ትልልቅ ግቦች እና ሕልሞች ለብዙ ሰዎች እብደት ይመስላቸዋል፤ በርግጥ ሰዎች ሕልሞችህን ሊያጣጥሉብህ እና ሊጠራጠሩህ ይችላሉ ታዲያ አንተ ምን አግብቶህ! በራስህ ላይ የተሰላ ኪሳራን ለመውሰድ ካልደፈርክ ሕልምህ አብሮህ ይሞታል፡፡ ከሀሳብህ አልፈው በፍጹም ወደ ገሃድ አይመጡም፡፡ ዓለምም ካንተ ልትጠቀም የምትችለውን ያህል አትጠቀምም፡፡ ሌሎችን ለመማረክ የምታደርገውን ሙከራ ትተህ ትልቅ ስኬትን ለመቀናጀት ወስን!

- ስኬትን መቀዳጀት ከፈለግክ ሰበቦችን መተው አለብህ፡፡ በሕይወትህ ላይ ለሚገጥሙህ መልካምም ሆነ መጥፎም አጋጣሚዎች ሁሉ ራስህን ተጠያቂ ማድረግ ጀምር፡፡

- በአንድ ለሊት የሚመጣ ሥኬት አልተፈጠረም ፤ አባባል ነው፡፡ የአንድ ለሊት ስኬት የሚመጣው ከዓመታት ያለመታከት ሕልምን ከመከተል ጥረት በኋላ ነው፡፡ ሎተሪ ለማሸነፍ ሳይሆን ግብህ ላይ ለመድረስ በየቀኑ የምታደርገውን መሻሻል ፈጽሞ አታቋርጥ፡፡

አስታውስ ስኬት ማለት ሁልጊዜ በሕይወትህ ላይ አንድ ነገር እየጨመሩ መሄድ ማለት ብቻ ሳይሆን፣ አንዳንድ ነገሮችን መተውም እንዳለብህ፣ ራስን ማስገንዘብ እና ስርዓት ማስያዝ መሆኑንም ማወቅም ነው፡፡ ስኬታማ ልማዶችን ገንባ እና ዙሪያህንም በአሸናፊዎች ክበብ!!!

መጽሐፍ በገበያ ላይ ውሏል።

06/08/2022

💪💯 አልሰራህም ማለት ነው!

💪💯 ካልተጠላህ ፣ የሆነ ሰው ካልተቸህ ፣ መነጋገሪ ካልሆንክ በእርግጥም ምንም አልሰራህም ማለት ነው ። ስራህ የሚያስወራብህ ፣ የሚያነጋግር ፣ መቀኞችህን የሚያናድድ ፣ ወዳጆችህን የሚያስደስት መሆን ይኖርበታል ። ልዩነት መፍጠሩን ከሃሳብ ትጀምራለህ ፤ በተግባር ትደግመዋለህ ። ከብዙዎች ጋር በተመሳሳይ እድገት ብታድግም ምርጫህ ግን ልዩነትን መፍጠር ይሆናል ። አስተውሎትህ በጨመረ ቁጥር ውሎህ ፣ አዳርህ፣ ጓደኛህ፣ ወዳጅህ ይቀየራል ።

💪💯 አዎ! ጀግናዬ..! አልሰራህም ማለት ነው! የማያውቅህ ሰው ያውራብህ ፣ አለመቻልህን ይናገር ፤ በማያገባው ይግባ ፣ ብዙ ያውራ ። ተፈላጊው ነገር እርሱ ነው ። ካልተወራብህ የተለየ ነገር እንዳረክ በምን ታውቃለህ? ነቃፊዎችህ አይናቸው ካልቀላ ፣ ዘወትር የቡና መጠጫ ካላደረጉህ ፣ ያንተ ስራ ትልቅነቱ የቱጋር ነው ? የጥላቻቸው ሌላኛው ትርጉም ምንድነው ? እነርሱ ማድረግ የሚፈልጉትን ነገር ግን ያልቻሉትን አንተ ስላደረከው ፣ ችለህ ስላሳየሃቸው ይጠሉሃል ፤ ይጠየፉሃል ። እርሱ ግን ላንተ ሃይል መሆኑን አያውቁትም ፤ ቢያንስ ዝም ቢሉ ጥሩ ነበር ግን አይችሉም ። ስለዚህ አንተም ለእነርሱ ሲሆን መስማቱን አትቻል ፤ አትስማቸው ።

💪💯 አዎ! የሰው ምላስ ያስፈራል ፤ "ምን ይሉኛል" ያሸማቅቃል ። እንዲወራብህ ካልፈለክ ፣ ስድቡን ፣ ትቺቱን ነቀፋውን ከፈራህ ሃሳብህን ይዘህ ፣ ህልምህን ታቅፈህ መቀመጥ ያንተ ምርጫ ነው ። የፈጣሪ ተዓምር ፣ የአምላክ ጥበብ ባንተ ላይ እንዲገለጥ ስትፈቅድ ብቻ ተዓምራቱን ታያለህ ፤ ድንቅ ስራውን ትመለከታለህ ። በስንት መድረክ ስትጠበቅ በትንሽ የመንድር ወሬ ተጠልፈህ ከወደክ አንተን ብቻ ሳይሆን ብዙዎችን የሚጠቅመውን ህልምህን ይዘህ ትጠፋለህ ።

💪💯 አዎ! እራስህን ተመልከት ፤ ስለማን ፣ ለምን ፣ ስንቴ ፣ በምን ጉዳይ በየቀኑ ታወራለህ ? ትኩረትህ ነቀፋ ነው ወይስ ሙገሳ ? ትቺት ነው ወይስ ምስጋና ? የአዎንታዊነትህ ማሳያ ሙገሳ ፣ ብርታትና ምስጋና ነው ። በእራስህም ሆነ በሌሎች የማብጠልጠልንና ፅንፍ የወጣ ትቺትን አስከፊ ገፅ በሚገባ ተመልክተሃል ። ወዳጅህ ሲደግፍህ ጠላትህ መውደቂያህን ሲያመቻች አይተህም ይሆናል ። እናም ጠላትህን የሚያስደግጥ ወዳጅህን የሚያስፈነድቅ ግሩም ስራ ከመስራት ወደኋላ አትበል ። ትቺት ፣ ነቀፋና ዘለፋ ልማዱ የሆነ ሰው የለመደውን ያድርግ ዘንድ ተወው ፤ አንተም ትልቁንና አስደማሚውን ህልምህን መኖርህን ቀጥል ። አለማቆምህን ሲያይ ሁሉም ዝም ይላል ፤ ከነቀፌታው ይገታል ፤ ተስፋ አለመቁረጥህን ፣ ብርታትህን ሲመለከት ስድቡን ያዝ ያደርገዋል ፤ ውጤትህንም ሲመለከት መከተሉን ይጀምራል ።
═════════❁✿❁ ══════

01/08/2022

እግዚኦ መሐረነ ክርስቶስ (ለምን እንላለን)



በቤተክርስቲያናችን ስርዓት ሁል ጊዜ ካህኑ እግዚአብሔር ከታሰራችሁበት ኃጥያት ማሰሪያ ይፍታቹ ሲሉ 12 ጊዜ እግዚኦ መሐረነ ክርስቶስና 12 ጊዜ ደግሞ በእንተ እግዝትነ ማርያም መሐረነ ክርስቶስ ያስብላሉ ። ካህናትና ምእመናን በጣቶቻችን እየቆጠርን ይህኑን 12 ጊዜ እንላለን ።
እግዚኦ መሐረነ ክርስቶስ ማለት አቤቱ ክርስቶስ ማረን ሲሆን በእንተ እግዝእትነ ማርያም መሐረነ ክርስቶስ ደግሞ ስለ እመቤታችን ማርያም ብለህ ክርስቶስ ሆይ ማረን ማለት ነው ።
አስራ ሁሉት ጊዜ መሐረነ መባሉ ለቀኑ 12 ሰዓት በእንተ እግዝእትነ ማርያም ደግሞ ለሊቱን 12 ሰዓት ሲሆን በአጠቃላይ በየሰዓቱ ለሰራነው ኃጥያት በሃያ አራቱ 24ቱ ሰዓት ምሕረት እናገኝ ዘንድ ነው።
ሌላው አስራ ሁለት ጊዜ የሆነበት ምክንያት፦
1ኛው በስመ ሥላሴ ነው በእያንዳንዱ ፊደል
አ ብ ወ ል ድ መ ን ፈ ስ ቅ ዱ ስ
፩ ፪ ፫ ፬ ፭ ፮ ፯ ፰ ፱ ፲ ፲፩ ፲፪
2ኛው የድህነታችን ምክንያት በሆነች በእመቤታችን ስም ፊደል ነው ።
ቅ ድ ስ ት ድ ን ግ ል ማ ር ያ ም
፩ ፪ ፫ ፬ ፭ ፮ ፯ ፰ ፱ ፲ ፲፩ ፲፪

#እግዚኦ መሐረነ

አቆጣጠረም እግዚኦ መሐረነ ሲባል በአውራ ጣት እየቆጠሩ ከጠቋሚ ጣት ወደ ታች ፣ ቀጥሎ በመሐል ጣት ወደ ላይ ከዚያም በቀለበት ጣት ወደ ታች ተደርጎ በማርያም ጣት /በትንሿ/ ጣት ወደ ላይ ነው ።
ከጠቋሚ ጣት ወደ ታች ~ አምላካችን ኢየሱስ ክርስቶስ እኛን ለማዳን ከሰማየ ሰማያት መውረዱን በዚህ ምድር መመላለሱን ሕማሙንና ሞቱን እናስባለን ።
መሐል ጣት ወደ ላይ ~ማረጉን ወደ ሰማይ መውጣቱን በቀለበት ጣት ወደ ታች ስንቆጥር ወደዚች አለም ለፍርድ መምጣቱን፤ በትንሿ/ ጣት ወደ ላይ ስንወጣ ደግሞ በትንሳኤ ዘጉባኤ ይዞን ወደ ሰማይ እንደሚያወጣን እያሰብን ነው።

በእንተ እግዝእትነ ማርያም መሐረነ ክርስቶስ
________________ ____________________
በእንተ እግዝትነ ማርያም ስንል አቆጣጠሩ ከትንሿ ጣት ወደ ታች ይጀመርና በጠቋሚ ጣት ወደ ላይ ይፈጸማል ይህም እመቤታችን ድንግል ማርያም ከትሕትና ወደ ልዕልና ከፍ ማለቷን የሚያሳይ ምሥጢር ነው ።

ብእንት ሲባል በትንሿ ጣት ወደ ታች የሚጀመር ራሷን ዝቅ አድርጋ የትህትናዋ ምሳሌ ስለሆነ ነው ከላይ ወደ ታች ሚጀመረው።

“ራሱን ከፍ የሚያደርግ ሁሉ ይዋረዳል፥ ራሱንም የሚያዋርድ ሁሉ ከፍ ይላል” (ማቴ 23፣12)

እንዲሁም የበእንተ እግዝእትነ ማርያም . . . ፍጻሜ ወደ ላይ የሚያልቀው ሚስጢሩ እመቤታችን በመቃብር አልቆየችም ወደላይ ዐርጋለች ለማለት ነው።

“ አቤቱ፥ ወደ ዕረፍትህ ተነሥ፥ አንተና የመቅደስህ ታቦት”
- መዝ 132፡8

ባሕረ ጥበባት ቅድስት ቤተክርስቲያን የምስጢር ጓዳ ናት

05/07/2022

(Self Confidence)
👉 ለማሳደግ የሚረዱ አስር ሙያዊ ምክሮች

ለራስዎ ያለዎት ከፍ ያለ ግምት ሌሎች እርስዎን የሚያዩበት መንገድ ጥሩ እንዲሆን ከፍተኛ ሚና አለው። በራስ የመተማመን ስሜት ሲኖርዎትም በተሰማሩበት ሥራ ላይ የበለጠ ስኬታማ እንዲሆኑ ከፍተኛ እርዳታ አለው።
ምንም እንኳን በራስ መተማመን ላይ ተጽእኖ የሚያሳድሩት ምክንያቶች ብዙዎቹ ከእርስዎ ቁጥጥር ውጭ ቢሆኑም፣ በራስ መተማመንን ለመገንባት የሚረዱ ብዙ ነገሮችን ማድረግ ይችላሉ። እነዚህን 10 ስትራቴጂዎች በመጠቀም ያልዎትን በራስ መተማመን ከፍ አድርገው ችሎታዎን በትክክለኛው ሁኔታ ሥራ ላይ ማዋል ይችላሉ።

1. አለባበስዎ ጥሩ ይሁን (Dress sharp)።
የእርስዎ አካላዊ ገጽታ እና አለባበስ ላይ ከማንም ሰው በላይ እርስዎ የቀረበ እይታ እና ግንዛቤ አለዎት። ስለሆነም፣ ጥሩ ሆነው እንደማይታዩ በሚሰማዎት ጊዜ፣ ከሌሎች ጋር የሚያደርጉት የሃሳብ ልውውጥ ሂደት ውስጥ ምቾት እንዳይሰማዎት ያደርጋል። ስለራስዎ ገፅታ ግን መልካም አመለካከት ሲኖርዎ ምቾትዎ ይጠበቅና ከሰዎች ጋር የሚያደርጉዋቸው ግንኙነቶች ላይ ልበ ሙል ይሆናል። የራስ ገፅታን ጥሩ ለማድረግ የሰውነትን እና የገላን ንፅህና መጠበቅ፣ ፀጉርን እና ፂምን በቅጡ መከርከም እንዲሁም በወቅቱ ተቀባይ የሆኑ ፋሺኖችን በማዎቅ እና አቅም በፈቀደ መልኩ መከተል ይረዳል። ይህ ማለት በልብስ ላይ ብዙ ገንዘብ ማውጣት አለብዎት ማለት አይደለም። ነገር ግን፣ ብዙ ርካሽ ልብሶችን ከመግዛት ይልቅ፣ ጥቂት የተመረጡ እና ከፍተኛ ጥራት ያላቸውን ዕቃዎች መግዛት አለባበስን ጥሩ ለማድረግ ከመርዳታቸውም በላይ ለረጅም ጊዜ ዘመናዊ ሆነው እንዲቆዩ ስለሚያደርጉ ረዘም ላለ ጊዜ ወጪን ይቀንሳሉ።

2. ሲራመዱ ፍጥነት በተሞላበት ሁኔታ ይራመዱ (Walk faster)።
አንድ ሰው ስለ ራሱ ያለውን ስሜት ለማወቅ ብዙዎች ከሚጠቀሙባቸው ቀላል መንገዶች ውስጥ አንዱ አረማመዱን መመርመር ነው። ዝግ ብሎ የሚራመድ ነው? ሲራመድ ድካም ይታይበታል? ወይስ ሃይል የተሞላ እና አላማ ያለው አካሄድ አለው? በራሳቸው የሚተማመኑ ሰዎች በፍጥነት ይራመዳሉ። አፋጣኝ የሆነ ጉዳይ ባይኖርብዎትም እንኳ ፈጠን ብለው በመራመድ የራስዎን መተማመን ከፍ ማድረግ ይችላሉ።

3. ሁሌም ጥሩ የሰውነት አቋም ያሳዩ (Have a good posture)።
በተመሳሳይ መንገድ፣ አንድ ሰው ሰውነቱን የተሸከመበት መንገድ ሰውየው ስላለው የራስ መተማመን ብዙ ይናግራል። የተጣበቁ ትከሻዎች እና የተልፈሰፈሰ እንቅስቃሴ የሚያሳዩ ሰዎች የራስ መተማመን ማጣትን ያሳያሉ። እራሳቸውን ከፍ አድርገው አይመለከቱትም። ጥሩ አቋም በማሳየት ግን በራስ መተማመን ይሰማዎታል። ቀጥ ያለ ሰውነት ይኑርዎ፣ ጭንቅላትዎን ወደላይ ከፍ ያርጉ፣ ከሌሎች ጋር ሲነጋገሩ የዓይን ለአይን ግንኙነት ያድርጉ። ይህንም ሲያደርጉ ሌሎች ላይ አዎንታዊ ስሜት ያሳድራሉ፣ እናም በፍጥነት የበለጠ ንቃት እና ኃይል ያሰማዎታል።

4. ለራስዎ ስለ ራስዎ ማስታዎቂያ ይስሩ (Do personal commercial)
ጠንካራ ጎኖችዎን እና ግቦችዎን የሚያጎሉ ከ 30-60 ሰከንድ የሚዎስዱ ንግግር ይጻፉ። ከዚያም በራስ የመተማመን ስሜት በሚፈልጉበት ጊዜ በመስታወት ፊት ለፊት በመቆም (ወይም ጭንቅላትዎ ውስጥ በማነብነብ) ለራስዎ ይንገሩ።

5. በምስጋና የተሞሉ ይሁኑ (Have gratitude)
ምስጋና ሊሰማዎት የሚያነሳሳዎትን ነገሮች ሁሉ በአዕምሮዎ ውስጥ በመዘርዘር የሚያስቡበት ጊዜ በየዕለቱ ይመድቡ። ያለፉትን ስኬቶችዎን፣ ልዩ ችሎታዎችዎን፣ ወዳጆችዎን እና አዎንታዊ እንቅስቃሴዎን ያስታውሱ። ምን ያህል እርቀት እንደመጡም ለመገንዘብ ይረዳዎታል፣ ወደ ቀጣዩ ደረጃ ወደ ስኬት ለመሄድም በእጅጉ ያነሳሳዎታል።

6. ለሌሎች ሰዎች ስለ ጥሩ ስራቸው አድናቆትን ይለግሱ (Complement others)።
ስለራሳችን አሉታዊ በሆነ መልኩ ስናስብ፣ ብዙውን ጊዜ ሌሎችን ማጣጣል እና በጀርባቸው ላይ መጥፎ ነገር መሸረብ ላይ ትኩረት እናደርጋለን። ይህንን የኑሮ ዘይቤ ለማቋረጥ ሌሎች ሰዎችን የማመስገን ልማድ ይኑርዎት። ከሰዎች ጀርባ መጥፎ ነገር መመኘት ወይም መጠንሰስን አስወግደው በሰሯቸው ጥሩ ስራዎች አድናቆትን ለመግለፅ ይሞክሩ። በሂደቱ ውስጥም በጣም ይወደዳሉ፣ በዚህም በራስ መተማመን ይገነባሉ ። በሌሎች ውስጥ ምርጡን በመፈለግና በመመስከር በተዘዋዋሪ ምርጡን ወደ ራስዎ ዘንድም ያመጣሉ።

7. ከፊት ረድፍ ይቀመጡ (Sit in the front row)
ትምህርት ቤቶች ውስጥ፣ ጽ / ቤቶች እና ህዝባዊ ስብሰባዎች ላይ ብዙ ሰዎች መጨረሻ ለመቀመጥ ይጥራሉ። ምክንያቱም በቀላሉ መታየቱ ያስፈራቸዋል። ይህም በራስ መተማመን ማጣትን ያሳያል። በፊተኛው ረድፍ ላይ ለመቀመጥ ሲዎስኑ ይህንን ያለፈቃድ የሚመጣ ፍርሃት አሸንፈው በራስ መተማመንዎን መገንባት ይችላሉ። በተጨማሪም ከዋናው ፊት ለፊት ለሚነጋገሩ ሰዎች በይበልጥ ግልጽ ይሆናሉ።

8. ሃሳብዎን ይግለፁ (Speak up)
በቡድን ውይይቶች ወይም ብዙ ሰው በተሰበሰበበት ሁኔታ ውስጥ ብዙ ሰዎች ሃሳባቸውን ከመግለፅ ይቆጠባሉ። ምክንያቱም ሰዎች ከንግግራቸው ተነስተው እንዳይገምቷቸው ስለሚፈሩ ነው። ይህ ፍርሃት ትክክል አይደለም። ብዙ ጊዜ ሰዎች ከምናስበው ይልቅ የሰውን ሃሳብ የመቀበል ፍላጎት አላቸው። በእርግጥ ብዙ ሰዎች በተመሳሳይ ፍራቻ የተጠቁ ናቸው። በእያንዳንዱ የቡድን ውይይት ቢያንስ አንድ ጊዜ ለመናገር ጥረት በማድረግ የተሻለ የህዝብ ንግግር ክህሎት እንዲያዳብሩ ፣ ይበልጥ በራስ መተማመን እንዲኖርዎት እና በእኩዮችዎ ዘንድ መሪነትን እና ተቀባይነትን እንዲያገኙ ያደርግዎታል።

9. ስፖርታዊ እንቅስቃሴ ማድረግ ልምድዎ ይሁን (Work out)
ልክ እንደ አለባበስ አይነት፣ አካላዊ ብቃት በራስ መተማመን ዘንድ ከፍተኛ ሚና አለው። ቅርጽዎ እንደተበላሸ ከተሰማዎት በሌሎች ዘንድ ዝቅ ተደርጎ የመታየት እና ሌሎችን መማረክ አለመቻል ስሜት ይሰማዎታል። አካላዊ እንቅስቃሴን በማድረግ አካላዊ ገጽታዎን ያሻሽላሉ፣ ኃይልን ያገኛሉ፣ ለአዎንታዊ ስራም ይነሳሳሉ።

10. የሚያደርጉት አስተዋፅዎ ላይ ያተኩሩ (Focus on contribution)
ብዙውን ጊዜ እኛ ስለምንፈልጋቸው ነገሮች እንጂ የሌሎች ሰዎች ፍላጎቶች እና በሌሎች ላይ ስለሚመጣው ጥሩ ለውጥ አናስብም። ስለራስዎ ማሰብ ካቆሙ እና ለተቀረው ዓለም ላይ ለውጥ እንዲመጣ በሚያደርጉት አስተዋፅኦ (መዋጮ) ላይ ካተኮሩ፣ ያሉብዎት ጉድለቶች አያስጨንቁዎትም። ይህ በራስ መተማመንን ይጨምራል እናም በከፍተኛ ተነሳሽነት እና ውጤታማነት እንዲሳተፉ ያስችልዎታል። ለዓለም ጥሩ እያደረጉ በሄዱ መጠን የግል ስኬት እና እውቅናንም እየተጎናፀፉ ይሄዳሉ።

Advertising/marketing

02/07/2022

ብልህና ጀግና ሰው መጀመሪያ
የሚያሸንፈው እራሱን ነው።
ሰውን ተፎካክረህ ለማሸነፍ አትጣር። መጀመሪያ ፍላጎቶችህን አሸንፍ ውስጥህ ላለው ጥያቄ መልስ ሁን፤ ምክኒያቱም ሰው አጠገብ ካለው ሰው ጋር ፉክክር ውስጥ የሚገባው የበታችነት ስሜት ሲሰማው ነው።
ቁመት መለካካት ደግሞ የህፃናት ባህሪ ነው። ትልቅ አስብ፣ ትልቅ ተመኝ፣ ትልቅ ነገር አድርግ።
መልካም ልብህን ጠብቅ፣ ቀና አመለካከት ይኑርህ፣ በሰዎች ደስታ ተደሰት እንጅ ምቀኛ አትሁን።
full Confidence ትልቅ ትሆናለህ። ከፍታ እንጅ ዝቅታ ያንተ አይሆንም።
Roba23

02/07/2022

እግር በተራ ይረግጣል

ቀን ሰጠኝ ብለህ ሰውን አትበድል ፣
ባለጊዜ ነኝ ብለህ ግፍ አትስራ
ተቸገርኩ ብለህ አንገት አትድፋ
አልተሳካልኝም ብለህ የሰው በታች እንደሆንክ አይሰማህ

ሁሉም ነገር ተራውን ጠብቆ ይመጣልና ቀና ሰው ሁን አንገትም አትደፋ

18/06/2022

ሁሉም ለበጎ ነው!

ፈጣሪ በነገሮች በሁኔታዎች ነው የሚናገርህ፤ በጆሮህ መጥቶ እንዲህ አድርግ አይልህም፤ በህይወት እየሆነ ያለው ነገር በሙሉ ለምክንያት ነው።

ንቁ ሆነህ በህይወትህ የሚሆነውን ሁሉ ማስተዋል አለብህ! ደግሞ አትርሳ ተማሪ ካለ አስተማሪ የትም ቦታ አለ።

ታላቅ ምሽት ተመኘንላችሁ🙏

13/06/2022

✅🚹 ወንዶች ሆይ ልብ በሉ!! 🚹✅

🌀አምላክ ልቧ ቆንጆ የሆነችውን ሴት እንዲስጣችሁ አምላክን ለምኑ።

🌀 ያንተ የሆነችውን ሴት አምላክ እስኪሰጥህ ትእግስት ይኖርህ ልብህ ያርፈባትን ውደድ አፍቅር አይንህ እዛም እዚህም አይቀላውጥ በቁንጅና፣ በተክለ ሰውነት እና ባለባበስ አትማርክ ሴት ልጅ ባለባበሷ እና በመልኳ አይትህ አትናቅ ቆንጆ ስታማርጥ ያንተ የሆነችውን እና ህይወትህን የምታጣፍጥህልህን ሴት እንዳታጣ።

🌀 ለማፈቀር ወይም ለመፈቀር ሰው መሆን በቂ ስለሆነ።

🌀 የስው አስቀያሚ የለውም የአስተሳስብ እንጂ ቆንጆ አይደለችም ፣አለባበሷ ይደብራል፣አቋሟ አያምርም አትበል ቀርበህ የውስጧን ውበት ሳታይ በላይ ውበቷ አታጣጥላት ለተርዳው ስው እና በሳል ለሆነ ስው ከላይ ውበት ይልቅ የውስጥ ውበት ሚዛን ይደፍል እና ስለዚህ ላንተ ከተመቸችህ ምንም ትሁን የአንተንህይውት አንተ እንጂ ሌላስው አይኖርልህም ለራስህ ብለህ ኑር ለራስህ ብለህ አስተውል ለስው ብለህ ምንም ነገር አታድርግ ለህሊናህ እንጂ።

🌀 ቆንጆ አግብቼ የእከሌ ሚስት ቆንጆ ናት ወዘተ እንዲባልልህ ሳይሆን ለህይወትህ የምትመችህን የምትስማማህን ሀሳብህን የምትርዳህ እና ከልብ የምታፈቅርህን ከፈለክ አይንህ ሳይሆን ልብህ ያያትን አግባ።

10/06/2022

ጀግኖቹ ልጆቻችን ላበረከቱልን ጣፋጭ ድል መላው ኢትዮጵያውያን እንኳን ደስ አላችሁ! እንኳን ደስ አለን!!

የኢትዮጵያ ድል ገና አላለቀም፤ ተጀመረ እንጂ!
ፈጣሪ ኢትዮጵንና ህዝቦቿን አብዝቶ ይባርክ!!

01/06/2022

ደማቅ ቀናት ያንተ ናቸው!

ዛሬ የመኖር ውድ ዋጋ ከሚተመንባቸው፣ ከሚታወቅባቸው፣ ከሚገለጥባቸው ውብ ቀናት ውስጥ አንዱ ነው። በዚህም አያበቃም የውብ አስደሳች ቀናት ድግግሞሽ ይቀጥላል፣ ዋጋ ያላቸው ህይወትን የሚያበሩ፣ የሚያደምቁ፣ ከፍ የሚያደርጉ፣ የሚቀይሩ የተባረኩ ሌሎች ቀናትም ይመጣሉ።

አዎ! ጀግናዬ..! ደማቅ ቀናት ያንተ ናቸው! የተሰጡት፣ የተላኩት ላንተ ነው፤ የሚገቡህ ላንተ ነው። ትደምቅባቸው፣ ትዋብባቸው፣ ትደሰትባቸው፣ ትኮራባቸው ዘንድ ከአምላክህ ተችረውሃል፤ ተሰተውሃል፤ ተበርክተውልሃል። ዋጋ ስጣቸው፤ ከፍ አድርጋቸው፤ ተደጋግመው ይመጡም ዘንድ ማመስገኛህ አድርጋቸው።

አዎ! ማንም ሰው ወዳንተ መጥቶ ከመናገሩ በፊት በቀንህ ጅማሮ ፣ ለውሎህ ማድመቂያ ለእራስህ ይህን በል ፦ "እኔ ድንቅ ነኝ፤ አደርገዋለሁ ፤ አሸናፊ ነኝ ፤ አምላኬ ከእኔ ጋር ነው ፤ እንደ ሁል ጊዜው ዛሬም ቀኔ ነው ።" ይህን ስትል ማፈር አይጠበቅብህም ፤ ማንም ሰው ይህን ሊልህ እንደማይመጣ አስታውስ ። አለምህን ፍጠር ፤ አስውባት ፤ አድምቃት ። አቅምህን አጎልብት ፤ አሳድግ ። የድንቅነትን ፣ የአሸናፊነትን ፣ የአድራጊነትን እምነት አዳብር ። ውስጥህ ያለውን የአምላክ ሃይል ጉልበት ስጠው ፤ ቀንህን ይዋጅ ዘንድ ፍቀድለት ።

ቀናት በቀናት ሲተኩ ፣ ሌላ አዲስ እለት ሲከሰት በሰላም ፣ በጤና ሆኖ መመልከት ቀላል አይደለም ። ቃላት የማይገልፁት ፣ ሊነገር የማይችል ከስጦታዎች ሁሉ ከላቀው ስጦታ ዋንኛውና አንደኛው ነው ። አዲሱ ቀንህን በፍፁም አታባክነው ፤ ዋጋውን አታሳንሰው ፤ ደማቁን ቀን አታፍዝዘው ፤ ይበልጥ ድመቅበት ። ከአምላክህ ጋር ተነጋግረህ ፣ ተፈጥሮን አጣጥመህ ፣ ውበቷን አድንቀህ ፣ በአዲሱ ንፁ አየር ውስጥህን አድሰህ ጀምራት ። ዛሬ ዛሬ ብቻ ናት ፤ የነገዋ ሌላ ናት ። የዛሬዋ ፣ የአሁኗ ዛሬ ጠዓሟ ዛሬና አሁን ነውና ለመደሰት ፣ ለመፍካት ፣ ለማጣጣም ቀጠሮ አትስጣት ። ህይወትን በደስታ ፣ ቀናትን በእርካታ ኑርባቸው ። የምታመሰግንበትን ፣ የምትደሰትበትን ምክንያት አስታውስ ፤ ስታመሰግንበት ፣ ስትደሰትበት ሌላ ማመስገኛ ፣ ሌላ መደሰቻ ይሰጥሃልና በእራስህ ድክመት የሚገባህን ውድ ስጦታ አትጣ ፤ ከደማቅ ቀናት ድምቀትን ፣ ከብሩህ ቀናት ፍካትን አትርፍ ። ውሎህንም በድምቀት ፣ በፍካት አሳልፍ ።
═════════❁✿❁ ═════════

31/05/2022

የፈጣሪ ስጦታ!

"ፈጣሪ ስጦታ ሊሰጥህ ሲል የስጦታው መሸፈኛ ችግር ነው፤ ትልቁ የፈጣሪ ስጦታ ሊሰጥህ ሲል በትልቅ ችግር ተጠቅልሎ ይደርስሀል" ይለናል ደራሲ ኖርማል ቪንሰንት ፔል።

የሚገጥምህ ችግር የማይታለፍ ቢመስልም ብዙ ስጦታዎች ይዞ እንደሚመጣ የፈጣሪ ስጦታ!

"ፈጣሪ ስጦታ ሊሰጥህ ሲል የስጦታው መሸፈኛ ችግር ነው፤ ትልቁ የፈጣሪ ስጦታ ሊሰጥህ ሲል በትልቅ ችግር ተጠቅልሎ ይደርስሀል" ይለናል ደራሲ ኖርማል ቪንሰንት ፔል።

የሚገጥምህ ችግር የማይታለፍ ቢመስልም ብዙ ስጦታዎች ይዞ እንደሚመጣ አትጠራጠር!

@ # # # # # #

28/05/2022

ሳታልፍ በፊት ኑር!

በዚህ አለም የሚያረጋጋ ቃል ቢኖር አንዱ "ሁሉም ያልፋል" የሚለው ነው፤ ሀዘኑም ያልፋል፣ደስታውም ያልፋል፣ ንዴቱም ያልፋል፣ እርካታውም ያልፋል፤ ሌላውን ተወው አንተም እኔም እናልፋለን! በፍጥረት አለም ፀንቶ የሚኖር ነገር ቢኖር አምላክ ብቻ ነው።

ታዲያ ለሚያልፍ ችግር ለምን አብዝተህ ትጨነቃለህ? ለሚያልፍ ቀን ለምን ራስህን ትጎዳለህ? ህይወትህን ነብስ ዝራበት፤ የምትወደውን ስራ፣ የምትወዳትን የራስህ ለማድረግ ተዘጋጅ፣ መንፈሳዊነትህን ሳትለቅ የምድርን በረከት ሁሉ አጣጥም፤ ሳታልፍ በፊት ኑር ወዳጄ!