18/08/2026
‹‹በዓለ ደብረ ታቦር›› ጌታችን በደብረ ታቦር ብርሃነ መለኮቱን፣ ክብረ መንግሥቱን መግለጡን በማሰብ የሚከበር በዓል ነው።
የኢትየጵያ ኦርቶዶክስ ተዋሕዶ ቤተ ክርስቲያን ከምታከብራቸው ዘጠኝ ዓበይት በዓላት አንዱ የደብረ ታቦር በዓል ነው። በየዓመቱ ነሐሴ 13 ቀን የሚከበረው ይህ በዓል መሠረቱ ኢየሱስ ክርስቶስ ነው፡፡
ኢየሱስ ክርስቶስ ሦስቱን ደቀ መዛሙርት (ጴጥሮስ፣ ያዕቆብና ዮሐንስን) ይዞ ወደ ደብረ ታቦር ተራራ በመውጣት ፊቱ እንደ ፀሐይ በርቶ ልብሱ እንደ ብርሃን ነጭ ሆኖ ብርሃነ መለኮቱን የገለጠበት ነው (ማቴ. 17÷1-8)። በዚህም ጊዜ እግዚአብሔር አብ “የምወደው ልጄ ይህ ነው እርሱን ስሙት” የሚል ድምፅ አሰምቷል።
ከቤተ ክርስቲያን ውጭም ይህ ዕለት “ቡሄ” ተብሎ በልዩ ትውፊት ይከበራል። ሕፃናት ጅራፋቸውን ይዘው እያጮሁና እየዘመሩ በየቤቱ ይዞራሉ፤ ችቦ ይበራል፣ ሙልሙል ዳቦም ይታደላል።
ትርጉሙ፡ "ቡሄ" ማለት ብራ፣ ብርሃን ወይም የተገለጠ ማለት ነው። የክረምቱ ጨለማና ጭጋግ አልፎ ወደ ብሩህ መፀው የምንሸጋገርበት ወቅት መሆኑን ያመለክታል።
ሙልሙል ዳቦና ችቦ፡ ጌታ ብርሃነ መለኮቱን ሲገልጥ ምሽት በመሆኑ እረኞች ሳይመለሱ ቀርተው፣ ወላጆች ችቦ አብርተውና ዳቦ ይዘው ፍለጋ የመውጣታቸውን ትውፊት ለማስታወስ «ቡሄ» ለሚሉ ልጆች ሙልሙል ዳቦ ይሰጣል፤ ችቦም ይበራል።
የጅራፍ ድምፅ፡ ልጆች ጅራፍ ሲያጮሁ የሚያደሉበት ምክንያት አብ “የምወደው ልጄ ይህ ነው” ሲል ሐዋርያት ደንግጠው የወደቁበትን የመለኮት ድምፅ ለማስታወስ ነው።
ከበዓሉ በረከት ያሳትፈን❤🙏
Oriental Orthodox Tewahido Church
