Tena adam Promotion/ጤና አዳም ፕሮሞሽን

14/09/2026

https://www.facebook.com/share/1DjECcLzHf/

ከኢትዮጵያ ሕዝብ ግማሹ እጥረት አለበት። ከአዲስ አበባ ሕዝብ ደግሞ ሦስት አራተኛው (¾) ቫይታሚን-ዲ አጥሮታል። ይህ ነገር ከኑሮ ውድነቱ ጋር የተያያዘ ይሆን አይደለም። ይህ አሐዝ በተለይ 13 ወር ፀሐይ ለሚጠጣ ሕዝብ ስላቅ ይመስላል።ምክንያቱም የቫይታሚን-ዲ ዋና አከፋፋይ ፀሐይ ስለሆነች። ሙሉውን ዘገባ እዚህ ያንብቡ ለሌሎችም ያጋሩ https://bbc.in/4yFxzeF

11/09/2026

11/09/2026

እንኳን አደረሳችሁ። በአዲስ ዓመት የጤናና የላይፍ ስታይል ለውጥ ላይ ያተኮሩ ምክሮች እነሆ:
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨
• አነስተኛ ግቦችን ማቀድ፡ በአዲሱ ዓመት በአንድ ጊዜ ትልልቅ ለውጦችን ለማምጣት ከመጨነቅ፣ በየቀኑ ልታደርጋቸው የምትችላቸውን አነስተኛ የጤና ልማዶች መገንባት ጀምር።

• የውሃ መጠንን ማሳደግ፡ ውጫዊ ውበትም ሆነ የውስጥ አካል እንቅስቃሴ በውሃ ይጀምራል፤ በቀን ቢያንስ ከ2 እስከ 3 ሊትር ውሃ የመጠጣት ልማድን አዳብር።

• የእግር መንገድን ማብዛት፡ ልዩ የስፖርት ቦታ መሄድ ባትችል እንኳ፣ የዕለት ተዕለት ጉዞዎችህን በከፊል በእግር በማድረግ አካልህን አንቀሳቅስ።

• የአትክልትና ፍራፍሬ ድርሻ፡ በየቀኑ በምትመገበው ምግብ ላይ ቢያንስ አንድ አይነት አትክልት ወይም ፍራፍሬ መጨመርን ደንብ አድርገው።

• ከስኳር ጋር ወሰን ማበጀት፡ በለስላሳ መጠጦች እና በጣፋጭ ምግቦች ውስጥ የሚገኘውን የተሰራ ስኳር (refined sugar) በደረጃ በመቀነስ የሰውነትህን የኢነርጂ ደረጃ ጠብቅ።

• የእንቅልፍ ሰዓትን ማከበር፡ የአእምሮ እረፍት እና የሰውነት ጥገና የሚካሄደው በእንቅልፍ ወቅት በመሆኑ፣ በቀን ከ7-8 ሰዓት መተኛትን አትቀንስ።

• የስክሪን ጊዜን መገደብ፡ ከስልክ ስክሪን የሚወጣው ብርሃን የእንቅልፍ ጥራትን ስለሚጎዳ፣ ከመተኛትህ ከ1 ሰዓት በፊት ስልክህን ከጎንህ አርቅ።

• የአእምሮ እረፍት (Mindfulness)፡ በቀን ውስጥ ቢያንስ ለ10 ደቂቃ ያህል ከጫጫታ ርቀህ በጥልቅ በመተንፈስ አእምሮህን አረጋጋ።

• የምግብ አበሳሰልን መለወጥ፡ ምግቦችን በዘይት ከመጠባበስ ይልቅ በጥበስ፣ በቅቀል ወይም በእንፋሎት አብስሎ መመገብን ልመድ።

• የጨው መጠንን መቀነስ፡ ለደም ግፊት እና ለልብ ጤና ሲባል በምግብ ውስጥ የምታስገባውን የጨው መጠን በግማሽ ቀንሰው።

• የምግብ ሰዓት ወጥነት፡ ቁርስ፣ ምሳ እና እራት የምትመገብበትን ሰዓት ወጥ በማድረግ የምግብ መፈጨት ስርዓትህን አግዝ።

• ከመጥፎ ሱሶች መራቅ፡ ሲጋራ ማጨስንና ከመጠን በላይ አልኮል መጠጣትን በአዲሱ ዓመት ሙሉ በሙሉ ለመተው ቁርጠኛ ውሳኔ ወስን።

• የመቀመጥ ጊዜን መቀነስ፡ በስራ ቦታ ረጅም ሰዓት የምትቀመጥ ከሆነ፣ በየ1 ሰዓቱ ተነስተህ ለ2 ደቂቃ ያህል ሰውነትህ ማፍታታት (stretching) ስራ።

• የማህበራዊ ግንኙነት ጤና፡ አዎንታዊ ስሜት ከሚሰጡህና ለጤናህ ከሚያበሩህ ወዳጆች ጋር ጊዜ ማሳለፍ የአእምሮ ጤናህን ያጠናክራል።

• የቅድመ-ምርመራ ልማድ፡ ህመም እስኪመጣ ሳትጠብቅ በዓመት አንድ ጊዜ አጠቃላይ የጤና ምርመራ (Check-up) የማድረግ ባህልን አዳብር።

06/09/2026

https://www.facebook.com/share/p/1QB7DXPkdL/

03/09/2026

ውዳሴ ዲያግኖስቲክ ማዕከል ከፍለው መታከም ላልቻሉ ዜጎች "ጳጉሜን ለጤና" የተሰኘውን ነጻ የሕክምና ምርመራ ሊሰጥ ነው።

ማእከሉ ማህበራዊ ኃላፊነቱን ለመወጣት እና በኢኮኖሚ ምክኒያት የሕክምና ምርመራ ማድረግ ላልቻሉ ወገኖች እገዛ ለማድረግ የ"ጳጉሜን ለጤና" መርሃ ግብርን ከጀመረ 17 ዓመታት ተቆጥረዋል ሲሉ የማእከሉ ዋና ስራ አስኪያጅ ወ/ሮ ውዳሴ እንቁብርሀን ለብስራት ሬድዮ ተናግረዋል ።

ዋና ስራ አስኪያጇ የ2018 ዓ.ም የ17ኛው "ጳጉሜን ለጤና" መርሃ ግብርን አስመልክቶ በጳጉሜ 1 ማየት ለተሳናቸው የማህበረሰብ ክፍሎች የተሟላ የጤና ምርመራ ይደረጋል ብለዋል።

በጳጉሜ 2 በተስፋ አዲስ ፋውንዴሽን የሚገኙ የካንሰር ሕሙማንን የመጎብኘት፣በጳጉሜ 3 በጄኔሲስ ሪሃቢሊቴሽን ማዕከል ተጠልለው የሚኖሩ ወገኖችን የመጎብኘትና አብሮነትን የመግለጽ ተግባር ይከናወናል።

በጳጉሜ 4 በአራዳ ክፍለ ከተማ ወረዳ 01 አቅም ለሌላቸው የማህበረሰብ ክፍሎች የበአል ስጦታ የማበርከት፣በጳጉሜ 5 ደግሞ የደመወዝ ልግሳ እና ከሠራተኞች ጋር የአብሮነት፣ የመልካም ምኞትና የምስጋና ጊዜን በማሳለፍ ማእከሉ መርሀ ግብሩን ለመተግበር አቅዷል።

በገንዘብ እጥረት ምክኒያት ምርመራ ማድረግ ላልቻሉ ወገኖች ነፃ የህክምና ምርመራ እንደሚሰጥ የጠቀሱት ወ/ሮ ውዳሴ አገልግሎቱን ለማግኘት በህክምና ባለሙያ የተጻፈ የምርመራ ትእዛዝ ሊኖራቸው ይገባል ነው ያሉት።

የሲቲስካን፣የMRI፣አልትራሳውንድ፣ላብራቶሪን ጨምሮ ሌሎች አገልግሎችን ማእከሉ እንደሚሰጥ ተናግረዋል።

አገልግሎቱን ለማግኘት ከዛሬ ነሐሴ 28 እስከ ጳጉሜ 2 ቀን ድረስ በነፃ ስልክ ቁጥር 9888 ላይ ደውሎ መመዝገብና መረጃ ማግኘት እንደሚቻል ማእከሉ አስታውቋል።

01/09/2026

በኢትዮጵያ የመጀመሪያው የጥርስ ሕክምና ተቋማት የእውቅና መድረክ ሊዘጋጅ ነው

በጥርስ ሕክምና አገልግሎት አሰጣጥ የላቀ ሥራ ላከናወኑ የጥርስ ሕክምና ተቋማትና ባለሙያዎችን ለማበረታታት የተዘጋጀ የሽልማት መድረክ ይፋ ተደረገ።

ዛሬ ነሐሴ 26 2018 ዓ.ም የሽልማት መርሀ ግብሩን በጋራ ያዘጋጁት የአዲስ አበባ ምግብና መድኃኒት (AAFDA) ባለሥልጣን ከሮባ መልቲ ሚድያ እና ኢቬንትስ ጋር በመተባበር ነው።

እንደ አዘጋጆቹ ገለፃ የእውቅና መርሀ ግብሩ በቀጣዩ ዓመት ጥቅምት 2019 አንድ ብሎ እንደሚጀምርም ተናግረዋል።

ዶክተር ሙሉእመቤት ታደሰ - የአዲስ አበባ ምግብና መድኃኒት ባለስልጣን ዋና ስራ አስኪያጅ ፕሮግራሙ በታካሚ እንክብካቤ፣ በክሊኒካዊ ብቃት፣ በንጽህና እና በማህበረሰብ ላይ አዎንታዊ ተፅዕኖ በማሳደር ረገድ የላቀ አፈጻጸም ያስመዘገቡ ተቋማትን እውቅና መስጠትን ግብ ያደረገ ነው ብለዋል።በዚህም ባለሙያዎችን ማበረታታትና ለሥራ እንዲተጉ ማድረግ እንደሚቻልም ተገልጿል።

ፕሮግራሙ እውቅና ከመስጠት ባለፈ ሰፊ ሀገራዊ ፋይዳ እንዳነገበ ተወስቷል። ይህም፤ የጥርስ ክሊኒኮችን አቅም በማሳደግ፣ የልምድ ልውውጥ መድረኮችን ይፈጥራል።

ይህ የእውቅና መርሀ ግብር መደረጉ የባለሙያዎችንም ቴክኒካዊ ብቃት እንደሚያሳድግ አዘጋጆቹ ያምኑበታል።

በአዲስ አበባ ዓለም አቀፍ ደረጃን የጠበቁ የጥርስ ሕክምና ማዕከላት እንዲስፋፉ ይህ የእውቅና መርሀ ግብር የሚረዳ ሲሆን የጥርስ ጤና አጠባባቅ ትምህርትን በመደገፍ የማህበረሰቡን ግንዛቤ ደረጃ ማሳደግ የሚቻልበትን መንገድ ይጠቁማል።

ከዚህም ባሻገር ዓለም አቀፍ ድርጅቶችን እና ስፔሻሊስቶችን ከሀገር ውስጥ ገበያ ጋር በማገናኘት የዕውቀት ሽግግር ለመፍጠር ያለመ መርሀ ግብር እንደሆነም ተገልጿል።

ከዚህም ባለፈ፣ አዲስ አበባን በአፍሪካ የጥርስ ህክምና ማዕከል የማድረግ አላማ ሰንቆ እንደሚንቀሳቀስና ለዚህም ሲባል በየዓመቱ ደረጃውን እና ፕሮፌሽናሊዝምን በጠበቀ መልኩ የሚከናወን መርሀ ግብር እንደሆነ ለማወቅ ተችሏል።

ከሽልማት ዘርፎቹ መካከል በዘመናዊ ቴክኖሎጂ የላቀ አገልግሎት የሚሰጡ የጥርስ ሕክምና ተቋማትን የሚያከብር፣ በኢንፌክሽን መከላከልና ቁጥጥር ምርጥ አሰራር ላላቸው ክሊኒኮች፣ ለህጻናት ምቹ አካባቢ የፈጠሩ ተቋማትን የሚያከብር፣ በኮስሜቲክ የጥርስ ሕክምና የላቀ ውጤት ያሳዩ ተቋማትን የሚያከብር ሽልማት ይገኙበታል።

በተጨማሪም ለአካል ጉዳተኞች ተደራሽ የሆነ የሕክምና አካባቢ ለፈጠሩ ተቋማት፣ በታካሚ አገልግሎት ላቅ ያለ ብቃት ላሳዩ ተቋማት፣ የላቀ ብቃት ያላቸው የጥርስ ሕክምና ላቦራቶሪዎች፣ በማህበረሰቡ የአፍና ጥርስ ጤና ግንዛቤን ለማሳደግ የላቀ ሥራ ለሰሩ አካላትና ሌሎች የተለያዩ ዘርፎችም በሽልማቱ ይካተታሉ።

የፕሮግራሙ አዘጋጆች እንደገለጹት፣ አጠቃላይ ሂደቱን ለማህበረሰቡ በሰፊው ተደራሽ ለማድረግ በማህበራዊ ሚድያዎች የኮምኒኬሽን ቻናሎች የተከፈቱ መሆኑንና ይፋዊ ድህረገጽም እንደተዘጋጀለት አሳውቀዋል።

20/08/2026

🚗 ሰውነትህ እንደ መኪና ነው አንቀሳቅሰው፣ አገልግለው፣ TURBOCHARGE አድርገው እና አሻሽለው!

ሰውነትህን እንደ መኪና አስበው።

መኪናህን ቀኑን ሙሉ አቁመህ፣ ለ30 ደቂቃ ብቻ በኃይል አሽከርክረህ፣ ይህ ብቻ ለቀኑ የሚያስፈልገውን ሁሉ ይተካል ብለህ አታስብም....ሰውነታችንም ተመሳሳይ ነው።

🚶 1. መኪናውን በእንቅስቃሴ አቆየው - የዕለት ተዕለት እንቅስቃሴ

በቀን ወደ 10,000 እርምጃ ማድረግ ተግባራዊ የእንቅስቃሴ ግብ ሊሆን ይችላል።

ወደ ሥራ መሄድ፣ ደረጃ መውጣት፣ ገበያ መውጣት፣ የቤት ሥራ መሥራት ሁሉም ይቆጠራሉ።

እና አዎ፣ በZone 2 የምታደርጋቸው እርምጃዎችም የ10,000 እርምጃህ አካል ናቸው።

ለምሳሌ፣ 30 ደቂቃ Zone 2 በመራመድ 3,500 እርምጃ ካደረግህ፣ እነዚያ 3,500 እርምጃዎች ይቆጠራሉ።

ግን አንድ ነገር አትርሳ፦

Zone 2 የእርምጃህን ቁጥር ይጨምራል፤ በቀኑ ውስጥ ንቁ ሆኖ መንቀሳቀስን ግን አይተካም።

30 ደቂቃ ስፖርት አድርገህ ቀጣዮቹን 10 ሰዓታት ተቀምጠህ አትዋል። 😄

🍽️ 2. ከምግብ በኋላ — ነዳጁን ተጠቀም

ከምግብ በኋላ ለ10 ደቂቃ ያህል መራመድ ሞክር።

እንዲህ አስበው፦

ምግብ → ሀይል (feul)ወደ ደም ይገባል → ጡንቻዎች ይጠቀሙበታል።

ከዚህ ይልቅ፦

ምግብ → መቀመጥ → የደም ስኳር ለረጅም ጊዜ ከፍ ሊል ይችላል።

ከምግብ በኋላ መራመድ ጡንቻዎችህ ግሉኮስን እንዲወስዱ ይረዳል፣ ከምግብ በኋላ የሚከሰተውን ከመጠን ያለፈ ወይም ለረጅም ጊዜ የሚቆይ የደም ስኳር ጭማሪም ሊቀንስ ይችላል።

ነዳጁ ከመቀመጡ በፊት ተጠቀምበት።

❤️ 3. ZONE 2 — ሞተሩን አገልግለው እና አቅሙን አሻሽለው

በሳምንት ወደ 150 ደቂቃ የመጠነኛ ኤሮቢክ እንቅስቃሴ ለማድረግ ግብ አድርግ።

ፈጣን መራመድ፣ ብስክሌት፣ ዋና፣ የእግር ጉዞ ወይም ቀላል ሩጫ ሊሆን ይችላል።

Zone 2 ላይ እያለህ መናገር ትችላለህ፣ ግን በግልጽ እየተለማመድክ እንደሆነ ይሰማሃል።

በዚህ ደረጃ የስብ አጠቃቀም በአንፃራዊነት ከፍ ሊል ይችላል። ግን Zone 2 ማለት ብቻ “ስብ ማቃጠል” አይደለም።

ዋናው ጥቅሙ የኤሮቢክ ሥርዓትህን እና ሚቶኮንድሪያዎችህን በተሻለ ሁኔታ ኃይል እንዲያመነጩ ማሰልጠን ነው።

Zone 2 = ሞተሩን አገልግሎት መስጠት + የኃይል አጠቃቀሙን ማሻሻል።

እና አትርሳ፦ በZone 2 የምታደርጋቸው እርምጃዎችም የዕለቱ እርምጃ ይቆጠራሉ።

---

⚡ 4. HIIT / SPRINTS — ሞተሩን TURBOCHARGE አድርገው

አካልህ ከቻለ፣ በሳምንት 1–2 ጊዜ HIIT ወይም sprint intervals ማካተት ትችላለህ።

ሩጫ፣ ብስክሌት፣ ኮረብታ፣ ደረጃ፣ rowing ወይም ሌሎች ተስማሚ የinterval ልምምዶችን መጠቀም ትችላለህ።

ከፍተኛ ጥረት → እረፍት → እንደገና ጥረት።

ዓላማው ሰውነትህን በሚያስፈልግበት ጊዜ ከፍተኛ ኃይል እንዲያመነጭ ማሰልጠን ነው።

HIIT / Sprints = ሞተሩን TURBOCHARGE ማድረግ።

ግን sprint ለሁሉም ሰው የግድ አይደለም። በተለይ ከስፖርት አዲስ ከሆንክ በቀስታ ጀምር። የጤና ገደብ ካለህም ተገቢውን ምክር ውሰድ።

🏋️ 5. RESISTANCE TRAINING — ሞተሩን አሻሽለው

Cardio ሞተሩን ያሻሽላል።

Resistance training ግን የበለጠ ትልቅና ጠንካራ ሞተር ይገነባል።

ቢያንስ በሳምንት 2 ጊዜ የጥንካሬ ልምምድ ለማድረግ ሞክር።

የበለጠ ጠንካራና ተግባራዊ ጡንቻ ማለት፦

💪 የበለጠ ጥንካሬ
🩸 የተሻለ የግሉኮስ አጠቃቀም
🧓 እድሜ ሲጨምር የተሻለ የአካል አቅም

ማለት ነው።

Weights = ሞተሩን ማሻሻል።

🚗 የሰውነትህ ሙሉ ፎርሙላ

🚶 10,000 እርምጃ → መኪናውን በእንቅስቃሴ አቆየው

🍽️ ከምግብ በኋላ መራመድ → ነዳጁን ተጠቀም

❤️ ZONE 2 → ሞተሩን አገልግለው እና አቅሙን አሻሽለው

⚡ HIIT / SPRINTS → ሞተሩን TURBOCHARGE አድርገው

🏋️ RESISTANCE TRAINING → ሞተሩን አሻሽለው

አስፈላጊው ማብራሪያ፦

150 ደቂቃ Zone 2 በሳምንት ለ10,000 የዕለት እርምጃህ ትልቅ አስተዋፅዖ ሊያደርግ ይችላል፤ ግን በቀኑ ውስጥ አጠቃላይ ንቁ ሆኖ መንቀሳቀስን አይተካም።

30 ደቂቃ ስፖርት አድርገህ ቀኑን ሙሉ ተቀምጠህ አትዋል።

በቀኑ ውስጥ ተንቀሳቀስ።
ከምግብ በኋላ ተራመድ።
የኤሮቢክ ሞተርህን አሰልጥን።
ዝግጁ ስትሆን TURBOCHARGE አድርገው።
ጡንቻህን ገንባ።

🚗 እንቅስቃሴ መኪናውን እንዲሰራ ያደርገዋል።

❤️ Zone 2 ሞተሩን ያገለግላል።

⚡ HIIT ሞተሩን TURBOCHARGE ያደርገዋል።

🏋️ Weights ሞተሩን ያሻሽለዋል።

ይህ ለረጅም ጊዜ ጤናማ፣ ጠንካራ እና ብቁ ሰውነት የምትገነባበት መንገድ ነው።

ምንጭ:- Berry Dubiso.MD

20/08/2026

LDL ብቻ የልብ ጤናዎን አይነግርዎትም

በቅርቡ የምናያቸው ታካሚዎች የኮሌስትሮል ውጤታቸው በጣም የተለያየ ነው። ደስ የሚለው ግን ከመደበኛው lipid panel በላይ ለማየት የሚጠይቁ ሰዎች እየበዙ መሆናቸው ነው።

አንድ ነገር ግን ማስታወስ አለብን፦ በላብራቶሪ “Normal” ውስጥ መሆን ሁልጊዜ “Optimal” ማለት አይደለም። የላብራቶሪ reference range በሕዝብ ውስጥ የተለመደውን ያሳያል፤ ለእያንዳንዱ ሰው የልብና የደም ሥር ህመምን ለመከላከል ተመራጭ ደረጃን ግን አይወስንም።

LDL መደበኛ ነው ብለን ብቻ መቆም አይገባም። ApoB, Lp(a), triglycerides, glucose/HbA1c እና በተገቢው fasting insulin የሜታቦሊክ ሁኔታን እና የatherogenic particles ብዛትን የበለጠ ሊያብራሩ ይችላሉ።

እንዲሁም የደም ግፊት፣ የኩላሊት ሁኔታ፣ hs-CRP፣ የቤተሰብ ታሪክ፣ ዕድሜ እና ሌሎች የልብ ሕመም አደጋዎች በጠቅላላ ምስሉ ውስጥ መካተት አለባቸው።

ከፍተኛ HDL እንዳለዎት ብቻ ደህና ነዎት ማለትም አይቻልም። ከፍተኛ LDL አለ ብሎ ወዲያውኑ መደንገጥም ትክክል አይደለም። ሁሉም ነገር በጠቅላላ የአደጋ መጠን ውስጥ መታየት አለበት።

ከዚህ በላይ ደግሞ ጊዜ አስፈላጊ ነው።

Atherosclerosis በአንድ ቀን አይፈጠርም። ሰውነታችን ለከፍተኛ ApoB/LDL እና ለሌሎች የአደጋ ምክንያቶች ለስንት ዓመታት እንደተጋለጠ የlifetime cardiovascular risk ላይ ትልቅ ሚና አለው።

ስለዚህ LDL መደበኛ ቢሆንም የልብ ሕመም ወይም heart attack ሊከሰት ይችላል።

CAC score 0 ቢሆንም የወደፊት አደጋ ዜሮ ማለት አይደለም። CCTA ላይም የሚታይ plaque ባይኖር ይህ የዚያን ጊዜ ምስል ነው፤ ለወደፊት የሕይወት ዘመን ዋስትና አይደለም።

ስለዚህ ጥያቄው “LDL ስንት ነው?” ብቻ መሆን የለበትም።

“የእኔ ጠቅላላ የልብና የደም ሥር አደጋ ምንድነው? እና ይህ አደጋ ለስንት ዓመታት ከእኔ ጋር ኖሯል?” የሚለው ይበልጥ ጠቃሚ ጥያቄ ነው።

LDL አስፈላጊ ነው። ግን LDL ብቻ በቂ አይደለም።

ይህ አጠቃላይ የጤና መረጃ ነው፤ የግል ሕክምና ምክር አይደለም። የራስዎን ውጤቶች ከዕድሜዎ፣ ከታሪክዎ እና ከጠቅላላ የcardiovascular risk ጋር በማገናኘት ከሐኪምዎ ጋር ይወያዩ።

14/08/2026

አሁን አሁን ሱቆች በአዲስ መልክ መምጣታቸውን አስተውለው ይሆን?
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨
ዱሮ ዱሮ ሱቅ የለመድነው በቀጥታ በተለያዩ አንስተኛም ሆነ መካከለኛ መስኮቶች ላይ ባለሱቅ እያልን ግዢ መፈፀም ነው።

በእነዚህ ሱቆች ውስጥ የሚበላው፣ ከማይበላው ጋር ተቀላቅሎ የሚሸጥበት፣ የአይጥ መርዝና ኬሚካል ምርቶች ለብቻ ተለይተው የማይሸጡበት ፣ ዳቦ እና እንጀራ ያለቦታቸው ሆነው ፅዱ ባልሆነ ሁኔታ ተነስተው ለገበያተኛው የሚሰጡበት ሁኔታ (አሁንም ቢሆን በአንዳንድ ቦታዎች ቢኖሩም ) ዱሮ ግን እጅግ የበዛ ነበር።

ለዚህም ይመስላል የአዲስ አበባ ምግብና መድኃኒት ባለሥልጣን በዚህ ጉዳይ ላይ በአዲስ መልክ ንቅናቄ የጀመረው። ዳቦና እንጀራ በሸቀጦች ጋር መሸጥ የማይቻል መሆኑን በመመሪያ አውጥቶ ትገበራውን ጅማሬ ላይ የሚገኘው።

በእነዚህ ሱቆች የታሸጉ የላስቲክ ውሃዎች ፀሐይና ዝናብ እየተፈራረቀባቸው ለሸመታ መቅረባቸው። የጥራጥሬ እህሎች ተከድነው ሳያድሩ ሁልጊዜ ገዢን የሚጠብቁ መሆናቸው በጥናት የተረጋገጠ ሰነድ ማቅረብ አስቸጋሪ ቢሆንም በሸማቹ ጤና ላይ ጉዳት እያደረሱ መሆናቸው መቼም አያጠራጥርም። አልፎ አልፎም ቢሆን በየሚዲያው እንደ ምክንያት መቅረባቸውንም የምንሰማው።

ሌላው የባለሱቆቹ የእውቀት ደረጃም ከሽያጭና ከዕቃዎች አቀማመጥ አንፃር ያላቸው ክህሎት አናሳነት ለተፈጠረው ክፍተት ምክንያት ሊሆን ይችላል።

ይህን ያልኩት የአሁኑ ትውልድ በሱቅ ዋጋ ሱፐር ማርኬት ይገባዋል በሚል መንፈስ ይመስላል በየመንደራችን ትናንሽ ሚኒ ሱቆች እየበዙ መመልከታችንን በበጎ አይን ማየቴ ነው።

በእነዚህ ሱቆች ውስጥ ያስተዋልኩት የውሃ ምርቶች ለፀሐይ አይጋለጡም፣ ጥራጥሬዎች ክዳን ባለው ትላልቅ ባልዲ ተቀምጠዋል፣ የሚበሉት ከማይበሉት በሼልፎች በርቀት እንዲቀመጡ ተለይቷል፣ የደንበኛ አቀባበላቸው የተለየ ነው። ዋጋቸው ግን ከሱቅ እኩል ነው።

ሱቆቻችን በእንዲህ መልኩ ቢለወጡ ለጤናችን ጥሩ አይሆንም ትላላችው። እስቲ በመንደራችው ያሉትን ተመልከቱና ምልከታችውን በኮሜንት አኑሩልን።