09/02/2026
Umukuru w'Igihugu c'Uburundi Evariste Ndayishimiye yahaye umubonano kuri uyu wa mbere , umushingamateka yatowe mu karere ka mu gihugu ca yari yaje nk'intumwa idasanzwe y'umukuru w'igihugu ca Kenya .
Umuvugizi w'umukuru w'Igihugu amenyesha ko uwo mush*tsi yari azanye ubutumwa bw'umukuru w'igihugu ca Kenya kuri mugenziwe, umukuru w'Igihugu c'Uburundi, ubutumwa bujanye no gukomeza imigenderanire iri hagati y'Uburundi n'igihugu ca Kenya yongera amukeza kubona agiye kurongora umuryango w'ishirahamwe ry'ubumwe bwa Afrika, amwipfuriza kuroranirwa muri ayo mabanga.
Umuvugizi w'umukuru w'Igihugu akamenyesha kandi ko uwo mush*tsi yari aje kwiga ibijanye no gutunganya neza amatora kuko Uburundi bumaze kwerekana ko butunganya neza amatora mu gihe mu gihugu ca Kenya naho bimirije amatora mu mwaka uza wa 2027.
Uwo mush*tsi Fatuma Mohammed akaba yashimye uko yakiriwe n'umukuru w'igihugu c'Uburundi hamwe n'icigwa yahakuye ngo atari bwumve ahandi, aho mu Burundi inzengo zishingwa neza baravye ko uwugiye kurongora abantu ahimiriza abanywanyi biwe gukunda ibikorwa na cane cane uburimyi kugira biteze imbere. Akavuga ko ari icigwa atwaye iwabo muri Kenya.
Fatuma Mohammed akavuga kandi ko yashimye ukuntu mu Burundi abakenyezi bahabwa ibibanza bikwiye mu nzego z'igihugu.
