Times Of Hafizabad

21/08/2026

17/08/2026

حافظ آباد کے علاقے رامکے چھٹہ میں عطائی ڈاکٹر کے مبینہ غلط انجکشن لگنے سے 19 سالہ نوجوان
دم توڑ گیا۔پولیس نے متوفی کے والد کی مدعیت میں مقدمہ درج کر کے قانونی کارروائی شروع کر دی۔حافظ آباد میں نوجوان اتائیت کی بھینٹ چڑھ گیا تھانہ ونیکی تارڑ میں درج ایف آئی آر کے مطابق گاؤں رامکے چھٹہ کے رہائشی 19 سالہ سنی احمد کو بخار تھا۔جسے اتائی بوٹا مسیح نے انجیکشن لگایا جو ری ایکش کر گیا اور نوجوان بےہوش ہو گیا۔ تشویشناک حالت کے پیش نظر اسے فوری طور پر ڈی ایچ کیو ہسپتال حافظ آباد منتقل کیا گیا، جہاں سے حالت نا سنبھلنے پر میو ہسپتال لاہور ریفر کر دیا گیا۔ 19 سالہ سمیع احمد میو ہسپتال میں علاج کے دوران جاں بحق ہو گیا۔واقع کے بعد پولیس نے والد سیف اللہ کی مدعیت میں عطائی ڈاکٹر بوٹا مسیح کے خلاف دفعہ 322 کے تحت مقدمہ درج کر کے قانونی کارروائی کا آغاز کر دیا ہے.

14/08/2026

جی این این کی 8ویں سالگرہ کے موقع پر حافظ آباد میں وزیر اعلی پنجاب کی کوارڈینیٹر ایم این اے سائرہ افضل تارڑ نے جی این این کی سالگرہ کا کیک کاٹا اور جشن آزادی کے موقع پر جی این این کو بھی مبارک باد پیش کی مزید میاں مظہر ۔ کی رپورٹ ،۔۔

14/08/2026

جی این این کی 8ویں سالگرہ حافظ آباد میں ڈسٹرکٹ آفس میں کیک کاٹا گیا ڈی پی اؤ فواد احمد اور صحافی برادری نے شرکت کی مزید میاں مظہر کی رپورٹ

Kashif Ullah

13/08/2026

حافظ آباد میں 14 اگست یومِ آزادی کا جشن بھرپور ملی جوش و جذبے کے ساتھ منانے کے لیے تیاریاں عروج پر پہنچ چکی ہیں۔ شہر کی تمام اہم شاہراؤں، چوراہوں، گلیوں اور سرکاری و نجی عمارتوں کو برقی قمقموں، قومی پرچموں اور سبز و سفید جھنڈیوں سے سجا دیا گیا ہے بازاروں اور مارکیٹوں میں خصوصی اسٹالز قائم کر دیے گئے ہیں جہاں بچوں اور بڑوں کے لیے قومی پرچم، بیجز، سبز لباس، باجے اور مختلف قسم کے تحائف کی خرید و فروخت کا بے پناہ رش دیکھنے میں آ رہا ہے۔ خاص طور پر بچوں اور نوجوانوں میں یومِ آزادی کو لے کر شدید جوش و خروش پایا جاتا ہے۔
​ضلعی انتظامیہ کی جانب سے بھی جشنِ آزادی کی مناسبت سے مختلف تقاریب، واک اور پرچم کشائی کی مرکزی تقریب کے لیے انتظامات کو حتمی شکل دی جا رہی ہے۔ اس موقع پر سیکورٹی کے بھی سخت انتظامات کیے گئے ہیں تاکہ شہری پرامن ماحول میں اپنے ملک کا جشن آزادی منا سکیں۔ شہریوں کا کہنا ہے کہ وہ اپنے وطن کی سلامتی، ترقی اور خوشحالی کے لیے دعا گو ہیں اور اس دن کو یادگار بنانے کے لیے پوری طرح پرعزم ہیں۔