https://www.facebook.com/105806639293010/

ዎላይታ ሳባንቻቱ እስፔተታ Tube, Wolayita sodo, Sodo (2026)

19/05/2026

Enjoy the videos and music you love, upload original content, and share it all with friends, family, and the world on YouTube.

18/05/2026

Join አድርጉ 👉https://t.me/BeniMazamuriya

18/05/2026

Join አድርጉ 👉https://t.me/BeniMazamuriya

17/05/2026

Enjoy the videos and music that you love, upload original content and share it all with friends, family and the world on YouTube.

16/05/2026

?
ቃለ ሕይወት ቤተ ክርስቲያን ያወጣችው መግለጫ ከእግዚአብሔር ቃል ጋር የሚጋጭ ነውን?
እኔ እንደ አንድ የቃለ ሕይወት ቤተ ክርስቲያን አባልና አገልጋይ ለዚህ ጥያቄ መልስ ለመስጠት ተቆጥቤአለሁ ምክንያቱም የቤተ ክርስቲያኒቱ ሙሉ አቋም ምን እንደሆነ ገና በቤተ ክርስቲያኒቱ ማህተም የተደፈና የጸደቀ በጽሑፍ ደረጃ ገና በእጃችን የገባ ነገር የለም፡፡ ነገር ግን በሚያዲያ መሪዎቻችን ቀርበው ለጋዜጠኛው ጥያቄ ምላሽ የሰጡትን ንግግር ብቻ ሰምተናል፡፡ ያ መላውን ቃለ ሕይወት ቤተ ክርስቲያን ጠቅላላ ጉባኤ አቋም ነው ወይስ? በቃለ ሕይወት ኮሌጆች ባሉት የስነ መለኮት ምሁራን ቀርቦ ተተችቶአል ወይ? ገና ምንም የምናውቀው ነገር በለሌበት ምንም ምላሽ መስጠት አንችልም፡፡
መግለጫው ሐሰተኛ ነቢያት በማውገዝ ላይ ያነጣጠረ ከሆነ ያ የሁላችን ጩኼት ነው፡፡ እንዲያውም ቃለ ሕይወት እጅግ ዘይታለች፡፡ ቤቱ ሲበዘበዝ ዝምታን ለምን መረጠች እያለን በያለንበት ስንጮህ ሰንብተናል፡፡ ባሁኑ ጊዜ በኢትዮጵያና ከኢትዮጵያ ዉጪ በየከተሞች ቤተ ክርስቲያንን ከፍተው (ተከላ ሳይሆን) ነቢይ ተብዬዎች የሰበሰቡአቸው ሕዝብ ከአቭሬጅ በላይ የሆነው እርግጠኛ ነኝ የቃለ ሕይወት አባላት ናቸው፡፡ ያ ሕዝብ በሄደበት ቃሉን ሳይሆን አብዛኛው መርዝ እየጠጣ፣ ዘይት፣ ሻማ፣ ስኳር፣ የታሸገ አፈር፣ ሳሙና “የተጸለየበት ነው” እየተባለ እየገዛ ሲበዘበዝ ሰንብቷል፡፡ አንዳንዱ ትዳሩን አጥቶአል፣ አንዳንዱ ጤናውን ሌላው ንብረቱን አጥቶአል፡፡ ይሞታል ተብሎ በሕይወት ያሉ፣ ይነሳል ተብሎ የሞቱ፣ ውጭ አገር ትሄዳለህ ተብለው ቤታቸውን የሸጡ ነገር ግን እስካሁን ድረስ ውጭ ቀርቶ ቦሌ አየር ማረፊያ ያልደረሱ፣ … ወዘተ ብዙ ነው፡፡ የመግለጫው ዋና ዓላማ ይህንን መረብ መበጣጠስ ከሆነ እኛ ሁላችን አለንበት፡፡
ነገር ግን ፈጽሞ ትንቢት የሚባል የለም፤ ነቢይ የሚባልም ሐዋርያ የሚባል የለም፤ “አንዳንድ የጸጋ ስጦታዎች አልፈዋል ዛሬ ላይ አይሠሩም” እንዳሉት አገር የእነ ጆን ማከርቴር ዓይነት አስተምህሮ ጽንፈኛ አቋም ከሆነ ግን እሱ ያነጋግረናል፡፡ ይሁን እንጂ ያም ቢሆን እንኳ አንድ ወንድሜ እንዳለው የምላስ ደም ለመዋጥም ለመትፋትም ያስቸግራል፡፡
ወደ ጸጋው ስመለስ በአዲስ ኪዳን ነቢያት እንዳሉ አዲስ ኪዳን በግልጽ ይነግረናል (ሐዋ 13፡1-2፤ 21፡10-11)፡፡ በቤተ ክርስቲያኒቱ ታሪክም ቢሆን ሐዋርያን በሚመለከት ቃለ ሕይወት ቤተ ክርስቲያን አትሾምም እንጂ እነ አባባ ዋንዳሮን እነ አባባ ኬዳሞ ሜቻቶን “የኢትዮጵያው ሐዋርያው ጳዉሎስ” ስትል ኖራለች፡፡ ነገር ግን እነዚያን ልክ እንደ በጉ ሐዋርያት እኩይ ሥልጣን አትሰጥም፡፡ አትሾምም፡፡ ይህ ከመጀመሪያም የቆየና ነበሩ የቃለ ሕይወት ቤተ ክርስቲያን አቋም ነው እንጂ አዲስ አይደለም፡፡
ለማንኛውም ሙሉ ሐሳብ ለመስጠት (ለመቃወምም ለመደገፍም) የመግለጫው ሙሉ ጽሑፍ በአስቸኳይ ይድረሰን እንላለን፡፡ ምክንያቱም እኛም የቃለ ሕይወት ልጆች ነን፣ ቤቱ የጋራ ነውና ያገባናል፡፡
በመጨረሻም ስለ ቃለ ሕይወት ሳያውቁ በቃለ ሕይወት ላይ አፋቸውን እንዳሰኛቸው የሚከፍቱ የበሉበትን ወጪት የሚረግጡ፣ ጭፍን አመለካከት ያላቸው፣ መጽሐፍ ቅዱስ ለመንጋው የማይራሩ ያላቸው ወገኖች ሥርዓት ቢይዙ ይሻላል እላለሁ፡፡ አብዛኞቻችሁን እናውቃለን፡፡ ውልደታችሁና ዕድገታችሁ ቃለ ሕይወት ነበረ፡፡ ዛሬ ቀን ወጣልኝ ብላችሁ ቤተ ክርስቲያኒቱን ብትረግጡ ታሪክም እግዚአብሔርም ይጠይቃችኋል፡፡ ካልተመለሳችሁ ጸባችሁ ከቤተ ክርስቲያኒቱ ጋር ሳይሆን ከመሥራቿ ጋር ነውና እርሱ ራሱ ያስጠነቅቃችኋል፡፡
ጌታ በቸር ይግጠመን፡