14/04/2026
"ሴተኛ አዳሪነት" እዛም አለ ለካ!
ይሄ ነገር የሰው ልጅ ባህሪ ብቻ ይመስለኝ ነበር። ዛሬ ናሽናል ጅኦግራፊ ላይ ሳነብ ለካስ በእንስሳቱም አለም አለ።
በቺምፓንዚዎች ዘንድ Meat-for-sex የሚባል ልምድ አለ። ተመራማሪዎች እንደታዘቡት፣ አዳኝ የሆኑ ወንድ ቺምፓንዚዎች የገደሉትን ስጋ ይዘው እየተንጎማለሉ "ከዝንጆሮ ቆንጆ" ይመርጡና ቀልባቸው ላረፈባት ይሰጧታል። ሴቷ ስጋውን ከወሰደች በኋላ ቅጠል ይጋፈፋሉ (መቸስ ጫካ አንሶላ የለ)
የሚገርመው እንደሚከፈለው ስጋ አይነትና ብዛት አንዴ ወይም ሁለት ሶስት ቀን በተከታታይ ሊሆን ይችላል ጉዳዩ።
በአንታርክቲካ የሚገኙ የአዴሊ ፔንግዊኖች ደግሞ ሴተኛ አዳሪነትን "በቁም ነገር" ነው የሚጠቀሙበት። በሰውኛ ካየነው ክፍያውን "ለጌጣጌጥና ሱስ" አያውሉትም። ሴቷ ቤት ልትሰራ ስታስብ የገቢ ማሰባሰቢያ ፕሮግራም ነገር ታዘጋጃለች። ለጎጆ መሥሪያ የሚሆኑ ድንጋዮችን ወንዶቹ ይዘው ይመጣሉ። በአንታርክቲካ ድንጋይ እንደ ወርቅ ውድ ነው። ሴቷ ፔንግዊን ጎጆዋን ሰርታ እንቁላሏን ከበረዶ ለመጠበቅ ድንጋይ የግድ ያስፈልጋታል። ወንዱ ድንጋይ ይዞ ሲመጣ የምታደርገው ስምምነት ለህልውና የሚደረግ ትግል እንጂ ለደስታ ብቻ አይደለም። የሆነ ሆኖ ወንድ ሰው ይሁን እንስሳ ለዛ ነገር የማይፈነቅለው ድንጋይ የለም። እና አሪፍ ድንጋ ይዞ የመጣው ጋር እነሆ በረከት ነው። ቤቱ እስኪያልቅ ድንጋይ ከከፈሉ ወንዶች ጋር ሁሉ ትተኛለች። ድንጋይ በቃ ዶላር በሉት በዚያ ሰዓት። አንዳንዴ ደግሞ ድንጋዩን ለመውሰድ ብቻ ግንኙነት እንደምትፈጽም ቃል ገብታ ድንጋዩን ይዛ የምትሮጥባቸው ጊዜያትም አሉ
በጣም ያሳዘነኝ ግን የንቦች ነው። ለካ እንደቀልድ እየቆረጥን የምንሰለቅጠው ማር በሀላል የመጣ አይደለም ወገኖች
ወንዱ ንብ ሴቷን ለማማለል ምግብ ይዞ ይቀርባል። ሴቷ ስጦታውን እየበላች ባለችበት ወቅት ግንኙነቱ ይፈጸማል። እጅ በጅ ነው። ወይም ወንዱ አሪፍ የሚቀሰም አበባ ያለበትን ያውቃል እንበል፤ በነፃ አድራሻውን አይሰጥም። መጀመሪያ "ፓ ዛሬ ያየሁት የአበባ እርሻ" ይላታል፤ ትንሽ ከአበባው የቆነጠረውን ዱቄት ያቀምሳታል። ከዚያ ጥያቄውን ያቀርባል ከተስማማች ጉዳዩን ፈፅሞ አበባው ያለበትን ይጠቁማታል። አንድ የተረገመ ወዳጀ ማር ለካ የጣፈጠው ወዶ አይደለም ብሎኛል ...ገነት አይገባም!
Alex Abreham-
