16/08/2024
ልእለ ሀያሏና እጅግ ሀብታሟ አሜሪካ በፓሪሱ ኦሊምፒክ ወርቅ ላገኙ አትሌቶቿ $37,500 ዶላር ስትሸልም፣ ብር ላገኙ ደግሞ $22,500 ዶላር እና ነሐስ ላመጡ 15,000 ዶላር ሰጥታለች።
በዕለቱ የባንክ ምንዛሬ አንድ የአሜሪካን ዶላር ወደ 102 የኢትዮጵያ ብር እየተመነዘረ ነው። ይህን መሰረት በማድረግም እንደገመትኩት ከሆነ አሜሪካ ወርቅ ላገኙ አትሌቶቿ 3.9 ሚሊዮን ብር ሸልማለች ማለት ሲሆን፣ ብር ሜዳሊያ ላገኙ 2.4 ሚሊዮን ብር፣ ነሐስ ላመጡት ደግሞ 1.6 ሚሊዮን የኢትዮጵያ ብር ሸልማለች እንደማለት ነው።
ከአለም እጅግ ደሀ ሀገራት ተርታ ያቆምናት ኢትዮጵያ ግን ከአሜሪካ አንጻር ቸርነት ያልጎደላት ሆና አግኝቻታለሁ። አገራችን ኢትዮጵያ ለብቸኛው ባለ ወርቅ አትሌት 7 ሚሊዮን ብር ስትሸልም፣ ለባለ ብር ሜዳሊያ አትሌቶቿ 4 ሚሊዮን ብር ሸልማለች። ኢትዮጵያ አሠልጣኞቹን ጭምር ሸልማለች።
አሰልጣኝ ገመዶ ደደፎ 2 ሚሊዮን ብር ቢሸለምም ነገር ግን ለኔ ስድብ ነው አይመጥነኝም ብሎ ሽልማቱን መመለሱ ከፍተኛ ውዝግብ አስነስቷል። አሜሪካ ከአለም በሜዳሊያ ብዛት አንደኛ እንድትሆን ያደረጓትን አትሌቶቿን ብቻ እንጂ አሰልጣኞችን አልሸለመችም። ለአሠልጣኝ ስባሪ ሳንቲም የማይሰጡት አሜሪካውያን ታዲያ የ 2 ሚሊየን ብር ሽልማት አይመጥነኝም የሚል አሰልጣኝ በኢትዮጵያ መኖሩን ቢሰሙ ምን ይሉ ይሆን።
ደሀዋ አገራችን ባይኖራትም ቸር ናት።
Alemayehu Mamo
‐----------
How much do Team USA athletes get paid for winning an Olympic medal?
The payments offered through what the USOPC calls "Operation Gold" are unchanged for 2024.
Athletes will earn $37,500 for every gold medal in Paris, $22,500 for every silver and $15,000 for each bronze.
